{"id":7915,"date":"2017-02-11T09:50:46","date_gmt":"2017-02-11T09:50:46","guid":{"rendered":"https:\/\/www.athletics.fo\/?p=7915"},"modified":"2026-10-29T17:35:18","modified_gmt":"2026-10-29T17:35:18","slug":"stormot-2017-fyrri-dagur","status":"publish","type":"post","link":"https:\/\/www.athletics.fo\/?p=7915","title":{"rendered":"St\u00f3rm\u00f3t 2017 – fyrri dagur – and what a day!"},"content":{"rendered":"

Ein st\u00f3rur dagur er byrja\u00f0ur. Og ein dr\u00fagvur dagur. Okkara fel\u00f8g hava tilsamans 90 startir \u00ed dag. Hvirlan hevur 34, Bragdi\u00f0 49 og Treysti hevur 7 startir. Tey fyrstu at kappast \u00ed morgun ver\u00f0a Hans Erland Thomsen og Miso Buha \u00far Bragdinum, sum kl. 10.20 skulu renna 60 m. Beint eftir hetta ver\u00f0a ta\u00f0 Urd R. \u00e1 Lofti \u00far Bragdinum og Oddv\u00f8r Josephsen \u00far Treysti, sum kappast \u00e1 800 m. Fyrsti startur hj\u00e1 Hvirluni \u00ed dag er klokkan 10.40, t\u00e1 D\u00e1njal Dahl Lj\u00f3sheim rennur 800 m. Hans Sivertsen \u00far Treysti er eisini vi\u00f0 \u00ed hesi kapping.<\/p>\n

Og s\u00ed\u00f0ani gongur ta\u00f0 slag \u00ed slag allan dagin. Vit fara at fylgja vi\u00f0 her \u00e1 s\u00ed\u00f0uni, so fr\u00e6gt, sum interneti\u00f0 loyvir.
\n\"IMG_2958\"
\nForma\u00f0urin hevur sett seg v\u00e6l tilr\u00e6ttis at at ber\u00e6tta um dagsins begjivinheitir \ud83d\ude09<\/em><\/p>\n

Fyrsta hei\u00f0ursmerki \u00ed fyrstu kappingini!
\n<\/b>So er okkara fyrsta hei\u00f0ursmerki longu \u00ed skj\u00e1ttuni. \u00c1 60 metrum hj\u00e1 dreingjum 14 \u00e1r fingu vit b\u00e6\u00f0i tri\u00f0ja og fj\u00f3r\u00f0a pl\u00e1ss. Miso og Hans Erland blivu nr. 1 og 2 \u00ed \u00f8\u00f0rum ri\u00f0ili, og hetta rakk til eitt samla\u00f0 3. og 4. pl\u00e1ss og sostatt bronsu til Miso Buha. T\u00ed\u00f0irnar hj\u00e1 teimum v\u00f3ru \u00e1vikav\u00edst 8.04 sekund og 8,15 sekund.<\/p>\n

Og so var fyrsta gullmerki eisini \u00ed skj\u00e1ttuni!
\n<\/strong>Og longu \u00ed okkara n\u00e6stu kapping fall eitt gullmerki til okkara. Ta\u00f0 var Oddv\u00f8r Josephsen (G16-17) \u00far Treysti, sum \u00e1 800 m vann grei\u00f0an sigur, h\u00f3ast hon ikki rann upp til s\u00edtt allarbesta. T\u00ed\u00f0in hj\u00e1 henni var 2.25,70. Urd R. \u00e1 Lofti rann eisini. Hennara t\u00ed\u00f0 var 2.44.27 min. og rakk til fj\u00f3r\u00f0a pl\u00e1ss.<\/p>\n

