{"id":7700,"date":"2016-02-07T00:36:32","date_gmt":"2016-02-07T00:36:32","guid":{"rendered":"https:\/\/www.athletics.fo\/?p=7700"},"modified":"2026-10-29T10:57:42","modified_gmt":"2026-10-29T10:57:42","slug":"15-nyggj-foroysk-innanduramet-i-dag","status":"publish","type":"post","link":"https:\/\/www.athletics.fo\/?p=7700","title":{"rendered":"15 n\u00fdggj f\u00f8roysk innanduramet \u00ed dag"},"content":{"rendered":"

Dagurin \u00ed dag fer uttan iva \u00ed s\u00f8gub\u00f8kurnar hj\u00e1 F\u00cdF. Innandurakappingin St\u00f3rm\u00f3t IR \u00ed Reykjav\u00edk byrja\u00f0i \u00ed dag, og \u00ed\u00f0karar \u00far Treysti, Bragdinum og Hvirluni eru farnir yvir at kappast. Kappingarnar eru leygardag og sunnudag.<\/p>\n

Ta\u00f0 undrunarsama hendi \u00ed dag, at heili 15 n\u00fdggj innanduramet blivu sett. Naka\u00f0 sum aldrin er hent fyrr, og sum neyvan nakrant\u00ed\u00f0 fer at henda aftur. Hugaligt er at s\u00edggja framgongdina, og ikki minst at s\u00edggja ungar spelknar f\u00f8royingar vi\u00f0 hei\u00f0ursmerki um h\u00e1lsin \u00ed st\u00e1siligu h\u00f8llini \u00ed Reykjav\u00edk. Okkara f\u00f3lk vunnu ikki f\u00e6rri enn seks kappingar, blivu f\u00fdra fer\u00f0ir nummar tvey og \u00e1tta fer\u00f0ir nummar tr\u00fd!<\/p>\n

Sj\u00e1lvandi er eisini eitt st\u00f3rt tal av b\u00f3lkametum fallin. Men lat okkum tr\u00edva \u00ed f\u00f8roysku metini:<\/p>\n

Longdarlop kvinnur:
\n<\/strong>\u00cd morgun st\u00f3\u00f0 meti\u00f0 at vera 4.40 m. Birita Ryan \u00far Treysti kappa\u00f0ist vi\u00f0 gentum 14 \u00e1r. Hon betra\u00f0i tv\u00e6r fer\u00f0ir f\u00f8royska meti\u00f0. Fyrst til 4.49 og s\u00ed\u00f0ani til 4.59. Seinni \u00e1 degnum kappa\u00f0ist Margit W. Fr\u00ed\u00f0mundsd\u00f3ttir vi\u00f0 gentum 16-17 \u00e1r. Hon flutti fyrst meti\u00f0 \u00fat \u00e1 4.75, s\u00ed\u00f0ani 4,81 og at enda leyp hon 4,93 metrar, sum n\u00fa er galdandi innanduramet. Hetta er 8 cm longri enn uttandurameti\u00f0, sum Margit sj\u00e1lv setti \u00ed K\u00f3pavogi \u00ed summar.<\/p>\n

H\u00e6ddarlop kvinnur
\n<\/strong>\u00cd morgun st\u00f3\u00f0 meti\u00f0 at vera 1,40 m. T\u00e6r b\u00e1\u00f0ar evnaligu Bragdargenturnar, B\u00e1ra J\u00f3gvansd\u00f3ttir Glerfoss og Herv\u00f8r Niclasen st\u00f3\u00f0u seg sera v\u00e6l \u00ed kappingini hj\u00e1 gentum 13 \u00e1r, har t\u00e6r enda\u00f0u sum nummar tvey og tr\u00fd. Undir kappingini settu t\u00e6r b\u00e1\u00f0ar tr\u00edggjar fer\u00f0ir f\u00f8roysk met fyri vaksin! Herv\u00f8r var tann fyrra at leypa 1,44 og 1,47, sum eisini gj\u00f8rdist hennara endaliga \u00farslit. Men B\u00e1ra megna\u00f0i eina h\u00e6dd afturat, og kom uppum 1,50 m \u00ed tri\u00f0ju og seinastu royndini. Sostatt eigur hon n\u00fdggja f\u00f8royska innandurameti\u00f0 upp\u00e1 1,50 metrar. Hetta er tveir sentimetrar h\u00e6gri enn uttandurameti\u00f0 hj\u00e1 Ednu Mariu Debes.<\/p>\n

