![\"VKslutt11\"](\"https:\/\/www.athletics.fo\/wp-content\/uploads\/fifarkiv\/uploads\/2016\/04\/VKslutt11.jpg\")
<\/a>\nEinki er so ringt, at ta\u00f0 ikki er gott fyri okkurt. Er ve\u00f0ri\u00f0 \u00f3fantaligt, so kunnu g\u00f3\u00f0ar myndir spyrjast burtur \u00far. Her fr\u00e1 startinum \u00e1 Fossanesi<\/em><\/p>\n
Renniteinar og t\u00ed\u00f0ar\u00e1setingar ver\u00f0ur okkurt av t\u00ed, sum ver\u00f0ur tiki\u00f0 upp. Men eisini kann ver\u00f0a ney\u00f0ugt, at n\u00e1greina, hvussu illsligt ella hvussu \u00f3fantaligt ve\u00f0ri\u00f0 kann vera, \u00e1\u00f0renn vit ver\u00f0a noydd at avl\u00fdsa ella \u00fatseta. \u00c1 a\u00f0alfundinum hj\u00e1 Bragdinum fekk hesin spurningur umr\u00f8\u00f0u. Vit h\u00f8vdu ivasamar – ennt\u00e1 sera ivasamar – st\u00f8\u00f0ur, har ta\u00f0 var um reppi\u00f0, at vit m\u00e1ttu avl\u00fdsa. N\u00f3gvi kavin undir Kerjum og orkanin \u00e1 Argjum voldu okkum miki\u00f0 h\u00f8vu\u00f0br\u00fdggj, og samanrenningin millum rennitein og ve\u00f0ur \u00e1 Fossanesi var eisini \u00f3heppin. Ein avl\u00fdsing er sera harmilig fyri tey, sum hava gj\u00f8rt kl\u00e1rt til renningina og til hugnal\u00f8tuna aftan\u00e1, og fyri sj\u00e1lvt konsepti\u00f0 \u00ed kappingini er ein avl\u00fdsing stak \u00f3heppin.<\/p>\n
\u00cdtr\u00f3ttarliga hava vit fingi\u00f0 n\u00f3gvar g\u00f3\u00f0ar kappingar og n\u00f3gv g\u00f3\u00f0 \u00farslit. Vit leggja her myndir av samla\u00f0u vinnarunum, t\u00e1 steypini v\u00f3r\u00f0u handa\u00f0 \u00ed Bylgjuni \u00ed Runav\u00edk.<\/p>\n
<\/a>
\nRigmor N. Arge vann tvey umf\u00f8r \u00ed opna kvinnub\u00f3lkinum \u00ed vetur, men hetta v\u00f3ru tey b\u00e6\u00f0i umf\u00f8rini, har Rebekka Fugl\u00f8 ikki lutt\u00f3k. Munurin teirra millum \u00ed \u00e1r hevur veri\u00f0 ov st\u00f3rur til at veruligur spenningur kundi bl\u00edva. Rebekka vann fimm kappingar, og vann sostatt samla\u00f0u kappingina trygt. Seinasta umfari\u00f0 vann Marna Egholm, so tilsamans hava tr\u00edggjar kvinnur sta\u00f0i\u00f0 ovast. H\u00f3ast Duruta \u00e1 Lofti hev\u00f0i onkrar minni g\u00f3\u00f0ar kappingar, var kortini eingin ivi um, at hon \u00e1tti samla\u00f0a tri\u00f0ja pl\u00e1ssi\u00f0. Serliga seinasta dagin fekk hon sett hetta upp \u00e1 pl\u00e1ss. Rigmor var t\u00edverri sj\u00fak hendan seinasta dagin, og her er ta\u00f0 n\u00e6ststerkasta korti\u00f0 hj\u00e1 Hvirluni, Birna Mohr Joensen, sum tekur m\u00f3ti steypinum fyri Rigmor. Krista Nielsen hevur runni\u00f0 sera v\u00e6l \u00ed vetur, og kom s\u00e6r eisini upp\u00e1 pallin onkrar kappingar.<\/em><\/p>\n<\/a>