Eisini hei\u00f0ursmerki til Hvirluna
\n<\/strong>D\u00e1njal Dahl Lj\u00f3sheim \u00far Hvirluni rann ein fr\u00e1l\u00edkan 800 m (Dr. 16-17 \u00e1r), har hann f\u00f8rdi ta\u00f0 mesta av teininum, men m\u00e1tti lata ein \u00edslending sleppa undan m\u00f3ti endanum. Men eitt v\u00e6l uppibori\u00f0 silvurmerki og eitt gott pers\u00f3nligt met bleiv ta\u00f0 til D\u00e1njal. T\u00ed\u00f0in hj\u00e1 honum var 2.08.48. Hans Sivertsen kom fj\u00f3r\u00f0i \u00e1 m\u00e1li\u00f0 vi\u00f0 2.19.06 min.<\/p>\n

\"IMG_3003\"
\nD\u00e1njal Dahl Lj\u00f3sheim var vi\u00f0 \u00ed str\u00ed\u00f0num um gulli\u00f0 allan vegin (mynd: Andreas Josephsen)<\/em><\/p>\n

Nummar f\u00fdra, seks og sjey
\n<\/b>T\u00e6r tr\u00edggjar Bragdagentur, Bj\u00f8rg Jensen, S\u00e1ra Iversen og B\u00e1ra Glerfoss hava j\u00fast runni\u00f0 60 m, og v\u00e6l gekst \u00ed hond. 35 gentur v\u00f3ru vi\u00f0. B\u00e1ra var okkara besta, og enda\u00f0i \u00e1 samla\u00f0um fj\u00f3r\u00f0a pl\u00e1ssi vi\u00f0 8,61 sekundum. S\u00e1ra gj\u00f8rdist samla\u00f0 nr. seks vi\u00f0 8,87 sek og Bj\u00f8rg Jensen samla\u00f0 nr. sjey vi\u00f0 8,97 sekundum.<\/p>\n

\"IMG_0511\"
\nBj\u00f8rg Jensen og B\u00e1ra Glerfoss eftir 60 m renningina. S\u00e1ra v\u00e6ntar \u00e1 myndini:<\/em><\/p>\n

Gull og silvur til Bragdardreingir
\n<\/strong>\u00c1 60 metrum hj\u00e1 dreingjum 12 gj\u00f8rdu Bragdardreingirnir J\u00f3nas Isaksen og Eiri J. Glerfoss bart. Runni\u00f0 var \u00ed fimm ri\u00f0lum, og \u00ed tveimum av ri\u00f0lunum var vinnarin \u00ed serflokki. Ta\u00f0 var \u00ed b\u00e1\u00f0um f\u00f8rum ein av teimum bl\u00e1u. Stuttligt var at s\u00edggja l\u00edtla Eira vi\u00f0 so sera kvikum f\u00f3tafari. Naka\u00f0 sum vit ikki vanliga s\u00edggja hj\u00e1 f\u00f8royskum \u00edtr\u00f3ttarf\u00f3lki. Eiri vann samla\u00f0u kappingina vi\u00f0 t\u00ed\u00f0ini 8,84 sekund og J\u00f3nas gj\u00f8rdist samla\u00f0 nummar tvey vi\u00f0 8,91 sek.<\/p>\n

Antoft 1\/100 part fr\u00e1 gullinum
\n<\/strong>\u00c1 60 m hj\u00e1 dreingjum 15 \u00e1r, var um reppi\u00f0, at eitt gullmerki fall \u00ed okkara lut. Andresas Bjarnastein Antoft og ein \u00edslendingur v\u00f3ru p\u00fara javnir allan vegin, men \u00edslendingurin fekk bringuna fram um \u00e1 m\u00e1lstrikuni. T\u00ed\u00f0in hj\u00e1 Andreasi var sera g\u00f3\u00f0: 7,75. William Helmsdal var eisini v\u00e6l vi\u00f0 \u00ed hesi kappingini og gj\u00f8rdist nummar 8,58 sek.<\/p>\n

