{"id":7808,"date":"2016-07-02T22:06:39","date_gmt":"2016-07-02T21:06:39","guid":{"rendered":"https:\/\/www.athletics.fo\/?p=7808"},"modified":"2026-10-29T17:35:08","modified_gmt":"2026-10-29T17:35:08","slug":"vu-spelen-1-dagur-elin-niclasen-silvur","status":"publish","type":"post","link":"https:\/\/www.athletics.fo\/?p=7808","title":{"rendered":"VU Spelen 1. dagur: Elin Niclasen silvur"},"content":{"rendered":"

Fr\u00edggjadagin byrja\u00f0i VU-Spelen \u00ed G\u00f8tuborg, har 23 f\u00f8royskir landsli\u00f0s\u00ed\u00f0karar eru vi\u00f0. Kappast ver\u00f0ur eisini leygar- og sunnudagin. Fyrsta dagin v\u00f3ru okkara f\u00f3lk vi\u00f0 \u00ed 14 kappingum, og \u00farslitini v\u00f3ru fyri ta\u00f0 mesta sera g\u00f3\u00f0.<\/p>\n

St\u00f8rsta bragdinum st\u00f3\u00f0 Elin Niclasen fyri. Elin hevur alt\u00ed\u00f0 veri\u00f0 evnar\u00edkur kastari. N\u00fa hon hevur veri\u00f0 n\u00f3gv skadd \u00ed seinastuni, hevur hon ikki fingi\u00f0 vant so n\u00f3gv renning og lop, og hevur t\u00ed vant meira kast. \u00darsliti\u00f0 s\u00e1st \u00ed gj\u00e1r, t\u00e1 hon greitt vann silvurmerki\u00f0 \u00ed spj\u00f3tkasti fyri gentur 13 \u00e1r. Longsta kasti\u00f0 hj\u00e1 Elini var 34,07 metrar. Tj\u00f3\u00f0ar\u00edtr\u00f3tturin \u00ed Finlandi er spj\u00f3tkast, og ta\u00f0 var bara ein finsk genta, sum kasta\u00f0i longur enn Elin. Eins svensk genta var \u00e1 tri\u00f0ja pl\u00e1ssi, ein t\u00fdsk \u00e1 fj\u00f3r\u00f0a og ein \u00edslendsk \u00e1 fimta.<\/p>\n

\"handan_spjot3\"<\/a>
\nSpj\u00f3thei\u00f0ursmerkjahandan hj\u00e1 gentum-13. Elin er \u00ed hv\u00edtum, til vinstru.<\/em><\/p>\n

Ta\u00f0 var annars B\u00e1ra Glerfoss, sum var fyrst \u00e1 breytini, t\u00e1 hon saman vi\u00f0 56 gentum skulid kappast \u00ed 60 m rimarenning. B\u00e1ra kom ikki \u00ed finaluna, men ta\u00f0 gekk sera v\u00e6l hj\u00e1 B\u00e1ru, sum gj\u00f8rdist nummar tvey \u00ed s\u00ednum ri\u00f0li, og vi\u00f0 10,25 sek eisini setti b\u00f3lkamet. B\u00e1ra bleiv samla\u00f0 nummar 15 av teimum 70 gentunum.<\/p>\n

Stutt eftir rimarenningina skulid B\u00e1ra so kappast \u00ed h\u00e6ddarlopi. Ta\u00f0 er alt\u00ed\u00f0 spennandi, t\u00e1 B\u00e1ra loypir, t\u00ed hon er ein av fleiri, sum er \u00e1 g\u00e1ttini at seta n\u00fdtt f\u00f8royskt kvinnumet. Men \u00ed hesi kappingini kundi ta\u00f0 ikki bera til, t\u00ed ymiskar ke\u00f0iligar umst\u00f8\u00f0ur for\u00f0a\u00f0u hesum. Fyri ta\u00f0 fyrsta var\u00f0 kappingina seinka\u00f0, fyri ta\u00f0 n\u00e6sta v\u00f3ru heilar 70 gentur vi\u00f0. Ta\u00f0 merkti, at fr\u00e1 t\u00ed at B\u00e1ra leyp royndarlopi\u00f0 til hon leyp s\u00edtt fyrsta veruliga lop, gekk meira enn ein t\u00edmi. Fyri ta\u00f0 tri\u00f0ja kom eisini okkurt \u00e6li\u00f0 og fyri ta\u00f0 fj\u00f3r\u00f0a vardi kappingin heilar f\u00fdra t\u00edmar. Fyri ta\u00f0 fimta gj\u00f8rdi d\u00f3marin eisini onkran feild\u00f3m m\u00f3ti B\u00e1ru. Kortini eydna\u00f0ist B\u00e1ru at koma upp um 143 cm og gerast nummar 18 av hesum 56 gentunum.<\/p>\n