\nEisini hj\u00e1 monnunum fingu vit \u00edalt tr\u00edggjar ymiskar vinnarar, og fr\u00e1 byrjan s\u00e1 \u00fat til, at kappingin \u00ed vetur skuldi gerast enn meira spennandi enn seinasta vetur. Jan Elmar var fyrstur Runt Agni\u00f0, so vann Eirikur greitt undir Kerjum og so vann Julian Gregersen \u00e1 Argjum. Men so setti Jan Elmar tingini upp\u00e1 pl\u00e1ss. Eftir ein sera spennandi og javnan tv\u00eddyst vi\u00f0 Eirik \u00ed S\u00f8rv\u00e1gi, var ta\u00f0 sum Jan Elmar t\u00f3k seg eitt stig undan hinum. Eftir sigrar \u00ed fj\u00f3r\u00f0a, fimta og s\u00e6tta umfari, kundi Jan Elmar hv\u00edla \u00ed brekkunum \u00ed V\u00e1gi, og har vann Eirikur so s\u00edn n\u00e6sta sigur. \u00c1 seinasta degi var eingin ivi. Jan Elmar var n\u00f3gv tann sterkasti, og ein r\u00e6ttv\u00edsur vinnari av TF Vetrarkappingini 2015-16.\u00a0<\/em><\/p>\n<\/a>
\nFr\u00e1 rokkstj\u00f8rnu til \u00edtr\u00f3ttarstj\u00f8rnu. J\u00fa, gl\u00f3mur \u00ed monnum. Rani Nols\u00f8e gj\u00f8rdist nummar tvey fimm fer\u00f0ir og vann einafer\u00f0 hendan veturin. Men skala Jens R. Weihe kundi hann ikki. Hesin \u00f3vanliga seigi ma\u00f0urin vi\u00f0 \u00e6ttarbondum av V\u00edkum vi\u00f0 Fjallavatn, vann allar t\u00e6r sjey kappingarnar, hann var vi\u00f0 \u00ed. Superveteranarnir eru 55 \u00e1r og eldri, men h\u00f3ast Jens ver\u00f0ur 69 \u00ed \u00e1r, er enn ilt at f\u00e1a eyga \u00e1 nakran, sum kann taka hann. Spurningurin er eisini, um ikki t\u00ed\u00f0in er b\u00fagvin, at gera ein n\u00fdggjan aldursb\u00f3lk til tey sum fara um 65. K\u00e1ri Simonsen hevur veri\u00f0 tryggur \u00e1 tri\u00f0japl\u00e1ssi, men g\u00f3\u00f0a uppm\u00f8tingin hj\u00e1 Gunnari Simonsen gj\u00f8rdi samla\u00f0u kappingina spennandi. T\u00ed vi\u00f0 seks bonusstigum til Gunnar, enda\u00f0u teir ba\u00f0ir vi\u00f0 eins n\u00f3gvum stigum. H\u00e6gru plaseringarnar til K\u00e1ra, gj\u00f8rdu t\u00f3 munin, og K\u00e1ri fekk tri\u00f0japl\u00e1ssi\u00f0.<\/em><\/p>\n<\/a>
\nHer stendur hon so p\u00fara einsam\u00f8ll – Elisabeth Rasmussen, sum j\u00fast hevur vunni\u00f0 s\u00edna fyrstu kapping og er blivin f\u00f8royameistari \u00e1 10 km fyri superveteranarnar. Men hon hevur ikki kappast einsam\u00f8ll \u00ed vetur. Tv\u00f8rtur \u00edm\u00f3ti hevur kappingin hj\u00e1 superveteranum vi\u00f0 kvinnum veri\u00f0 tann mest spennandi \u00ed vetur, og bleiv ikki avgj\u00f8rd fyrr enn seinasta dagin. Vi\u00f0 f\u00fdra sigrum til Ceciliu og