![\"Ungli\u00f0](\"https:\/\/www.athletics.fo\/wp-content\/uploads\/fifarkiv\/uploads\/2015\/11\/Ungli%C3%B0-Stokkh%C3%B3lm.jpg\")
\n<\/a>R\u00fani og Rebekka hava veri\u00f0 fastir f\u00fasir \u00e1 ungd\u00f3ms- A- og Oyl-landsli\u00f0num s\u00ed\u00f0ani 2004. Her avmynda\u00f0 \u00e1 olympiska leikv\u00f8llinum \u00ed Stokkh\u00f3lmi \u00ed 2008 saman vi\u00f0 Regini Joensen, Bj\u00f8rk Herup Olsen og V\u00e1r Gregersen.<\/em><\/p>\n
F\u00cdF gj\u00f8rdi fyrr \u00ed heyst av, at vit skuldu bj\u00f3\u00f0a onkrum av okkara mi\u00f0- og\/ella langteinarennarum \u00e1 hetta seminari\u00f0. Vali\u00f0 fall \u00e1 R\u00fana og Rebekku, sum b\u00e6\u00f0i tvey eru ungir rennarar vi\u00f0 bjartari framt\u00ed\u00f0. Samstundis hava b\u00e6\u00f0i veri\u00f0 virkin sum venjarar \u00ed teirra fel\u00f8gum, og kunnu t\u00ed brei\u00f0a n\u00fdggja \u00edbl\u00e1sturin v\u00ed\u00f0ari \u00fat til fel\u00f8gini her heima \u00ed F\u00f8royum.<\/p>\n
Vit geva Rebekku og R\u00fana or\u00f0i\u00f0:<\/p>\n
L\u00f8berseminar 2015<\/em> er j\u00fast fari\u00f0 aftur um bak, og var hetta, eftir okkara tykki, eitt v\u00e6leydna\u00f0 tiltak. Hetta rennaraseminari\u00f0, i\u00f0 var\u00f0 \u00e6tla\u00f0 sum \u00edbl\u00e1stur til renni\u00e1huga\u00f0i og sum \u00ed \u00e1r savna\u00f0i \u00e1lei\u00f0 200 f\u00f3lk, f\u00f3r fram \u00e1 universitetinum \u00ed Odense og \u00e1 t\u00ed \u00f8\u00f0rv\u00edsi og kreativa stadioninum uttanfyri universiteti\u00f0.<\/p>\n Seminari\u00f0 var\u00f0 skipa\u00f0 \u00e1 tann h\u00e1tt, at fyrst var v\u00e6lkomst og ein felags fyrilestur vi\u00f0 heitinum “L\u00f8b dig sund og glad<\/em>“. Fyri fyrilestrinum st\u00f3\u00f0 Bente Klarlund, sum er \u00fatb\u00fagvin l\u00e6kni og undirv\u00edsir \u00e1 universitetinum \u00ed Keypmannahavn. Hon granskar innan heilsu, og v\u00edsti hon, \u00e1 ein sera spennandi h\u00e1tt, hvussu t\u00fddningarmikil kropslig venjing er fyri heilsuna.<\/p>\n Eftir hetta v\u00f3ru f\u00fdra ymiskar breytir at fara til, har tv\u00e6r av teimum v\u00f3ru fyrilestrar og tv\u00e6r v\u00f3ru rennivenjingar. \u00c1\u00f0renn vit komu, h\u00f8vdu R\u00fani og eg valt okkum inn \u00e1 hv\u00f8r s\u00edna breyt, \u00e1vikavist fyrilesturin “Skadeforebyggelse og alternativ tr\u00e6ning”<\/em>, og venjingina “Inspiration til l\u00f8belege og alternativ tr\u00e6ning”<\/em>. \u00cd fyrilestrinum “Skadeforebyggelse og alternativ tr\u00e6ning” <\/em>greiddi fysioterapeuturin Christian Neergaard fr\u00e1, hvar og hvussu ta\u00f0 er, at ska\u00f0arnir koma hj\u00e1 rennarum. Neergaard kom vi\u00f0 r\u00e1\u00f0um um, hvussu ein skuldi gera um ein byrja\u00f0i at f\u00e1a ilt. Eisini v\u00edsti hann \u00e1, hvussu alternativ venjing kundi br\u00fakast, til d\u00f8mis at kanningar v\u00edstu, at aqua-jogging \u00ed eitt t\u00ed\u00f0arskei\u00f0 upp\u00e1 4-6 vikur, kann var\u00f0veita menningina \u00ed konditi\u00f3nsvenjingini eins v\u00e6l sum renning.