{"id":6678,"date":"2011-05-17T22:05:43","date_gmt":"2011-05-17T22:05:43","guid":{"rendered":"https:\/\/www.athletics.fo\/?p=6678"},"modified":"2011-05-17T22:05:43","modified_gmt":"2011-05-17T22:05:43","slug":"venjaraskeid-ii","status":"publish","type":"post","link":"https:\/\/www.athletics.fo\/?p=6678","title":{"rendered":"Venjaraskei\u00f0 II"},"content":{"rendered":"

N\u00fa er longu naka\u00f0 fr\u00e1li\u00f0i\u00f0, s\u00ed\u00f0ani annar partur av venjaraskei\u00f0inum 14-17 \u00e1r var\u00f0 hildi\u00f0, men eg haldi ta\u00f0 er upp\u00e1 s\u00edtt pl\u00e1ss at siga eitt sindur fr\u00e1 hesum fr\u00e1l\u00edka skei\u00f0inum!<\/p>\n

Seinna umfar byrja\u00f0i fr\u00edggjakv\u00f8ld vi\u00f0 at\u00a0gj\u00f8gnumganga heimauppg\u00e1vurnar vit fingu fr\u00e1 fyrra skei\u00f0inum. Vit h\u00f8vdu fingi\u00f0 b\u00e6\u00f0i einstaklingauppg\u00e1vur og b\u00f3lkauppg\u00e1vur. Hv\u00f8rt felag umbo\u00f0a\u00f0i ein b\u00f3lk, og loystu tey felagsuppg\u00e1vurnar vi\u00f0 at hittast saman eitt langt kv\u00f8ld. So vit v\u00f3ru \u00f8ll v\u00e6l fyrireika\u00f0 til fyrsta kv\u00f8ldi\u00f0, har vit fingu gott pr\u00e1t um t.d. at spyrja okkum sj\u00e1lvi, hvat ta\u00f0 er, sum ger at vit t\u00edma at vera venjarar, hv\u00f8nn lei\u00f0sluh\u00e1tt vit velja sum venjarar og hvussu vit f\u00e1a ungd\u00f3min at tr\u00edvast og st\u00f8\u00f0ast \u00ed b\u00f3lkinum og \u00edtr\u00f3ttinum sum heild.<\/p>\n

\"\"<\/a>
\nJorma Jaaskelainen av Gotlandi dugdi sera v\u00e6l at grei\u00f0a fr\u00e1<\/em><\/p>\n

Ein felagsuppg\u00e1va var eisini at leggja eina venjingar\u00e6tlan fyri eitt longri t\u00ed\u00f0arskei\u00f0 – 2-3 m\u00e1na\u00f0ir – til r\u00e6ttis. Hetta var ein heldur umfatandi uppg\u00e1va, sum b\u00f3lkarnir t\u00f3 megna\u00f0u at loysa. Hetta var \u00ed flestu f\u00f8rum gj\u00f8rt vi\u00f0 at laga venjingar\u00e6tlanina til tey vi\u00f0urskifti, sum fel\u00f8gini frammanundan eru \u00ed.<\/p>\n

\"\"<\/a>
\nJoakim Nilsson var sera dugnaligur<\/em><\/p>\n

Hinar dagarnar v\u00f3r\u00f0u vit b\u00fdtt sundur \u00ed ein rennib\u00f3lk og ein lopb\u00f3lk. Tveir n\u00fdggir instrukt\u00f8rar st\u00f3\u00f0u fyri skei\u00f0unum hesafer\u00f0. Til rennipartin var komin 34 \u00e1ra gamli Joakim Nilsson, sum sj\u00e1lvur var eitt kempist\u00f3rt spurttalent. Longu sum 16 \u00e1ra gamal rann hann 400 metrar upp\u00e1 49 sek. Men hann kom t\u00f3 aldrin at renna skj\u00f3tari, t\u00ed at \u00e1haldandi ska\u00f0ar hava for\u00f0a\u00f0 honum \u00ed hesum.<\/p>\n