trimum til Sunnevu var spenningurin st\u00f3rur undan seinasta umfarinum. Elisabeth Rasmussen hevur tiki\u00f0 seg n\u00f3gv fram, og hevur n\u00e6rkast teimum b\u00e1\u00f0um fremstu vi\u00f0 st\u00f3rum fetum. T\u00edverri v\u00f3ru b\u00e6\u00f0i Cecilia og Sunneva staddar uttanlands, n\u00fa finaluumfari\u00f0 var\u00f0 runni\u00f0 \u00ed Runav\u00edk. Og solei\u00f0is gj\u00f8rdist ta\u00f0 Cecilia, sum vann samla\u00f0u kappingina vi\u00f0 Sunnevu \u00e1 \u00f8\u00f0rum pl\u00e1ssi og Elisabeth \u00e1 tri\u00f0ja.<\/em><\/p>\n<\/a>
\n\u00cd gentub\u00f3lkinum vann Maria Biskopst\u00f8 f\u00fdra t\u00e6r fyrstu kappingarnar, og k\u00f8vdi t\u00ed t\u00ed\u00f0liga allan spenning. S\u00ed\u00f0an var ta\u00f0 Oddv\u00f8r Josepsen, sum vann t\u00e6r b\u00e1\u00f0ar h\u00f8r\u00f0u kappingarnar \u00ed Hoyd\u00f8lum og \u00e1 Fossanesi. Men Maria fekk sett alt upp\u00e1 pl\u00e1ss b\u00e1\u00f0ar t\u00e6r b\u00e1\u00f0ar seinastu kappingarnar, har hon vann grei\u00f0ar sigrar. Unna R\u00f3 Jacobsen manglar \u00e1 myndini. Hon st\u00f3\u00f0 seg eisini sera v\u00e6l \u00ed vetur vi\u00f0 tveimum silvurpl\u00e1ssum og trimum bronsupl\u00e1ssum. Hon \u00e1tti steypi\u00f0 fyri samla\u00f0a tri\u00f0japl\u00e1ssi\u00f0.<\/em><\/p>\n<\/a>
\nHj\u00e1 dreingjunum v\u00f3ru D\u00e1njal Dahl Lj\u00f3sheim og Hans Sivertsen sera javnir fyrstu umf\u00f8rini, og ta\u00f0 s\u00fdntist sum f\u00f3ru vit at f\u00e1a ein dr\u00e1piligan tv\u00eddyst teirra millum alla kappingina. Men h\u00f3ast Hans hevur runni\u00f0 b\u00e6\u00f0i skj\u00f3tt og v\u00e6l, so hevur D\u00e1njal runni\u00f0 enn skj\u00f3tari og enn betur. Heilar sjey sigrar bleiv ta\u00f0 til hj\u00e1 D\u00e1njali, sum skal renna vi\u00f0 mansunglingum n\u00e6sta vetur. Og t\u00e1 ver\u00f0ur spennandi at s\u00edggja, hvussu langt fram hann kann koma \u00ed opna b\u00f3lkinum, ti seinasta umfari\u00f0 rann hann teir fimm kilometrarnar undir 18 minuttir! Hans hevur veri\u00f0 tryggur \u00e1 \u00f8\u00f0rum pl\u00e1ssi. Hans Erland Thomsen hevur veri\u00f0 r\u00edmiliga tryggur \u00e1 tri\u00f0ja pl\u00e1ssi, men hann hevur nakrar fer\u00f0ir havt Inga Johannesen \u00ed rygginum heilt fram m\u00f3ti m\u00e1llinjuni. Hesir f\u00fdra umr\u00f8ddu hava tilsamans luttiki\u00f0 \u00ed 31 av 32 m\u00f8guligum kappingum. Ta\u00f0 var bert Ingi, sum misti ta einu kappingina, vegna v\u00e1nalig koyril\u00edkindi. Sera g\u00f3\u00f0 uppm\u00f8ting skal sigast!<\/em><\/p>\n