Lea nummar f\u00fdra \u00ed londarlop
\n<\/strong>Lea Thomsen gj\u00f8rdist \u00ed morgun nummar f\u00fdra \u00ed longdarlopi vi\u00f0 3.73 metrum. Hetta var eitt gott pers\u00f3nligt met hj\u00e1 henni. Einans fimm sentimetrar v\u00f3ru upp til bronsuna. 35 gentur lupu \u00ed hesum b\u00f3lkinum.<\/p>\n

\u00c1 60 metrum<\/strong> gekst eisini v\u00e6l hj\u00e1 Leu. Av teimum 48 gentunum, fekk Lea 9. bestu t\u00ed\u00f0ina, sum var 9,45 sekund.<\/p>\n

J\u00f3gvan Gullfoss nummar 8
\n<\/b>Ta\u00f0 s\u00e1 sera gott \u00fat hj\u00e1 J\u00f3gvani Gullfoss, t\u00e1 hann \u00ed st\u00f3rum st\u00edli vann ri\u00f0il 1 \u00e1 60 metrum hj\u00e1 dreingjum 13 \u00e1r. T\u00e1 saman um kom v\u00f3ru t\u00f3 fleiri dreingir \u00ed hinum ri\u00f0lunum, sum v\u00f3ru enn skj\u00f3tari, og J\u00f3gvan enda\u00f0i \u00e1 \u00e1ttanda pl\u00e1ssi\u00f0 vi\u00f0 8,77 sekundum. Einans 3\/10 sek v\u00e6nta\u00f0u \u00ed at koma \u00e1 sigurspallin.<\/p>\n

Bronsa til B\u00f8rku
\n<\/strong>Ta\u00f0 bleiv til enn eitt hei\u00f0ursmerki til Hvirluna, eftir at gentur 13 \u00e1r ums\u00ed\u00f0ur blivu lidnar vi\u00f0 teirra kapping \u00e1 60 metrum. B\u00f8rka Berg J\u00f8rgensen vann sp\u00e6landi ri\u00f0il eitt, men eingi \u00farslit komu fram. T\u00e1 kappingin var li\u00f0ug, v\u00f3ru framvegis eingi \u00farslit fr\u00e1 fyrsta ri\u00f0linum. Tey v\u00f3ru burturblivin. So var einki anna\u00f0 at gera enn at renna av n\u00fdggjum. Og enn einafer\u00f0 v\u00edsti B\u00f8rka s\u00edna st\u00f3ru spurtstyrki, og vann \u00ed st\u00f3rum st\u00edli. T\u00ed\u00f0in hj\u00e1 henni var 9,02 sekund og rakk til eitt samla\u00f0 tri\u00f0japl\u00e1ss og harvi\u00f0 bronsu!<\/p>\n

\"IMG_0513\"
\nB\u00f8rka noyddist at renna tv\u00e6r fer\u00f0ir, \u00e1\u00f0renn hon at enda kundi f\u00e1a bronsumerki\u00f0 um h\u00e1lsin<\/em><\/p>\n

Gentur 60 metrar 15 \u00e1r
\n<\/b>Ein \u00far Treysti, ein \u00far Bragdinum og ein \u00far Hvirluni eru vi\u00f0 \u00ed hesari kappingini. L\u00fd H\u00f8gnad\u00f3ttir \u00far Hvirluni hevur j\u00fast runni\u00f0, og gj\u00f8rdist nr. tvey \u00ed\u00a0fyrsta ri\u00f0ilinum vi\u00f0 9,17 sekund. Unna R\u00f3 Jacobsen \u00far Bragdinum enda\u00f0i \u00e1 tri\u00f0ja pl\u00e1ssi \u00ed ri\u00f0ili tvey vi\u00f0 9,08 sekundum og beint n\u00fa var ta\u00f0 Birita Ryan, sum vann tri\u00f0ja ri\u00f0ilin vi\u00f0 8,45 sekundum – bert 4\/100 sekund fr\u00e1 f\u00f8royska metinum hj\u00e1 Aldu S. Lamhauge. Birita hevur bestu t\u00ed\u00f0 n\u00fa undan seinasta ri\u00f0linum, har t\u00e6r skj\u00f3tastu annars renna.<\/p>\n

