{"id":7202,"date":"2013-12-07T17:56:42","date_gmt":"2013-12-07T17:56:42","guid":{"rendered":"https:\/\/www.athletics.fo\/?p=7202"},"modified":"2026-10-29T10:57:39","modified_gmt":"2026-10-29T10:57:39","slug":"7-hvor-var-albert-marni","status":"publish","type":"post","link":"https:\/\/www.athletics.fo\/?p=7202","title":{"rendered":"7 – hv\u00f8r var Albert Marni?"},"content":{"rendered":"

Hyggja vit \u00ed listan yvir f\u00f8roysk met \u00ed renning hj\u00e1 monnum, so s\u00edggja vit, at ta\u00f0 er eitt navn, sum gongur aftur og aftur. 800 m, 1.000m, 1.500 m, 2.000 m, 3.000 m, 5.000 m, 400 m hekk, 3.000 m for\u00f0arenning og 10 km \u00e1 landavegi. Allarflestu met hansara eru sett \u00e1rini fr\u00e1 1992-94 t\u00e1 Albert Marni, ella Marni sum hann eitur \u00ed F\u00f8royum, hev\u00f0i s\u00ednar bestu dagar. Seinast vit s\u00f3u Marnar so n\u00f8kulunda \u00e1 toppinum, var \u00ed 1997, t\u00e1 hann umbo\u00f0a\u00f0i F\u00f8royar \u00e1 oyggjaleikunum \u00e1 Jersey. Men ta\u00f0 er longu langt s\u00ed\u00f0ani, og av t\u00ed at Marni flestu \u00e1rini hevur b\u00fa\u00f0 \u00ed Danmark, eru ta\u00f0 tey f\u00e6gstu av okkara ungu, sum kenna naka\u00f0 til Marna, anna\u00f0 enn eitt navn \u00ed metlistanum og kanska eisini \u00e1 \u00farslitalistanum \u00ed \u00f3lavs\u00f8kurenningini, sum hann plagar at luttaka \u00ed, t\u00e1 hann er heima \u00e1 sumri.<\/p>\n

Men hv\u00f8r var Marni? Marni vaks upp \u00ed vesturb\u00fdnum \u00ed Havn, og gekk sera h\u00f8gt upp \u00ed hondb\u00f3lt. Hann var sp\u00e6lskipari \u00e1 einum suverenum ungd\u00f3msli\u00f0i hj\u00e1 Neistanum, sum van FM hv\u00f8rt \u00e1ri\u00f0, teir v\u00f3ru eldri \u00e1rgangurin. Eftir studentask\u00falan f\u00f3r Marni \u00e1 \u00edtr\u00f3ttarh\u00e1sk\u00fala \u00ed \u00c5rhus, og har m\u00f8tti hann Hans Henrik Christensen, rennivenjara, sum seinni skuldi gerast fastur venjari hj\u00e1 honum, og seinni aftur eisini hj\u00e1 Guttorm S\u00f8rensen.<\/p>\n

\"IMG_6493\"
\nMarni vi\u00f0 \u00e1 \u00fatfer\u00f0 vi\u00f0 Oyggjaleikalandsli\u00f0num \u00ed 1991<\/em><\/p>\n

Eftir \u00edtr\u00f3ttarh\u00e1sk\u00falan var Marni eitt \u00e1r \u00ed F\u00f8royum. Hetta \u00e1ri\u00f0 var aftur hondb\u00f3ltsleikur \u00e1 skr\u00e1nni, men \u00ed 1989 f\u00f3r hann ni\u00f0ur til \u00c5rhus at lesa l\u00e6knav\u00edsindi, og t\u00e1 byrja\u00f0i renningin av \u00e1lvara. Fyrstu oyggjaleikirnir hann lutt\u00f3k \u00ed v\u00f3ru \u00e1 \u00c1landi \u00ed 1991. H\u00f3ast sera g\u00f3\u00f0 \u00farslit \u00e1 800 og 1.500 m, muna\u00f0i hetta l\u00edti\u00f0 m\u00f3ti sterku m\u00f3tst\u00f8\u00f0uni. Hetta \u00e1ri\u00f0 man hava veri\u00f0 ta\u00f0 sterkast \u00ed mi\u00f0teinarenning yvirh\u00f8vur \u00e1 oyggjaleikum. 13 av fimtan rennarum v\u00f3ru undir 2.00 \u00e1 800 m, men vi\u00f0 1.58,89 reyk hann \u00fat vi\u00f0 einum 6. pl\u00e1ssi innlei\u00f0andi, og \u00e1 1.500 m m\u00e1tti hann \u00ed beinlei\u00f0is finaluni taka til takkar vi\u00f0 8. pl\u00e1ss, h\u00f3ast t\u00ed\u00f0in var so g\u00f3\u00f0 sum 4.01.<\/p>\n