\"\"<\/a>
\nSvend \u00c5ge og Debes \u00ed g\u00f3\u00f0um t\u00f8ttum samstarvi<\/em><\/p>\n

Leygarmorgunin l\u00e6rdu vit um spurtteknik. Um vinklar, kropsbur\u00f0, f\u00f3t\u00edseting o.a. Sera umr\u00e1\u00f0andi var \u00ed hesum sambandi, at\u00a0vit \u00ed sm\u00e1um b\u00f3lkum skuldu finna feilir og s\u00ed\u00f0ani royna at r\u00e6tta teir. L\u00e6ra at instruera! Hesin parturin var felags.<\/p>\n

Sunnumorgunin var bo\u00f0renning \u00e1 skr\u00e1nni. Ta\u00f0 v\u00f3ru \u00f8gilig r\u00f3p og m\u00e1lageipan, t\u00e1 skiftini blivu vand ni\u00f0ur \u00ed minstu detaljur. Bo\u00f0renningar eru flottar og spennandi kappingar, og \u00a0ver\u00f0a v\u00e6ntandi at s\u00edggja \u00e1 T\u00f3rsbreyt \u00ed summar.<\/p>\n

\"\"<\/a>
\nBo\u00f0renning \u00e1 skr\u00e1nni – hyp, hyp, hyp<\/em><\/p>\n

48 \u00e1ra gamli Jorma Jaaskelainen st\u00f3\u00f0 fyri loppartinum. Jorma er ikki heilt \u00f3kendur \u00ed F\u00f8royum. Hann var nevnliga vi\u00f0 \u00e1 oyggjaleikunum \u00ed F\u00f8royum \u00ed 1989, har hann vann gull \u00ed tr\u00edst\u00f8kki! Hann hevur n\u00f3gv g\u00f3\u00f0 minni inni av Toftum, og v\u00edsti okkum eisini myndir av vertsfamiljini hann b\u00fa\u00f0i hj\u00e1. St\u00f3rur partur av leygardegnum f\u00f3r til teoretiska gj\u00f8gnumgongd av longdarlopi, h\u00e6ddarlopi og tr\u00edst\u00f8kki. Hetta dugdi hann sera v\u00e6l at gera livandi vi\u00f0 g\u00f3\u00f0um tekniskum kunnleika, anekdotum, myndum og filmi. At enda leygardagin sluppu vit \u00fat \u00ed s\u00f3lina, har praktiski parturin av longdarlopi var\u00f0 gj\u00f8gnumf\u00f8rdur.<\/p>\n

\"\"<\/a>
\nSynkronh\u00e6ddarlop, her framv\u00edst av J\u00f3gvan og Hans<\/em><\/p>\n

Sunnumorgunin\u00a0v\u00f3ru so\u00a0praktisku venjingarnar \u00ed h\u00e6ddarlopi og tr\u00edst\u00f8kki \u00e1 skr\u00e1nni. Her l\u00e6rdu vit eina r\u00fagvu av spesifikkum venjingum til t\u00e6r ymsu fasurnar \u00ed lopunum.<\/p>\n

\"\"<\/a>
\nEllinor v\u00edsir her g\u00f3\u00f0a javnv\u00e1g<\/em><\/p>\n

Aftur hetta vikuskifti\u00f0 var Ellinor Sundstrand vi\u00f0, sum royndarhara hj\u00e1 instrukt\u00f8runum. Hon byrja\u00f0i\u00a0praktisku venjingina vi\u00f0 rennib\u00f3lkinum\u00a0leygarmorgunin kl. 9.00 og var ikki li\u00f0ug fyrr enn lopb\u00f3lkurin gavst kl. 17.00! J\u00fa, hon skal nokk fara at standa seg v\u00e6l fyri\u00a0Gotland \u00e1 oyggjaleikunum!<\/p>\n