Bert tv\u00e6r gentur t\u00f3ku t\u00ed\u00f0ina hj\u00e1 Biritu, sum sostatt hevur vunni\u00f0 bronsu \u00e1 60 metrum!! Unna R\u00f3 gj\u00f8rdist nummar 15 og L\u00fd nummar 19.<\/p>\n

\"IMG_3095\"
\nBirita Ryan fyrst um m\u00e1li\u00f0 og st\u00f3rt pers\u00f3nligt met umframt b\u00f3lkamet!<\/em><\/p>\n

F\u00f8royskt met og bronsa til Elisabet Holm Simonsen
\n<\/strong>Hj\u00e1 gentum 16-17 \u00e1r megna\u00f0i Elisabet Holm Simonsen at kuta eitt st\u00f3rt petti av f\u00f8royska metinum \u00e1 60 metrum hj\u00e1 kvinnum, Meti\u00f0 var frammanundan 8,41, men \u00ed s\u00ed\u00f0sta ri\u00f0linum hj\u00e1 gentum 16-17 \u00e1r, eydna\u00f0ist Elisabet at renna 8,22 sekund og samstundis vinna bronsu.<\/p>\n

Hjartaliga tillukku vi\u00f0 metinum, Elisabet!<\/p>\n

Fleiri a\u00f0rir f\u00f8royingar v\u00f3ru vi\u00f0 \u00ed hesi kappingini. Sunniva Bogad\u00f3ttir var nummar 12 vi\u00f0 8,90 sekundum, Urd R. \u00e1 Lofti nr. 16 vi\u00f0 9,12 sekundum, Lydia Simonsen nr. 20 vi\u00f0 9,32 og Helena S. Ziska nr. 24 vi\u00f0 9,72 og Gu\u00f0ri\u00f0 K. Petersen nr. 26 vi\u00f0 9,81.<\/p>\n

\"IMG_3115\"
\nFyrsta f\u00f8royska meti\u00f0 t\u00f3k Elisabet Holm Simonsen \u00e1 60 m. Hon s\u00e6st n\u00e6st innast \u00ed sv\u00f8rtum sokkum og rey\u00f0um sk\u00f3m.\u00a0<\/em><\/p>\n

Enn eitt fj\u00f3r\u00f0apl\u00e1ss til B\u00e1ru
\n<\/strong>\u00cd longdarlopskappingini hj\u00e1 gentum 14 \u00e1r v\u00f3ru f\u00fdra gentur \u00far Bragdinum vi\u00f0. Besta \u00farsliti\u00f0 fekk B\u00e1ra J. Glerfoss vi\u00f0 4,47 metrum. Ta\u00f0 resta\u00f0u einans sjey sentimetrar hj\u00e1 henni at vinna upp\u00e1 bronsupallin. B\u00e1ra var eisini sera n\u00e6r vi\u00f0 at vinna bronsu \u00e1 60 metrum, har hon eisini gj\u00f8rdist nummar f\u00fdra. Beint aftanfyri B\u00e1ru, \u00e1 s\u00e6ttapl\u00e1ssi, kom Herv\u00f8r Niclasen. Hennara besta lop var 4,42 metrar. S\u00e1ra Iversen gj\u00f8rdist nummar n\u00edggju vi\u00f0 4,31 m, Bj\u00f8rg Jensen nummar 14 vi\u00f0 4,03 m og Erna Krett Hansen nr. 15 vi\u00f0 3,91 m. 40 gentur v\u00f3ru vi\u00f0 \u00ed hesi kappingini.<\/p>\n