\"IMG_6488\"
\nGutti, Hjalti og Marni luttaka her \u00ed 1900-staffettini t\u00ed\u00f0liga \u00ed 90’\u00e1runum. Hetta er ikki \u00ed movember, men av fr\u00edum huga.<\/em><\/p>\n

Tvey \u00e1r seinni var Marni farin at renna eitt sindur longri teinar, og \u00e1 Isle of Wight skuldi hann renna 3.000 m for\u00f0arenning og 5.000 m. Undan oyggjaleikunum hev\u00f0i Marni runni\u00f0 14.55 min \u00e1 5.000, so v\u00f3nirnar v\u00f3ru g\u00f3\u00f0ar fyri hei\u00f0ursmerki. T\u00e1 teir f\u00f3ru \u00fat \u00e1 seinasta umfar, v\u00f3ru teir tr\u00edggir, sum skuldu kempa um pl\u00e1ssini fr\u00e1 nr. 2-4. Vit vistu, at Marni var skj\u00f3tur, so vit h\u00f8vdu framvegis g\u00f3\u00f0ar v\u00f3nir. Men hinir v\u00edstu seg eisini at vera skj\u00f3tir menn, og h\u00f3ast Marni rann seinasta umfari\u00f0 umlei\u00f0 60 sekund, m\u00e1tti hann taka til takkar vi\u00f0 4. pl\u00e1ssi\u00f0 vi\u00f0 t\u00ed\u00f0ini 14.57. Ein t\u00ed\u00f0, sum allar a\u00f0rar oyggjaleikir h\u00f8vdu vunni\u00f0 hei\u00f0ursmerki – eisini gull.<\/p>\n

So var ta\u00f0 3.000 m for\u00f0arenning. Eisini her v\u00f3ru fleiri sterkir rennarar vi\u00f0, og Marni megna\u00f0i ikki at fylgja teimum fremstu, men fekk t\u00f3 m\u00f3ti endanum skapt s\u00e6r eitt r\u00edmiliga trygt tri\u00f0japl\u00e1ss. Men so hendi eitt \u00f3happ. Seinasti t\u00farur um vatngr\u00f8vina, enda\u00f0i vi\u00f0 h\u00f8vdinum \u00ed vatninum. Marni royndi at grulva upp aftur og koma \u00ed gongd, men fj\u00f3r\u00f0i ma\u00f0urin n\u00e6rka\u00f0ist n\u00fa skj\u00f3tt. Lukkuliga gj\u00f8rdi Marni so skj\u00f3tt av, at hann megna\u00f0i at verja s\u00edtt tri\u00f0ja pl\u00e1ss, og harvi\u00f0 ogna s\u00e6r s\u00edtt fyrsta oyggjaleikahei\u00f0ursmerki.<\/p>\n

Marni f\u00f3r eftir hetta at satsa upp\u00e1 for\u00f0arenning, og \u00e1 sumri \u00ed 1994, vann Marni bronsu til Danmarkarmeistarskapi\u00f0 vi\u00f0 t\u00ed\u00f0ini 9.08 min. Hetta er ikki bara f\u00f8royskt met, men ta\u00f0 \u00farsliti\u00f0, sum telur mest av \u00f8llum f\u00f8royskum \u00farslitum \u00ed fr\u00e6lsum \u00edtr\u00f3tti, um vit hyggja eftir IAAF stigaskipanini.<\/p>\n

\"IMG_6491\"
\n<\/a>Marni hevur alt\u00ed\u00f0 n\u00f3gv at fortelja. Her er ta\u00f0 umbor\u00f0 \u00e1 ferjuni \u00e1vegis til \u00c1lands \u00ed 1991<\/em><\/p>\n

N\u00f3gva venjingin vi\u00f0 for\u00f0arenning enda\u00f0i t\u00edverri vi\u00f0 einum sera \u00e1lvarsamum kn\u00e6ska\u00f0a, sum setti ein stoppara fyri t\u00e1 26 \u00e1ra gamla Marna. Oyggjaleikirnir \u00e1 Gibraltar misti hann, og ikki fyrr enn 1996-97 byrja\u00f0i so sm\u00e1tt at l\u00edkjast aftur, og Marni kom vi\u00f0 til oyggjaleikirnar \u00e1 Jersey. N\u00fa var ta\u00f0 10.000 m og \u00bd maraton, sum var fyrsta kapping \u00e1 leikunum. Marni fylgdi leingi vi\u00f0 teimum fremstu, men dehydrera\u00f0i m\u00f3ti endanum. Hann kom skinklandi inn \u00e1 rennibreytina \u00e1 tri\u00f0ja pl\u00e1ssi,\u00a0og\u00a0skuldi renna 500 metrar.\u00a0T\u00e1\u00a0var l\u00edtil fer\u00f0, og einki minnist hann um hetta. Men \u00e1 m\u00e1l kom hann, har hann sakk saman og bleiv\u00a0tikin til vi\u00f0ger\u00f0, har hann fekk saltvatnsdropp. Mistu bronsuna var hann sj\u00e1lvandi sera harmur um, men br\u00e1dliga kom r\u00f3p \u00ed, t\u00ed n\u00fa v\u00edsti ta\u00f0 seg at\u00a0f\u00f8roska li\u00f0i\u00f0 hev\u00f0i vunni\u00f0 bronsu\u00a0\u00ed sera javnari kapping vi\u00f0 Jersey og Hetland. So hetta var eitt pl\u00e1stur \u00e1 s\u00e1ri\u00f0, og enn eitt\u00a0oyl-hei\u00f0ursmerki. Marni kom ongant\u00ed\u00f0 r\u00e6ttiliga fyri seg,\u00a0og \u00e1 10.000 m gavst hann t\u00e1 einir 2.000 m v\u00f3ru eftir.<\/p>\n