<\/p>\n \u00cd venjingarpostinum “Inspiration til l\u00f8belege og alternativ tr\u00e6ning<\/em>” v\u00f3ru ymisk venjingarsp\u00f8l \u00e1 skr\u00e1nni, sum b\u00e6\u00f0i umfata\u00f0u samansj\u00f3\u00f0ing, renning og styrkivenjing. Endam\u00e1li\u00f0 var at f\u00e1a venjing gj\u00f8gnum sp\u00e6l – eitt gott \u00edkast til felagsvenjingar saman vi\u00f0 b\u00e6\u00f0i b\u00f8rnum og vaksnum.<\/p>\n <\/p>\n Eftir d\u00f8\u00f0guraste\u00f0gin kom ta\u00f0, sum eg gleddi meg allarmest til, nevniliga ein felags fyrilestur vi\u00f0 heimseliturennaranum Saru Slott Petersen og venjara hennara Mikkel Larsen. Heiti\u00f0 \u00e1 fyrilestrinum var “Vejen til VM finalen”<\/em>, og h\u00f8vdu tey saman eitt spennandi upplegg, sum umfata\u00f0i, at Sara greiddi fr\u00e1 s\u00ednari menning fram m\u00f3ti heimselituni, venjarin greiddi fr\u00e1 s\u00ednum posti sum venjari, s\u00ed\u00f0ani tosa\u00f0i Sara um motivati\u00f3n \u00ed heimselituni, og til seinast tosa\u00f0i venjarin um at gera eina langt\u00ed\u00f0ar\u00e6tlan og at seta s\u00e6r m\u00e1l.<\/p>\n Venjarin v\u00edsti \u00e1, hvussu st\u00f3r uppg\u00e1va og avbj\u00f3\u00f0ing liggur \u00ed at f\u00e1a \u00e1byrgdina av einum sl\u00edkum talenti sum Saru. Hann hevur leita\u00f0 s\u00e6r \u00edbl\u00e1stur fr\u00e1 n\u00f3gvum ymiskum pers\u00f3num fr\u00e1 ymiskum st\u00f8\u00f0um. Hann varpa\u00f0i lj\u00f3s \u00e1 hvussu umr\u00e1\u00f0andi ta\u00f0 er at seta s\u00e6r m\u00e1l og leggja eina \u00e6tlan, men v\u00edsti samstundis \u00e1, at ta\u00f0 ikki er minni umr\u00e1\u00f0andi at tora at v\u00edkja fr\u00e1 \u00e6tlanini og tillaga venjingina til dagsformin:<\/p>\n “Eg god huskeregel er, at selv den bedste plan, aldrig m\u00e5 v\u00e6re for “l\u00e5st”. En tr\u00e6ners fornemmeste opgave er, f\u00f8rst at planl\u00e6gge alting s\u00e5 pr\u00e6cist som muligt, og derefter v\u00e6re s\u00e5 n\u00e6rv\u00e6rende og have s\u00e5 god fingerspidsfornemmelse, at man hele tiden kan tilpasse og justere ud fra dagsform, motivation, ydre omst\u00e6ndigheder etc.”<\/em><\/p>\n Sara Slott v\u00edsti m.a. \u00e1 at eingin vegur, ella m\u00e1ti, er heilt l\u00edka. Hv\u00f8r einstakur hevur s\u00edna bakgrund og s\u00f8gu fram m\u00f3ti heimselituni. Sara hevur fr\u00e1 ungum \u00e1rum v\u00edst st\u00f3rt talent \u00ed 400m hekkurenning, og onnur hava havt st\u00f3rar forv\u00e6ntningar til hennara. Hon varpa\u00f0i \u00ed fyrilestrinum lj\u00f3s \u00e1, at ta\u00f0 kann vera torf\u00f8rt sum 15 \u00e1ra gomul, at f\u00e1a at vita, at t\u00e1 ein hevur liva\u00f0 umlei\u00f0 15 \u00e1r afturat, ta\u00f0 er t\u00e1 at ta\u00f0 st\u00f3ra helst fer at henda, nevniliga at ein fer at toppa. Eisini v\u00edsti hon \u00e1, at t\u00e1 menningin gongur r\u00e6ttan veg, men t\u00f3 ikki \u00ed so st\u00f3ran mun sum ein hev\u00f0i ynskt og sett s\u00e6r sum m\u00e1l, kann vera torf\u00f8rt at l\u00edta \u00e1, at \u00e6tlanin fer at halda. H\u00f3ast hennara \u00e6tlanir og m\u00e1l ikki alt\u00ed\u00f0 hava hildi\u00f0, og hon hevur veri\u00f0 n\u00f3gv darva\u00f0 av ska\u00f0a, hevur Sara \u00ed \u00e1r, sum 28 \u00e1ra gomul, fingi\u00f0 eitt ordiligt gj\u00f8gnumbrot \u00ed heimselituni. Eitt n\u00fa hevur hon sett nor\u00f0urlendskt met \u00e1 400m hekk, vi\u00f0 t\u00ed\u00f0ini 53.99 sekundum, og til VM finaluna \u00ed Bejing \u00ed august, enda\u00f0i hon \u00e1 einum flottum 4. pl\u00e1ssi. N\u00e6sta m\u00e1li\u00f0 hj\u00e1 henni er OL \u00ed Rio \u00ed 2016.