Hvirludreingir \u00e1 60 metrum
\n<\/strong>60 metra kappingin hj\u00e1 dreingjum 16-17 hev\u00f0i tr\u00edggjar luttakarar \u00far Hvirluni. D\u00e1njal Dahl Lj\u00f3sheim bleiv nummar 22 vi\u00f0 8,20 sek, B\u00e1r\u00f0ur J\u00f3hansson nummar 26 vi\u00f0 8,39 sek, og T\u00f3ki Bak S\u00f8rensen nummar 27 vi\u00f0 8,51 sekundum. Hj\u00e1 T\u00f3ka og D\u00e1njali var her talan um g\u00f3\u00f0 pers\u00f3nlig met.<\/p>\n

Enn eitt gullmerki til Eira Glerfoss,
\n<\/strong>So var eisini longdarlopskappingin li\u00f0ug hj\u00e1 dreingjum 12 \u00e1r. Vi\u00f0 4,44 metrum s\u00e6r \u00fat til at Eiri hevur vunni\u00f0 grei\u00f0an sigur, men onkur \u00farslit eru enn eftir at t\u00f8ppa hj\u00e1 teimum. M.a. \u00farsliti\u00f0 hj\u00e1 J\u00f3nsi Isaksen, sum var hin f\u00f8royingurin \u00ed kappingini…………… N\u00fa eru so \u00f8ll \u00farslitini t\u00f8k, og ta\u00f0 var altso okkara J\u00f3nas, sum leyp n\u00e6stlongsta lopi\u00f0. 4,28 metrar og enn einafer\u00f0 gull og silvur teir b\u00e1\u00f0ar.<\/p>\n

\"IMG_0515\"
\nTv\u00e6r fer\u00f0ir gull og silvur til Eira Glerfoss og J\u00f3nas Isaksen! Her ver\u00f0a hei\u00f0ursmerkini fyri longdarlopskappingina handa\u00f0<\/em><\/p>\n

T\u00f3rur Mortensen \u00ed finaluna
\n<\/strong>\u00c1 60 metrum hj\u00e1 monnum hava undanrenningarnar j\u00fast veri\u00f0. Okkara sterki tr\u00edst\u00f8kkari, T\u00f3rur Mortensen, sparir upp\u00e1 kreftirnar, og luttekur t\u00ed heldur \u00e1 6o og 200 metrum og \u00ed longdarlopi. Ta\u00f0 eydna\u00f0ist honum akkur\u00e1t at kroysta seg vi\u00f0 \u00ed finaluna, sum ver\u00f0ur runnin um ein g\u00f3\u00f0an h\u00e1lvan t\u00edma. Fremstu rennararnir v\u00f3ru sera javnir, og T\u00f3rur fekk vi\u00f0 7,36 sek pl\u00e1ss \u00ed finaluni. Hetta var samstundis pers\u00f3nligt met hj\u00e1 T\u00f3ri, sum n\u00fa n\u00e6rkast f\u00f8royska metinum hj\u00e1 R\u00f3a Holgarsson (7,23)<\/p>\n

Magnus Dal-Christiansen var eisini vi\u00f0 \u00ed hesi kappingini, og fekk eitt samla\u00f0 14. pl\u00e1ss av teimum 29 spurtarunum. Hansara t\u00ed\u00f0 var 7,59 sekund, 1\/10 sek fr\u00e1 hansara bestu t\u00ed\u00f0.<\/p>\n

So var gull til J\u00f3nas Isaksen
\n<\/strong>Enn eitt gullmerki til Bragdi\u00f0. \u00cd st\u00f3rum st\u00f3rum st\u00edli hevur J\u00f3nas Isaksen beint n\u00fa runni\u00f0 hinar 20 \u00edslendsku dreingirnar sundur og saman. Heili seks sekund var hann fremstur og longu eftir 50 metrum, s\u00e1 \u00fat til at hann hev\u00f0i avgj\u00f8rt alt. T\u00ed\u00f0in hj\u00e1 J\u00f3nasi var 1.48,47 min.<\/p>\n

