{"id":7692,"date":"2016-01-26T02:26:34","date_gmt":"2016-01-26T02:26:34","guid":{"rendered":"https:\/\/www.athletics.fo\/?p=7692"},"modified":"2026-10-29T17:34:57","modified_gmt":"2026-10-29T17:34:57","slug":"hyrurin-i-hasaeti-a-husum","status":"publish","type":"post","link":"https:\/\/www.athletics.fo\/?p=7692","title":{"rendered":"H\u00fdrurin \u00ed h\u00e1s\u00e6ti \u00e1 H\u00fasum"},"content":{"rendered":"

Farna vikuskifti\u00f0 var fyrsta venjingarlegan fyri unglandsli\u00f0i\u00f0 \u00ed vetur fyriskipa\u00f0. Av \u00a0t\u00ed at fyrireikingarnar til St\u00f3rm\u00f3t IR eru frammalaga, og mi\u00f0n\u00e1mssk\u00falarnir str\u00e6vnir fyri t\u00ed\u00f0ina, v\u00f3ru fleiri avbo\u00f0 fr\u00e1 eldru \u00e1rgangunum. Hinvegin v\u00f3ru fleiri heilt ung, sum v\u00f3ru \u00e1 venjingarlegu fyri fyrstu fer\u00f0. Vi\u00f0 lei\u00f0arum og venjarum v\u00f3ru vit tilsamans 19 vi\u00f0 \u00e1 venjingarleguni.<\/p>\n

Lei\u00f0in gekk til H\u00fasar, har vit b\u00fa\u00f0u \u00ed bygdarh\u00fasunum. Ikki vilt, flott og fancy, men gott, gamalt og fj\u00e1lgt. Gar\u00f0al\u00ed\u00f0 Catering forkela\u00f0i okkum vi\u00f0 \u00f8llum m\u00e1lt\u00ed\u00f0um, so \u00e1 t\u00ed\u00f0 m\u00f3tinum st\u00f3\u00f0 v\u00e6l til.<\/p>\n

Fr\u00edggjakv\u00f8ldi\u00f0 var sirkulvenjing saman vi\u00f0 Treysti \u00ed Badmintonh\u00f8llini, \u00e1\u00f0renn fari\u00f0 var\u00f0 til Sy\u00f0radals, har gr\u00fdtur\u00e6ttur b\u00ed\u00f0a\u00f0i. Leygarmorgunin f\u00f3ru mi\u00f0- og langteinarennarar lendist\u00far m\u00f3ti Blankask\u00e1la, me\u00f0an R\u00fani Seloy var eftir og hev\u00f0i koordinati\u00f3ns- og brekkuvenjing vi\u00f0 spurtarum, leyparum og kastarum. Ongar br\u00fasur v\u00f3ru t\u00f8kar \u00e1 H\u00fasum, so vit f\u00f3ru til Klaksv\u00edkar at svimja, og hildu s\u00ed\u00f0ani \u00fat aftur \u00ed Kallsoynna – restin er myndas\u00f8ga:<\/p>\n

\"\"
\nWilliam, Miso, Andreas, Julian, Hans og Gunnar fjala ta\u00f0 mesta av k\u00f3pakonuni<\/em><\/p>\n

\"\"
\nBragdargenturnar B\u00e1ra, Unna R\u00f3, Herv\u00f8r, Kristianna og Elin – allar vi\u00f0 \u00e1 venjingarlegu fyri fyrstu fer\u00f0. Og vit gle\u00f0a okkum longu til n\u00e6stu fer\u00f0<\/em><\/p>\n

\"\"
\nHesir b\u00e1\u00f0ir hava veri\u00f0 \u00e1 venjingarlegu fyrr. Er ta\u00f0 K\u00f3pakonan, ella feski 5-4 sigurin hj\u00e1 Liverpool m\u00f3ti Norwich, sum f\u00e6r sm\u00edlini fram?<\/em><\/p>\n

\"\"
\nTa\u00f0 er ikki bara K\u00f3pakonan, men \u00f8ll hellan og lendingin sum hon er, sum er st\u00f3rsligin og verd at vitja<\/em><\/p>\n

\"\"\u00a0\"\"
\nAndreas telur trapputrinini ni\u00f0an. L\u00e6ttari at telja, t\u00e1 ta\u00f0 gongur skj\u00f3tt fyri seg<\/em><\/p>\n

\"\"
\nNeystapr\u00e1t um leyst og fast, fugl og fisk, ve\u00f0ur og vind, aldu og streym, 4G og bluetooth<\/em><\/p>\n

\"\"
\nS\u00ed\u00f0ani til Tr\u00f8llanes, har bjarti m\u00e1nin bei\u00f0 okkum v\u00e6lkomin<\/em><\/p>\n

\"\"
\nGutti heitti \u00e1 b\u00f3ndan \u00e1 Tr\u00f8llanesi at grei\u00f0a okkum fr\u00e1 s\u00f8gnini um K\u00f3pakonuna<\/em><\/p>\n