60 m kvinnur
\n<\/strong>\u00cd morgun var hetta meti\u00f0 8,51 sekund. Elisabet Holm Simonsen, sum kappast vi\u00f0 gentum 15 \u00e1r, vann \u00ed dag bronsu og setti samstundis n\u00fdtt f\u00f8royskt met vi\u00f0 8,50 sekund. S\u00ed\u00f0ani runnu kvinnurnar. \u00cd fyrra ri\u00f0ilinum var Hildur Poulsen, sum \u00e1tti meti\u00f0 frammanundan. Hon t\u00f3k meti\u00f0 aftur vi\u00f0 1\/100 sek t\u00e1 hon rann 8,49 sekund. Men bert l\u00f8tu seinni var ta\u00f0 Alda Sigur\u00f0ard\u00f3ttir Lamhauge, sum endaliga t\u00f3k meti\u00f0 vi\u00f0 8,41 sek.<\/p>\n

200 m kvinnur
\n<\/strong>Margit Weihe Fr\u00ed\u00f0mundsd\u00f3ttir t\u00f3k ikki bara meti\u00f0 \u00ed longdarlopi\u00f0. Eisini \u00e1 200 m megna\u00f0i hon at f\u00e1a f\u00f8royskt met vi\u00f0 at renna 27,53 sek. Margit eigur eisini uttandurameti\u00f0 \u00e1 200 m<\/p>\n

1500 m kvinnur
\n<\/strong>Mong okkara minnast \u00edslendsku sj\u00f3nvarpsmyndirnar, t\u00e1 Bj\u00f8rk Herup Olsen vann Reykjav\u00edk International \u00ed 2010 \u00e1 1.500 metrum, t\u00e1 hon eftir at hava veri\u00f0 v\u00e6l aftanfyri at enda vann vi\u00f0 n\u00f8krum heilt f\u00e1um 100-p\u00f8rtum, og setti eitt dygt f\u00f8royskt met. Hetta meti\u00f0 slapp so at standa til \u00ed dag, t\u00e1 Rebekka Fugl\u00f8 sta\u00f0festi sera g\u00f3\u00f0an form. \u00cd solorenning allan vegin vann hon gull og n\u00fdtt f\u00f8royskt met vi\u00f0 4.36,19 – umlei\u00f0 1 sekund verri enn hennara egna uttanduramet. Hetta er fyribils n\u00e6stbesta t\u00ed\u00f0 \u00ed kongar\u00edkinum \u00ed 2016!<\/p>\n

Tr\u00edst\u00f8kk menn
\n<\/strong>Hvat skal man siga?? Meti\u00f0 \u00ed morgun \u00e1tti \u00edtr\u00f3ttar\u00farm\u00e6lingurin \u00d8ssur Debes Eiriksfoss og var 14,05 metrar. Men n\u00fa \u00ed kv\u00f8ld skriva vit 14,45 metrar!! Ta\u00f0 er tann bert 17 \u00e1ra gamli T\u00f3rur Mortensen, sum \u00ed dag hevur lopi\u00f0 longri tr\u00edst\u00f8kk enn nakar annar f\u00f8royingur hevur lopi\u00f0, t\u00ed hetta var eisini longri enn uttandurameti\u00f0 hj\u00e1 \u00d8ssuri. Ta\u00f0 meti\u00f0 setti \u00d8ssur, t\u00e1 hann vann silvur til oyggjaleikirnar \u00e1 Bermuda. T\u00f3rur setti \u00ed veruleikanum tvey met, t\u00ed \u00e1\u00f0renn 14.45 leyp hann eisini \u00a014,12 metrar.<\/p>\n

\"T\u00f3rur
\n<\/a>T\u00f3rur vann silvur b\u00e6\u00f0i til DM og \u00cdslM fyri vaksin \u00ed summar. Her vinnur T\u00f3rur gull til DMU s\u00ed\u00f0sta summar.<\/em><\/p>\n

Vi\u00f0 hesum \u00f3tr\u00faliga \u00farsliti\u00f0 enda\u00f0i T\u00f3rur n\u00e6stan ein heilan metur frammanfyri besta \u00edslendingin! Og eisini hevur hann lagt n\u00e6stan ein heilan metur afturat s\u00ednum besta lopi \u00ed 2015. Og t\u00e1 var hann ennt\u00e1 tikin \u00fat at umbo\u00f0a danska U20-landsli\u00f0i\u00f0. So ta\u00f0 er l\u00edti\u00f0 at ivast \u00ed, at ta\u00f0 ver\u00f0ur biti\u00f0 merki \u00ed hetta \u00farsliti\u00f0 a\u00f0rasta\u00f0ni enn \u00ed F\u00f8royum og \u00cdslandi. Fyribils er hann nummar eitt \u00e1 danska styrkilistanum \u00ed 2016!<\/p>\n

Sum alt\u00ed\u00f0 hevur venjari T\u00f3rar tiki\u00f0 film av lopinum, sum s\u00e6st \u00e1 hesi youtube-sl\u00f3\u00f0:<\/p>\n