\n<\/a>Hesir tr\u00edggir mansunglingarnir hava eisini m\u00f8tt sera v\u00e6l upp. Eingin av teimum misti nakra kapping! Teir hava t\u00f3 allir \u00e1tt s\u00edtt fasta pl\u00e1ss \u00ed ra\u00f0fylgjuni. Julian Gregersen hevur kappast hart vi\u00f0 teir bestu \u00ed opna b\u00f3lkinum, og hevur samstundis vunni\u00f0 unglingab\u00f3lkin greitt hv\u00f8rjafer\u00f0. Gunnar Simonsen hevur eisini sta\u00f0i\u00f0 naka\u00f0 sterkari enn R\u00f3gvi K\u00e1rason. Bert ta\u00f0 einu fer\u00f0ina eydna\u00f0ist R\u00f3gva at taka seg fram um Gunnar.<\/em><\/p>\n<\/a>
\nAftur her er ta\u00f0 Birna Mohr Joensen, sum er sloppin at taka steypi\u00f0 hj\u00e1 Rigmor N. Arge. Rigmor vann sjey tey fyrstu umf\u00f8rini hj\u00e1 veterankvinnunum, men var t\u00edverri sj\u00fak seinasta dagin. Samla\u00f0i sigurin var t\u00f3 p\u00fara grei\u00f0ur. Duruta \u00e1 Lofti gj\u00f8rdi s\u00e6r d\u00e6lt seinasta umfari\u00f0 og t\u00f3k tey 50 stigini og FM-heiti\u00f0. Vi\u00f0 f\u00fdra 2.pl\u00e1ssum afturat \u00ed samla\u00f0u st\u00f8\u00f0uni, gj\u00f8rdist hon trygt nummar tvey. Eins trygg \u00e1 tri\u00f0ja pl\u00e1ssi gj\u00f8rdist Krista Nielsen, sum \u00e1 lei\u00f0ini vann tvey silvurmerki sum ta\u00f0 besta. Ann Thomsen gj\u00f8rdist nummar f\u00fdra.<\/em><\/p>\n
\n<\/a>Martin Gravesen vann trygt veteranb\u00f3lkin. Hann manglar bert tr\u00fd bonusstig \u00far V\u00e1gi til at hava fult stigatal. Hann m\u00e1tti t\u00f3 l\u00fata fyri Sam Vang b\u00e6\u00f0i Runt Agni\u00f0 og \u00ed S\u00f8rv\u00e1gi. Sam n\u00e1ddi t\u00f3 ikki at kappast fimm umf\u00f8r, og er ikki partur av samla\u00f0u kappingini. Kappingin hevur veri\u00f0 naka\u00f0 skiftandi. Henry Olsen leg\u00f0i fyri vi\u00f0 trimum bronsumerkjum, men t\u00f3k so ein st\u00f8\u00f0g vegna ska\u00f0a \u00ed tr\u00fd umf\u00f8r. Sam glei\u00f0 \u00far kappingini, og so var Guttorm S\u00f8rensen nummar tvey. Men so byrja\u00f0i Marnar Pattinson at renna skj\u00f3tari og skj\u00f3tari, og vi\u00f0 sigri \u00ed V\u00e1gi l\u00e1 hann br\u00e1dliga til at taka samla\u00f0a anna\u00f0pl\u00e1ssi\u00f0. Guttorm hinvegin, hevur vegna sj\u00faku runni\u00f0 verri og verri, og enda\u00f0i til s\u00ed\u00f0st uttanfyri pallin. Ja afturi \u00e1 fimtapl\u00e1ssi, t\u00ed eisini Hjalmar Sj\u00f3var\u00e1 hevur javnt og samt skava\u00f0 s\u00e6r n\u00f3gv stig saman og enda\u00f0i \u00e1 fj\u00f3r\u00f0a pl\u00e1ssi. Henry kom aftur og vi\u00f0 einum silvur og einum bronsumerki fekk hann aftur pl\u00e1ss \u00e1 pallinum \u00ed samla\u00f0u kappingini, har hann enda\u00f0i nummar tr\u00fd.<\/em><\/p>\n