Alda eisini \u00ed finaluna
\n<\/strong>\u00c1 60 metrum hj\u00e1 kvinnum setti Alda S. Lamhauge pers\u00f3nligt met vi\u00f0 8,36 sek. og spurta\u00f0i beint \u00ed finaluna. \u00cd finaluni gekk ikki fult so v\u00e6l sum innlei\u00f0andi, og her enda\u00f0i Alda \u00e1 samla\u00f0a n\u00edggjunda-pl\u00e1ssinum vi\u00f0 8,46 sekundum.<\/p>\n

4 Hvirlur \u00ed k\u00faluvarpi
\n<\/strong>Hj\u00e1 gentum 16-17 \u00e1r v\u00f3ru f\u00fdra gentur \u00far Hvirluni vi\u00f0. Gu\u00f0ri\u00f0 K. Petersen, Sunniva Bogad\u00f3ttir og Helena S. Ziska gj\u00f8rdust ov stuttar at r\u00f8kka finaluni. T\u00e6r gj\u00f8rdust \u00e1v\u00edkav\u00edst nummar 11, 12 og 16. Gu\u00f0ri\u00f0 fekk k\u00faluna \u00fat \u00e1 8,76 m, Sunniva 8,72 og Helena 7,54.<\/p>\n

Fj\u00f3r\u00f0a gentan var Lydia Simonsen, sum vi\u00f0 9,68 metrum kom \u00ed finaluna og fekk tr\u00edggjar royndir afturat. Hon fekk \u00f8kt vi\u00f0 einum sentimetri, og enda\u00f0i \u00e1 samla\u00f0a 7. pl\u00e1ssinum. Lydia, Sunniva og Helena settu allar pers\u00f3nligt met \u00ed dag.<\/p>\n

Elisabet nummar fimm \u00e1 200 metrum
\n<\/strong>S\u00e6tti og n\u00e6st seinasti ri\u00f0ilin hj\u00e1 gentum 16-17 \u00e1r \u00e1 200 metrum var\u00f0 vunnin av Elisabet Holm Simonsen. Bert 1\/100 sekund var hon framman fyri \u00edslendska kappingarneytan. Hetta merkti, at Elisabet var \u00e1 odda fyri alla kappingina undan seinasta ri\u00f0linum. Her komu t\u00f3 allar f\u00fdra undir t\u00ed\u00f0ina hj\u00e1 Elisabet, sum sostatt enda\u00f0i \u00e1 fimta pl\u00e1ssi. T\u00ed\u00f0in hj\u00e1 Elisabet gj\u00f8rdist 27,76 – einans 23\/100 sekund fr\u00e1 f\u00f8royska metinum hj\u00e1 Margit W. Fr\u00ed\u00f0mundsd\u00f3ttir, sum skal renna 200 m \u00ed morgin.<\/p>\n

\u00cd hesi somu kapping setti Teresa F. Bl\u00e1hamar pers\u00f3nligt met, og bleiv nr. 8 vi\u00f0 28,71. Urd R. \u00e1 Lofti bleiv nummar 15 vi\u00f0 30.19 sekundum.<\/p>\n

\"urd \"teresa
\nElisabet var kvikast av f\u00f8royingunum \u00e1 200 metrum, men Urd (t.v.) og Teresa fingu eisini g\u00f3\u00f0 \u00farslit<\/em><\/p>\n

Gull til Mariu Biskopst\u00f8 \u00e1 800 metrum
\n<\/strong>Ta\u00f0 bleiv sera spennandi \u00ed kappingini \u00e1 800 metrum fyri gentur 15 \u00e1r. Hon leg\u00f0i seg \u00e1 odda fr\u00e1 byrjan, men sterka \u00edslendska gentan I\u00f0unn Bj\u00f8rg Arnaldsd\u00f3ttir fylgdi henni t\u00e6tt. T\u00e6r f\u00f3ru langt undan \u00f8llum hinum, og eftir 600 metrum, s\u00e1 \u00fat til at I\u00f0unn \u00e6tla\u00f0i s\u00e6r at taka Mariu. Hon spenti t\u00f3 aftur \u00ed m\u00f3ti, og fekk v\u00edst \u00f8llum, at hon var tann sterkasta. Eitt st\u00f3rt pers\u00f3nligt met bleiv ta\u00f0 eisini til. T\u00ed\u00f0in gj\u00f8rdist 2.20,32 min<\/p>\n