Longdarlopskappingarnar<\/b> eru heldur ikki serliga hugaligar at kappast \u00ed. Ofta eru um 100 luttakarar \u00ed somu kapping, og h\u00f3ast lopi\u00f0 ver\u00f0ur \u00ed tveimum rekkjum, er ofta meira enn ein h\u00e1lvur t\u00edmi millum lopini. F\u00fdra av okkara gentum royndu seg \u00ed longdarlopi \u00ed gj\u00e1r, og h\u00f3ast umst\u00f8\u00f0urnar gekk bara heilt v\u00e6l.<\/p>\n

\u00cd b\u00f3lkinum gentur 14 \u00e1r v\u00f3ru 102 gentur vi\u00f0. Millum teirra var okkara Birita Ryan, sum leyp upp m\u00f3ti s\u00ednum allarbesta. Tveir sentimetrar var hon fr\u00e1 s\u00ednum egna meti, og vi\u00f0 4,57 m gj\u00f8rdist hon nummar 37 av teimum 102 gentunum.<\/p>\n

81 v\u00f3ru vi\u00f0 hj\u00e1 gentum 15 \u00e1r, har okkara Elisabet Holm Simonsen skuldi royna seg. Hon er \u00ed fer\u00f0 vi\u00f0 at n\u00e6rkast f\u00f8royska metinum \u00ed longdarlopi, so spennandi er at fylgja hennara kappingum. Hon var t\u00f3 eitt sindur \u00f3heppin, t\u00ed onkur var komin undir merki\u00f0 hj\u00e1 henni, so hon visti ikki, hvar hon skuldi byrja atrenningina. Heldur ikki sleppur man at m\u00e1ta upp av n\u00fdggjum, t\u00ed ta\u00f0 \u00f3r\u00f3gvar hini. Hetta nerva\u00f0i Elisabet n\u00f3gv tey b\u00e6\u00f0i fyrstu lopini, sum ikki blivu meira enn h\u00e1lvg\u00f3\u00f0. Men \u00ed seinasta lopinum fekk Elisabet bjarga\u00f0 degnum, vi\u00f0 s\u00ednum higartil n\u00e6stlongsta lopi, sum bleiv 4.60 metrar. Hetta gav henni pl\u00e1ss nummar 35.<\/p>\n

\"DSC03923b\"<\/a>
\nElisabeth og Birita \u00e1\u00f0renn t\u00e6r fara at gera seg kl\u00e1rar at leypa.<\/em><\/p>\n

T\u00e6r b\u00e1\u00f0ar, sum hava kappast um f\u00f8royska meti\u00f0 hesi b\u00e6\u00f0i seinastu \u00e1rini, v\u00f3ru eisini \u00ed kapping \u00ed longdarlopi \u00ed gj\u00e1r. Margit W. Fr\u00ed\u00f0mundsd\u00f3ttir vi\u00f0 gentum 17 \u00e1r og Edna Maria Debes vi\u00f0 gentum 19 \u00e1r. Og t\u00e6r kappa\u00f0ust samstundis \u00ed hv\u00f8r s\u00ednum b\u00f3lki \u00e1 hv\u00f8r s\u00edni geil. Besta lopi\u00f0 hj\u00e1 Margit var bara 3 sentimetrar fr\u00e1 hennara f\u00f8royska meti. Hetta rakk til 28. pl\u00e1ss av 43 luttakarum. Edna Maria fekk ta\u00f0 ikki at rigga hendan dagin, og var r\u00e6ttiliga langt fr\u00e1 s\u00ednum besta. Hennara besta lop var 4,39 metrar.<\/p>\n

Jana Mitt\u00fan er vi\u00f0 landsli\u00f0num fyri fyrstu fer\u00f0. Men ta\u00f0 s\u00e1 ikki \u00fat til at nerva hana. \u00c1 600 m t\u00f3k hon \u00f8ll \u00e1 b\u00f3li\u00f0 \u00e1 rann eina rimmar t\u00ed\u00f0 og eini f\u00fdra sekund skj\u00f3tari enn hon hevur runni\u00f0 fyrr. Vi\u00f0 1.46,34 rann hon seg til eitt 2. Pl\u00e1ss \u00ed s\u00ednum ri\u00f0li og samanlagt nummar 17 av teimum 60 gentunum.<\/p>\n

