{"id":7728,"date":"2016-03-13T15:00:44","date_gmt":"2016-03-13T15:00:44","guid":{"rendered":"https:\/\/www.athletics.fo\/?p=7728"},"modified":"2026-10-29T17:35:03","modified_gmt":"2026-10-29T17:35:03","slug":"marna-tridbest-i-danmark","status":"publish","type":"post","link":"https:\/\/www.athletics.fo\/?p=7728","title":{"rendered":"Marna tri\u00f0best \u00ed Danmark"},"content":{"rendered":"

Me\u00f0an heimligu rennararnir str\u00edddust vi\u00f0 sjeynda umfar av TF Vetrarkappingini su\u00f0uri \u00ed V\u00e1gi, var Marna Egholm \u00ed Strib vi\u00f0 Middelfart og kappa\u00f0ist um DM-heiti\u00f0 \u00e1 10 km. Betri rennive\u00f0ur enn \u00ed Strib \u00ed dag, kann eingin ynskja s\u00e6r. Turt, stilt, kalt og fagrasta s\u00f3lskin. Rutan var fl\u00f8t, so rokna\u00f0 var vi\u00f0 teimum g\u00f3\u00f0u t\u00ed\u00f0unum \u00ed dag.<\/p>\n

\"12422174_10208646275097271_1054270686_o\"
\nT\u00e6r flestu av teimum allar bestu kl\u00e1rar til dyst um DM-heiti\u00f0 \u00e1 10 km<\/em><\/p>\n

Kenyanska Silvia Kibberenge og Simone Glad f\u00f3ru beinanvegin undan restini. Og skj\u00f3tt h\u00f8vdu eisini Louise Langelund Batting og Marna sliti\u00f0 seg leysar, og runnu saman eina l\u00f8tu. Batting hev\u00f0i t\u00f3 ov n\u00f3gva fer\u00f0, so Marna m\u00e1tti slaka, og lata hina sleppa undan. Hon hev\u00f0i t\u00f3 longu t\u00e1 fingi\u00f0 eitt fitt hol aftur til nummar fimm,\u00a0so n\u00fa r\u00e1ddi um at str\u00ed\u00f0ast vi\u00f0 at verja fj\u00f3r\u00f0apl\u00e1ssi\u00f0, sum \u00ed veruleikanum var ein DM-bronsa, av t\u00ed at fremsta kvinnan hevur kenyanskt pass.<\/p>\n

\"12422273_10208646274177248_2139772043_o\"
\nMarna kom at renna fyri seg sj\u00e1lva st\u00f8rsta partin av kappingini<\/em><\/p>\n

H\u00f3ast t\u00e6r tr\u00fdstu \u00f3f\u00f8rt aftan\u00edfr\u00e1 megna\u00f0i Marna at standa \u00edm\u00f3ti. Speakarin royndi at gera kappingina um bronsuna spennandi, men\u00a0tri\u00f0japl\u00e1ssi\u00f0 var\u00a0r\u00e6ttiliga trygt, t\u00e1 saman um kom.<\/p>\n

\"12516922_10208646273577233_391789973_o\"
\nHer ver\u00f0ur DM-bronsan tryggja \u00ed n\u00fdggjari f\u00f8royskari mett\u00ed\u00f0<\/em><\/p>\n

Og t\u00e6r g\u00f3\u00f0u t\u00ed\u00f0irnar, sum f\u00f3lk h\u00f8vdu v\u00e6nta\u00f0,\u00a0blivu sanniliga eisini g\u00f3\u00f0ar. Allar t\u00e6r seks fremstu kvinnurnar settu st\u00f3r personlig met. DM-vinnarin Simone\u00a0Glad, sum hevur vunni\u00f0 DM\u00a0fimm fer\u00f0ir seinastu seks \u00e1rini, t\u00f3k ein heilan minutt av s\u00edni bestu t\u00ed\u00f0, og rann undir 33 minuttir! Hetta var besta t\u00ed\u00f0 av danskari kvinnu\u00a0\u00ed 13 \u00e1r. Okkara Marna\u00a0Egholm\u00a0setti eisini eitt dygt personligt met og eisini f\u00f8royskt met. T\u00ed\u00f0in\u00a0og n\u00fdggja meti\u00f0 gj\u00f8rdist\u00a035.17 min. Til samanberingar kann nevnast, at t\u00e1 Marna vann silvur \u00e1 10.000 metrum \u00e1 Jersey s\u00eddsta summar, var t\u00eddin 36.48,24 min.\u00a0So ta\u00f0 gongur vi\u00f0 r\u00fakandi fer\u00f0 r\u00e6tta vegin.<\/p>\n

\"12788480_10208646207095571_523205966_o\"
\nEftir kappingina var\u00f0 Marna tikin til dopingeftirlit. Ta\u00f0 t\u00f3k henni nakrar t\u00edmar at veita ney\u00f0ugu droparnar<\/em><\/p>\n

Ta\u00f0 var annars Joan Bl\u00e1foss, sum \u00e1tti gamla metid \u00ed 10 km landaveg. Joan var eisini sera sterkur rennari, og vann DM-silvur \u00e1 j\u00fast hesum teininum\u00a0b\u00e6\u00f0i \u00ed 2009 og 2010! T\u00ed\u00f0in \u00ed 2009 var 35.32, men kundi t\u00edverri\u00a0ikki g\u00f3\u00f0kennast sum met. Gamla meti\u00f0 var t\u00ed\u00f0in fr\u00e1 2010, sum var 36.37 min.<\/p>\n

\"12788476_10208646270217149_792373255_o\"
\nDM-hei\u00f0ursmerkjavinnararnir hj\u00e1 monnum og kvinnum<\/em><\/p>\n

\"11994001_10208646269977143_1124750573_o\"
\nEisini \u00ed li\u00f0kappingini eydna\u00f0ist Marnu at vinna bronsu saman vi\u00f0 felagi s\u00ednum Sparta \u00far Keypmannahavn<\/em><\/p>\n

Vit gle\u00f0a okkum til n\u00e6sta leygardag, t\u00e1 vit fara at s\u00edggja Marnu \u00ed Runav\u00edk, har hon ver\u00f0ur vi\u00f0 til FM \u00ed 10 km, sum eisini ver\u00f0ur seinasta umfar av TF Vetrarkappingini.<\/p>\n

F\u00cdF ynskir Marnu hjartaliga tillukku vi\u00f0 metinum og vi\u00f0 bronsuni.<\/p>\n

<\/p>\n

Myndir<\/h3>\n