\"\"
\nSk\u00falastovan \u00e1 Tr\u00f8llanesi, sum Kalsoyarrennarar kenna so v\u00e6l. Ey\u00f0un Eliasen dugdi at siga fr\u00e1 sum f\u00e1ur. \u00cd bl\u00e1um jakka Lovisa, sum var fer\u00f0alei\u00f0ari fyri fyrstu fer\u00f0. Hon ver\u00f0ur bi\u00f0in aftur.<\/em><\/p>\n

\"\"
\nSunnumorgun kl. 9.00 – kl\u00e1rt til seinastu venjingina<\/em><\/p>\n

\"\"
\n“Hv\u00f8r r\u00e6\u00f0ist barnalokkaran” – ikki lukkuligt at ver\u00f0a fanga\u00f0\/ur<\/em><\/p>\n

\"\"
\nHans, Andreas og Herv\u00f8r royna seg sum “barnalokkarar”<\/em><\/p>\n

\"\"
\nSo var krabbaf\u00f3tb\u00f3ltur millum tarakrabbarnar og fj\u00f8rukrabbarnar<\/em><\/p>\n

\"\"
\nTarakrabbin Julian var ein avgerandi leikari, og skora\u00f0i f\u00fdra m\u00e1l \u00ed 5-1 sigrinum \u00e1 fj\u00f8rukrabbunum. Fj\u00f8rukrabbin Herv\u00f8r roynir at verja, men l\u00edti\u00f0 hj\u00e1lpir<\/em><\/p>\n

\"\"
\nTa\u00f0 er ikki so \u00f8giliga langt s\u00ed\u00f0ani, at Maria grulva\u00f0i \u00e1 k\u00f8ksg\u00f3lvinum, so grulvieginleikarnir eru heilt hampuligir<\/em><\/p>\n

\"\"
\nUnna R\u00f3, Herv\u00f8r og Gunnar mitt \u00ed hoppistafettini<\/p>\n

\"\"
\nVanlig spurtstafett og her leikar hart \u00e1. Julian, f\u00f8\u00f0ingardagsbarni\u00f0 Hans (15) og William – eingin vil l\u00fata.<\/em><\/p>\n

\"\"
\nAlt\u00ed\u00f0 skilagott at taka tann tyngsta fyrst \u00ed gullst\u00f3lsstafettini. B\u00e1ra, Elin, Hans, Andreas og Kristianna spola\u00f0u aftur og fram vi\u00f0 Julian \u00ed leysari luft<\/em><\/p>\n

\"\"
\nSo \u00e1tti Kristianna t\u00f8rn….<\/em><\/p>\n

\"\"
\nUnna R\u00f3 er l\u00f8tt, og Gunnar, Maria og Herv\u00f8r h\u00f8vdu so n\u00f3gva fer\u00f0 \u00e1, at William og Miso mistu taki\u00f0<\/em><\/p>\n

\"\"
\nSeinasta kapping. Leigistafett<\/em><\/p>\n

\"\"
\nSp\u00e6livenjingin li\u00f0ug, og felagsmynd vi\u00f0 Kallsoyarfir\u00f0i og sp\u00edrinum \u00e1 H\u00fasa Kirkju (1920) \u00ed baks\u00fdni. F.v.: B\u00e1ra, Maria, Herv\u00f8r, Unna R\u00f3, Elin, Kristianna, Hans, Julian, Andreas, Gunnar, Miso, William og Hallur<\/em><\/p>\n

\"\"
\nIkki j\u00fast Hilton, men \u00e1 mangan h\u00e1tt betri enn Fawlty Towers. Hannebeth og Magni Gar\u00f0al\u00ed\u00f0 av H\u00fasum syrgdu vi\u00f0 g\u00f3\u00f0um mati fyri, at vit ikki gingu svong. St\u00f3ra t\u00f8kk til tey<\/em><\/p>\n

Eftir venjingina var\u00f0 fari\u00f0 beina lei\u00f0 umbor\u00f0 \u00e1 Sam, og s\u00ed\u00f0ani \u00ed br\u00fasu \u00ed Badmintonh\u00f8llini \u00ed Klaksv\u00edk. Og so var bara bussfer\u00f0in til Havnar eftir.<\/p>\n

Gutti og Hallur takka fyri eina sera g\u00f3\u00f0a venjingarlegu. Ein serst\u00f8k takk til R\u00fana Seloy og Lovisu Niclasen. Vit gle\u00f0a okkum til n\u00e6stu venjingarlegu, sum vit fara at seta \u00e1 skr\u00e1 fyrsta dagin.<\/p>\n

Fleiri myndir \u00e1 fif picasa:\u00a0Venjingarlega \u00e1 H\u00fasum januar 2016<\/a><\/p>\n

 <\/p>\n

 <\/p>\n

 <\/p>\n

<\/p>\n

Myndir<\/h3>\n