\"Jana
\n<\/a>Jana s\u00e6r ikki \u00fat sum nakar n\u00fdbyrjari, og \u00farslitini tala eisini fyri seg eftirhondini.<\/em><\/p>\n

Hans Erland Thomsen, dreingir 13, rann eisini 600 m. Vi\u00f0 s\u00ednum ey\u00f0kenda spurti rann hann seg v\u00e6l fram \u00ed s\u00ednum ri\u00f0ili, har hann enda\u00f0i nummar 6 vi\u00f0 1.44,62 sum eisini er pers\u00f3nligt met. Samanlagt gj\u00f8rdist Hans Erland nummar 17 av 41 dreingjum.<\/p>\n

Maria Biskopst\u00f8, gentur 14, og Oddv\u00f8r Josephsen, gentur 15, skuldu b\u00e1\u00f0ar renna 800 m. T\u00e6r v\u00f3ru b\u00e1\u00f0ar komnar \u00ed sterkasta ri\u00f0ilin ella A-finaluna. Ta\u00f0 var ein \u00f8gilig byrjunnarfer\u00f0 \u00ed b\u00e1\u00f0u hesum finalunum, og okkara sm\u00e1u gentur m\u00e1ttu veruliga sp\u00edla seg \u00fat fyri at hanga \u00ed feltinum. Ta\u00f0 megna\u00f0u t\u00e6r b\u00e1\u00f0ar heilt v\u00e6l. Maria gj\u00f8rdist nummar 10 vi\u00f0 n\u00fdggjum pers\u00f3nligum meti, 2.23,42 min. Samla\u00f0 var hon eisini nummar 10 av teimum 50 gentunum. Oddv\u00f8r fekk sett ein spurt inn m\u00f3ti endanum, og fanga\u00f0i tv\u00e6r. Hon gj\u00f8rdist nummar 8 \u00ed A-finaluni, og nummr 9 samanlagt. 36 gentur v\u00f3ru vi\u00f0 her.<\/p>\n

Seinasti \u00e1 breytini \u00ed gj\u00e1r var Jan Elmar S\u00f8rensen, sum skuldi renna 5.000 m. Jan Elmar hevur tiki\u00f0 seg almiki\u00f0 fram \u00ed seinastuni, og hevur m.a. tv\u00e6r fer\u00f0ir kn\u00f3gva oyl-kravinum \u00e1 \u00bd maraton. \u00c6tlanin \u00ed gj\u00e1r var at renna undir 16 minuttir. Jan Elmar rann \u00ed B-finaluni, og kom at dominera hana n\u00f3gv. \u00cd byrjanini kom hann at liggja einsamallur \u00e1 odda, men seinni bleiv ta\u00f0 eitt taktiskt sp\u00e6l. Jan Elmar hev\u00f0i t\u00f3 mest fokus upp\u00e1 t\u00ed\u00f0ina heldur enn plaseringar. Alla t\u00ed\u00f0ina s\u00e1 \u00fat til at hann f\u00f3r at r\u00f8kka m\u00e1linum, og so var eisini. V\u00e6l og vir\u00f0iliga. T\u00ed t\u00e1 Jan Elmar sum tann tri\u00f0ji \u00ed ri\u00f0linum kom \u00e1 m\u00e1l, seg\u00f0i uri\u00f0 15.49,33 min. Hetta er undir oyggjaleikakravi\u00f0 og Jan Elmar er 9. F\u00f8royingurin, sum rennur undir 16 minuttir.<\/p>\n

\"Jan<\/a>
\nEin svenskari og ein norma\u00f0ur sluppu frammum, hinir 16 v\u00f3ru verandi aftanfyri allar 5000 metrarnar.<\/em><\/p>\n

Allan leygardagin hava vit eisini kappast, og n\u00f3gv g\u00f3\u00f0 \u00farslit eru komin. Vit fara at grei\u00f0a eitt sindur fr\u00e1 hesum \u00f8llum. Vit hava ta\u00f0 gott, og \u00f8ll lata heilsa heim.<\/p>\n

<\/p>\n

Myndir<\/h3>\n