<\/p>\n T\u00e1 felagsfyrilesturin var av, v\u00f3ru fimm ymiskar breytir at fara til. Hv\u00f8rki R\u00fani ella eg v\u00f3ru sloppin framat til okkara fyrstu ynski. R\u00fani vildi\u00a0 sleppa til venjingina “Funktionell styrke for l\u00f8bere<\/em>” og eg ynskti at sleppa til eina venjing vi\u00f0 Saru Slott og Mikkel Larsen, men t\u00edverri v\u00f3ru hesi fulttekna\u00f0i, og skuldu vit t\u00ed til hv\u00f8r s\u00edn fyrilestur. Ynski\u00f0 um at sleppa til venjingarbreytina vi\u00f0 Saru Slott og venjara hennara bleiv vi\u00f0 at bobla innan \u00ed m\u00e6r, og spurdi eg t\u00ed eitt av hj\u00e1lparf\u00f3lkunum, um hetta kundi lata seg gera. Ta\u00f0 v\u00edsti seg, at ein sum hev\u00f0i tekna\u00f0 seg til j\u00fast hesa breytina, ikki var til sta\u00f0ar, og fekk eg t\u00ed loyvi til at fara \u00ed sta\u00f0in. Hetta fekk adrenalini\u00f0 at k\u00f3ka \u00ed m\u00e6r og eg gleddi meg sum eitt sm\u00e1barn. Venjingin var gevandi, og var hetta g\u00f3\u00f0ur \u00edbl\u00e1stur til m\u00edna egnu venjing, t\u00ed h\u00f3ast fokus var\u00f0 lagt \u00e1 hekkurenning, og ta koordinati\u00f3n sum hartil hoyrir, so eru venjingarnar eisini g\u00f3\u00f0ar og styrkjandi fyri rennarar til a\u00f0rar teinar.<\/p>\n S\u00ed\u00f0sta fyrilestrinum, sum var hendan dagin, st\u00f3\u00f0 Niels \u00d8rtenblad fyri. Hann granskar innanfyri v\u00f8ddafysiologi og biomekanik. Heiti \u00e1 fyrilestrinum var \u201cHvorfor bliver jeg tr\u00e6t, n\u00e5r jeg l\u00f8ber?\u201d<\/em>, og greiddi \u00d8rtenblad fr\u00e1 teimum fysiologisku ors\u00f8kunum til, at vit f\u00f8la m\u00f8\u00f0i, t\u00e1 vit renna. \u00d8rtenblad kom vi\u00f0 sera n\u00f3gvum g\u00f3\u00f0um r\u00e1\u00f0um um venjing, kost, orkuinntak undir renning og \u00f8\u00f0rum.<\/p>\n Alt \u00ed alt var hetta eitt v\u00e6leydna\u00f0 seminar, og stuttligt var at sleppa at royna \u00e1hugaverda fr\u00e6lsa \u00edtr\u00f3ttarv\u00f8llin \u00ed Odense.<\/p>\n <\/p>\n
\n<\/a>Or\u00f0 eru \u00f3ney\u00f0ug – planlegging er ikki bara h\u00e1lvt arbei\u00f0i. Ta\u00f0 hevur alt at siga.<\/em><\/p>\n
\n<\/a>Ver ikki tr\u00e6lur av t\u00edni venjingar\u00e6tlan v\u00f3ru millum mongu g\u00f3\u00f0u r\u00e1\u00f0ini<\/em><\/p>\n
\n<\/a>\u00cd \u00e1hugaverdum fyrilestri greiddi Sara Slot Petersen fr\u00e1 s\u00edni lei\u00f0 m\u00f3ti tindunum<\/em><\/p>\n<\/a>
\nRebekka slapp at venja saman vi\u00f0 donsku heimsstj\u00f8rnuni Sara Slot Petersen<\/em><\/p>\n<\/a>\u00a0
\n<\/a>Eftir at breyti \u00fati breytin \u00e1 Odense Atletikstadion bleiv n\u00fat\u00edmansgj\u00f8rd, er Universitetsbreytin fullkomiliga kollvelt. Hon gevur n\u00fa m\u00f8guleika til alskyns spennandi venjingar.<\/em><\/p>\nMyndir<\/h3>\n