\"IMG_0519\"
\nSpenningur \u00e1\u00f0renn startskoti\u00f0 lj\u00f3\u00f0ar<\/em><\/p>\n

Eisini gull til Rebekku Fugl\u00f8
\n<\/strong>Tri\u00f0ja gullmerki hj\u00e1 Treysti gj\u00f8rdist beint n\u00fa veruleiki. Ta\u00f0 kom \u00e1 1.500 metrum hj\u00e1 kvinnum, har Rebekka Fugl\u00f8 rann solo-renning st\u00f3rt s\u00e6\u00f0 allan vegin. Hon megna\u00f0i ikki at renna heilt upp til s\u00edtt besta, og setti t\u00ed\u00f0 fer\u00f0ina eitt sindur ni\u00f0ur seinastu 500 metrarnar fyri at spara kreftir til 800 m kappingina \u00ed morgin. T\u00ed\u00f0in hj\u00e1 Rebekku gj\u00f8rdist 4.43,82. Karin Holm Simonsen \u00far Bragdinum gj\u00f8rdist nummar sjey vi\u00f0 5.38,17.<\/p>\n

Annika Isaksen rann eisini v\u00e6l hesa kappingina, og setti eitt gott pers\u00f3nligt met vi\u00f0 2.49,20 min og gj\u00f8rdist nummar fimm.<\/p>\n

\"rebekka
\nEnn eitt gullmerki til Rebekku. Ivasamt er, um Reykjav\u00edkingar nakrant\u00ed\u00f0 hava s\u00e6\u00f0 nakran \u00edslending vunni\u00f0 m\u00f3ti Rebekku.<\/em><\/p>\n

K\u00faluvarp gentur 14 \u00e1r
\n<\/b>Tr\u00edggri f\u00f8royingar v\u00f3ru vi\u00f0 \u00ed k\u00faluvarpskappingini fyri gentur 14 \u00e1r. Tv\u00edburarnir Elin Niclasen \u00far Hvirluni og Herv\u00f8r Niclasen \u00far Bragdinum st\u00f3\u00f0u seg best av f\u00f8royingunum. Elin gj\u00f8rdist nummar seks vi\u00f0 7,87 metrum, me\u00f0an Herv\u00f8r gj\u00f8rdist nummar sjey vi\u00f0 7,57 metrum. Erna Krett Hansen bleiv nummar 20 av teimum 34 k\u00faluvarparunum vi\u00f0 6,40 metrum. Leggjast skal afturat, at her hevur neyvan gingi\u00f0 eftir vild hj\u00e1 Elini, t\u00ed ein g\u00f3\u00f0an dag hev\u00f0i hon helst sta\u00f0i\u00f0 \u00e1 ovasta pallinum. Bert ta\u00f0 eina kasti\u00f0 hj\u00e1 henni bleiv g\u00f3\u00f0kent. Men solei\u00f0is er vi\u00f0hv\u00f8rt.<\/p>\n

