![\"\"](\"https:\/\/www.athletics.fo\/wp-content\/uploads\/fifarkiv\/google\/cf49abdf6e432543.jpg\")
<\/p>\nLeygardagin skipa\u00f0i F\u00cdF fyri 4. umfari \u00ed Grand Prix fyri vaksin \u00ed smb. vi\u00f0 J\u00f3ans\u00f8kuna \u00ed V\u00e1gi. Runni\u00f0 bleiv runt V\u00e1gsvatn, sum er ein sera v\u00f8kur og fl\u00f8t ruta. Rennast skuldu 5 umf\u00f8r ella \u00edalt umlei\u00f0 6 kilomtetrar. L\u00edkindini at renna v\u00f3ru n\u00f8kunlunda. Ta\u00f0 var fitt av vindi me\u00f0an runni\u00f0 bleiv, og ta\u00f0 darva\u00f0i rennarunum \u00ed at koma \u00e1 m\u00e1l vi\u00f0\u00a0teimum g\u00f3\u00f0u t\u00ed\u00f0unum. Startur og m\u00e1l v\u00f3ru t\u00e6tt vi\u00f0 \u00cdtr\u00f3ttarh\u00f8llina, og runni\u00f0 bleiv so framvi\u00f0 vatninum\/vegnum m\u00f3ti V\u00e1gi og so til h\u00f8gru vi\u00f0 endan \u00e1 vatninum og\u00a0aftur til startin framvi\u00f0 vatninum eftir g\u00f8tuni hinumegin.<\/p>\n
Lutt\u00f8kan var t\u00edverri naka\u00f0 lakari enn hevur veri\u00f0 undanfarnu umf\u00f8rini. Bert 20\u00a0vaksin v\u00f3ru vi\u00f0 og \u00ed barnarenningini v\u00f3ru 15 luttakarar.<\/p>\n
Beint eftir kl. 13.00 bleiv renningin sett \u00ed gongd. Ta\u00f0 var skj\u00f3tt at Sam Vang, Hallur Holm, Eirikur Hansen og Borgar Biskopst\u00f8 l\u00f8gdu seg \u00e1 odda. S\u00ed\u00f0ani kom eitt l\u00edti\u00f0 felt vi\u00f0 S\u00fana Jacobsen, Meinar Ortind og J\u00f3han M. Jacobsen. Naka\u00f0 aftari v\u00f3ru ta\u00f0 so Hjalti Gunnarstein, J\u00f3gvan Glerfoss, Brian Smedemark, Trygvi Hansen og Arnfinnur Johannesen \u00ed fylgdust. Hj\u00e1 kvinnunum v\u00f3ru ta\u00f0 Rebekka Fugl\u00f8 og T\u00f3rv\u00f8r Vang \u00ed\u00f0 kappa\u00f0ust. Bj\u00f8rk Herup Olsen var st\u00f8dd uttanlanda \u00ed renni\u00f8rindum fyri s\u00edtt danska felag.<\/p>\n
<\/p>\n
\u00cd oddinum skiftust teir f\u00fdra um at liggja \u00e1 odda og\u00a0l\u00f8gu teir javnir, t\u00e1 teir f\u00f3ru \u00fat \u00e1 fj\u00f3r\u00f0a umfar. T\u00e1 teir h\u00f8vdu runni\u00f0 framvi\u00f0 vegnum og snara\u00f0u til h\u00f8gru,\u00a0rann\u00a0Sam seg fr\u00e1 hinum, me\u00f0an\u00a0Hallur royndi at fylgja vi\u00f0, men Sam fekk t\u00e1 ta\u00f0 avgerandi gloppi\u00f0 aftur til Hallur, sum eisini fekk eitt avgerandi glopp aftur til Eirik og Borgar. T\u00e1 teir f\u00f3ru \u00fat \u00e1 seinasta umfar, tyktist\u00a0ta\u00f0 avgj\u00f8rt um fyrsta og anna\u00f0pl\u00e1ss, me\u00f0an Eirikur og Borgar framvegis v\u00f3ru nokkso javnir \u00ed kappingini um tru\u00f0japl\u00e1ss.<\/p>\n
Endin var\u00f0 at\u00a0Sam vann vi\u00f0 21.17 min. frammanfyri\u00a0Hallur vi\u00f0 21.27 min.\u00a0Uppger\u00f0ina um tri\u00f0japl\u00e1ss vann Eirikur vi\u00f0 21.37 min. 2 sekund frammanfyri Borgar vi\u00f0 21.39 min. Borgar vann hj\u00e1 veteranunum frammanfyri Hjalta og Jan Arge. Hj\u00e1 superveteranum vann J\u00f3annes Ortind. Tv\u00eddystin hj\u00e1 kvinnunum vann Rebekka frammanfyri T\u00f3rv\u00f8r.<\/p>\n
\u00c1 m\u00e1linum v\u00f3ru linjuverjarnir Andreas Josephsen og Jan Gardar \u00far Klaksv\u00edk, og lat ta\u00f0 ver\u00f0a sagt, at ta\u00f0 uppg\u00e1vuna loystu teir til fulnar. Verri eru\u00a0vi\u00f0\u00a0teirra kollegum, sum royna seg \u00ed HM \u00ed Su\u00f0urafrika.<\/p>\n
\u00d8ll \u00farslitini fr\u00e1 renningini \u00e1 J\u00f3ans\u00f8ku\u00a0eru at finna \u00ed .pdf her: Urslit 4.GP \u00ed V\u00e1gi og barnarenning<\/a><\/p>\n