Marni er \u00ed dag serl\u00e6kni \u00ed hjartasj\u00fakum \u00e1 sj\u00fakrah\u00fasinum \u00ed \u00c5lborg. Hann rennur framvegis eitt sindur,\u00a0og er vi\u00f0 \u00ed Aalborg Atletikklub.<\/p>\n

\"
\nMarni er ofta at s\u00edggja til \u00d3lavs\u00f8kurenningina – her \u00ed 2013<\/em><\/p>\n

 <\/p>\n

 <\/p>\n","protected":false},"excerpt":{"rendered":"

Hyggja vit \u00ed listan yvir f\u00f8roysk met \u00ed renning hj\u00e1 monnum, so s\u00edggja vit, at ta\u00f0 er eitt navn, sum gongur aftur og aftur. 800 m, 1.000m, 1.500 m, 2.000 m, 3.000 m, 5.000 m, 400 m hekk, 3.000 m for\u00f0arenning og 10 km \u00e1 landavegi. Allarflestu met hansara eru sett \u00e1rini fr\u00e1 1992-94 t\u00e1 […]<\/p>\n","protected":false},"author":4,"featured_media":7203,"comment_status":"closed","ping_status":"","sticky":false,"template":"","format":"standard","meta":{"ngg_post_thumbnail":0,"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_feature_clip_id":0,"_jetpack_memberships_contains_paid_content":false,"footnotes":"","jetpack_publicize_message":"","jetpack_publicize_feature_enabled":true,"jetpack_social_post_already_shared":true,"jetpack_social_options":{"image_generator_settings":{"template":"highway","default_image_id":0,"font":"","enabled":false},"version":2},"jetpack_post_was_ever_published":false},"categories":[50],"tags":[],"class_list":["post-7202","post","type-post","status-publish","format-standard","has-post-thumbnail","hentry","category-fif-arkiv"],"jetpack_publicize_connections":[],"jetpack_sharing_enabled":true,"jetpack_featured_media_url":"https:\/\/www.athletics.fo\/wp-content\/uploads\/fifarkiv\/uploads\/2013\/12\/IMG_6493.jpg","_links":{"self":[{"href":"https:\/\/www.athletics.fo\/index.php?rest_route=\/wp\/v2\/posts\/7202","targetHints":{"allow":["GET"]}}],"collection":[{"href":"https:\/\/www.athletics.fo\/index.php?rest_route=\/wp\/v2\/posts"}],"about":[{"href":"https:\/\/www.athletics.fo\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.athletics.fo\/index.php?rest_route=\/wp\/v2\/users\/4"}],"replies":[{"embeddable":true,"href":"https:\/\/www.athletics.fo\/index.php?rest_route=%2Fwp%2Fv2%2Fcomments&post=7202"}],"version-history":[{"count":1,"href":"https:\/\/www.athletics.fo\/index.php?rest_route=\/wp\/v2\/posts\/7202\/revisions"}],"predecessor-version":[{"id":10906,"href":"https:\/\/www.athletics.fo\/index.php?rest_route=\/wp\/v2\/posts\/7202\/revisions\/10906"}],"wp:featuredmedia":[{"embeddable":true,"href":"https:\/\/www.athletics.fo\/index.php?rest_route=\/wp\/v2\/media\/7203"}],"wp:attachment":[{"href":"https:\/\/www.athletics.fo\/index.php?rest_route=%2Fwp%2Fv2%2Fmedia&parent=7202"}],"wp:term":[{"taxonomy":"category","embeddable":true,"href":"https:\/\/www.athletics.fo\/index.php?rest_route=%2Fwp%2Fv2%2Fcategories&post=7202"},{"taxonomy":"post_tag","embeddable":true,"href":"https:\/\/www.athletics.fo\/index.php?rest_route=%2Fwp%2Fv2%2Ftags&post=7202"}],"curies":[{"name":"wp","href":"https:\/\/api.w.org\/{rel}","templated":true}]}}