{"id":6828,"date":"2012-03-03T00:29:23","date_gmt":"2012-03-03T00:29:23","guid":{"rendered":"https:\/\/www.athletics.fo\/?p=6828"},"modified":"2012-03-03T00:29:23","modified_gmt":"2012-03-03T00:29:23","slug":"rebekka-runi-og-marnar-til-dm-fyri-ung-hetta-vikuskiftid","status":"publish","type":"post","link":"https:\/\/www.athletics.fo\/?p=6828","title":{"rendered":"Rebekka, R\u00fani og Marnar til DM fyri ung hetta vikuskifti\u00f0"},"content":{"rendered":"

Aftur \u00ed \u00e1r ver\u00f0ur f\u00f8roysk umbo\u00f0an, t\u00e1 DM fyri ung innandura ver\u00f0ur hildi\u00f0 \u00ed Skive leygar- og sunnudagin. Ta\u00f0 eru tey b\u00e6\u00f0i Rebekka Fugl\u00f8 og Marnar Djurhuus \u00far Treysti og R\u00fani Seloy \u00far Bragdinum. Hesi tr\u00fd hava \u00f8ll \u00e1\u00f0ur vunni\u00f0 ymisk danmarksmeistaraheiti umframt fleiri silvur og bronsumerki. Og samb\u00e6rt tilmeldingart\u00ed\u00f0unum eru aftur \u00ed \u00e1r\u00a0v\u00f3nir um eitt sindur av hv\u00f8rjum til okkara \u00ed\u00f0karar. St\u00f8rstu v\u00f3nirnar eiga nokk at setast til Marnar Djurhuus, sum hevur veri\u00f0 fl\u00fagvandi \u00ed vetur, og sum eisini hevur bestu tilmeldingart\u00ed\u00f0ir \u00e1 b\u00e6\u00f0i 1.500 og 3.000 metrum.\u00a0T\u00e1 man harafturat kann rokna vi\u00f0, at Marnar rennur enn skj\u00f3tari enn tilmeldingart\u00ed\u00f0irnar, skal okkurt heilt \u00f3v\u00e6nta\u00f0 henda, vinnur hann ikki okkurt hei\u00f0ursmerki.<\/p>\n

\"\"
\nSolei\u00f0is kenna vit Marnar fr\u00e1 mongum kappingum seinastu t\u00ed\u00f0ina. V\u00f3nandi far hann afturhetta vikuskifti\u00f0 h\u00f8vi at hevja armarnar \u00ed sigursr\u00fasi.<\/em><\/p>\n

B\u00e6\u00f0i Rebekka og Marnar renna 3.000 leygardagin og 1.500 sunnudagin. Hj\u00e1 monnum hevur Bogi Lenvig b\u00e6\u00f0i hesi f\u00f8roysku metini, sum eru \u00e1vikav\u00edst 4.10,61 og 8.55,65. Um kappingarnar hj\u00e1 Marnari koma at passa, so kunnu b\u00e6\u00f0i hesi metini hj\u00e1 Boga standa fyri falli. Men knapt ver\u00f0ur ta\u00f0. Hinvegin er l\u00edti\u00f0 sum talar fyri at Rebekka fer at taka naka\u00f0 met. T\u00ed b\u00e6\u00f0i \u00e1 1.500 og 3.000 metrum hava vit tvey supersterk met hj\u00e1 Bj\u00f8rk Herup Olsen. \u00c1 1.500 er meti\u00f0 fr\u00e1 sigrinum \u00ed Reykjav\u00edk International \u00ed 2010 og \u00e1 3.000 metrum reyk Bj\u00f8rk undir 10 min seinast \u00ed januar. Rebekka hevur onga tilmeldingart\u00ed\u00f0 \u00e1 3.000 metrum, t\u00ed hetta er fyrstu fer\u00f0 hon roynir teinin. Ta\u00f0 s\u00e6r kortini \u00fat til, at hevur hon ein g\u00f3\u00f0an dag, kann hon taka dystin upp um bronsuna. \u00c1 1.500 metrum hevur hon n\u00e6stbestu tilmeldingart\u00ed\u00f0ina. Men hendan t\u00ed\u00f0in er fr\u00e1 oyggjaleikunum seinasta summar, og ta\u00f0 liggur ikki \u00ed kortunum, at hon longu\u00a0n\u00fa \u00ed vetur hevur sama speed \u00ed beinunum sum t\u00e1. Men spennandi ver\u00f0ur \u00ed \u00f8llum f\u00f8rum. Marnar luttekur \u00ed dreingjum 16-17 \u00e1r og Rebekka \u00ed gentur 18-19 \u00e1r.<\/p>\n

R\u00fani Seloy er \u00ed \u00e1r ryktur upp \u00ed b\u00f3lkin 18-19 \u00e1r, har hann fer at kappast \u00e1 800 metrum leygarkv\u00f8ldi\u00f0 og 400 metrum sunnudagin. Har eru fleiri skj\u00f3tir \u00e1 400 metrum, men spennandi er kortini at s\u00edggja, hvussu R\u00fani hevur ment seg \u00ed vetur, og um hann kann renna heilt upp m\u00f3ti s\u00ednum egna 400 metra innandurameti upp\u00e1 52,35 sek. \u00c1 800 metrum s\u00e6r \u00fat til at ta\u00f0 fer at gerast ein dystur um silvur og bronsu. Eisini ver\u00f0ur spennandi at s\u00edggja, um R\u00fani kann v\u00edsa somu styrki, sum fyri 2-3 \u00e1rum s\u00ed\u00f0ani. \u00cd \u00f8llum f\u00f8rum hevur hann g\u00f3\u00f0an m\u00f8guleika at betra s\u00edtt f\u00f8royska innanduramet, sum er 1.59,62 min.<\/p>\n

Venjarin hj\u00e1 Treysti, Guttorm S\u00f8rensen og J\u00f3gvan Glerfoss \u00far Bragdinum eru vi\u00f0 s\u00ednum \u00ed\u00f0karum \u00ed Skive. Skr\u00e1in hj\u00e1 f\u00f8roysku \u00ed\u00f0karunum er hendan:<\/p>\n