Julian Gregesen tryggjar Treysti fj\u00f3r\u00f0a gullmerki og dagsins n\u00e6sta f\u00f8royska met
\n<\/strong>Enn eitt gullmerki kom \u00ed gulu skj\u00e1ttuna, t\u00e1 Julian Gregesen vann ein flottan sigur \u00e1 1.500 metrum. Hann l\u00e1 \u00e1 odda fr\u00e1 byrjan, men leg\u00f0i seg so \u00e1 anna\u00f0pl\u00e1ssi\u00f0 mi\u00f0skei\u00f0is. T\u00ed\u00f0in so ikki so lovandi \u00fat \u00e1 1.000 metrum, men ein langur og kr\u00fatsterkur endaspurtur broytti alt. Julian enda\u00f0i langt fremstur og t\u00e1 til stykkis kom, hev\u00f0i hann tiki 15\/100 sekund av f\u00f8royska metinum hj\u00e1 Marnari Djurhuus. N\u00fdggja meti\u00f0 er 4.05,70 min.<\/p>\n

Hjartalga tillukku vi\u00f0 metinum, Julian \ud83d\ude42<\/p>\n

\"julian-1500\"
\n18 \u00e1ra gamli Julian Gregersen er \u00ed r\u00fakandi menning \u00ed l\u00f8tuni. \u00cd dag t\u00f3k vann hann \u00e1 fyrsta sinni eitt f\u00f8royskt met.<\/em><\/p>\n

Margit W. Fr\u00ed\u00f0mundsd\u00f3ttir tryggjar Bragdinum fj\u00f3r\u00f0a gullmerki
\n<\/b>Tey \u00ed Bragdinum h\u00f8vdu ikki hug at standa aftanfyri Treyst, hvat hei\u00f0ursmerkjum vi\u00f0v\u00edkur. \u00cd dagsins seinastu kapping, sum var tr\u00edst\u00f8kk fyri kvinnur, enda\u00f0i ta\u00f0 vi\u00f0, at Margit W. Fr\u00ed\u00f0mundsd\u00f3ttir hev\u00f0i longsta lopi\u00f0. Hon leyp ikki upp til s\u00edtt allarbesta, men 10, 21 metrar \u00ed tri\u00f0ju royndini var n\u00f3g miki\u00f0 at tryggja gulli\u00f0.<\/p>\n

Eisini \u00ed hesi kappingini gj\u00f8rdist talan um f\u00f8royskan dupultsigur. T\u00ed n\u00e6stlongsta lopi\u00f0 \u00e1tti eingin annar enn Edna Maria Debes<\/strong> \u00far Hvirluni.<\/p>\n

\u00cd tr\u00edst\u00f8kki hj\u00e1 monnum fall eisini eitt hei\u00f0ursmerki til f\u00f8royingarnar. Ta\u00f0 var okkara ungi portugisi \u00ed Bragdinum, Xavier Magalhaes<\/strong> sum vi\u00f0 12,06 metrum vann bronsumerki\u00f0. Xavier er einans 16 \u00e1ra gamal.<\/p>\n

\"margit
\nMargit W. Fr\u00ed\u00f0mundsd\u00f3ttir vann gull \u00ed tr\u00edst\u00f8kki<\/em><\/p>\n

Bronsa \u00ed longdarlopi til Hans Erland
\n<\/strong>Hans Erland Thomsen \u00far Bragdinum rakk akkur\u00e1t ikki hei\u00f0ursmerkjunum \u00e1 60 metrum. Men \u00ed longdarlopi l\u00e1 betur fyri. Vi\u00f0 einum lopi \u00e1 5,08 metrar, tryggja\u00f0i hann s\u00e6r bronsuna hj\u00e1 dreingjum 14 \u00e1r. Miso Buha bleiv nummar sjey vi\u00f0 4,77 metrum.<\/p>\n

J\u00fa hetta gj\u00f8rdist ein langur og dr\u00fagvur dagur – men ein fantastiskur dagur, har okkara ungu veruliga v\u00edsa tey vilja og megna. Fr\u00e1grei\u00f0ingarnar hava helst bert veri\u00f0 so sum so, og helst eru onkur \u00farslit gloymd \u00ed rokanini. V\u00f3nandi siga tit m\u00e6r fr\u00e1, so dagf\u00f8ri eg. Eisini eru tit v\u00e6lkomin at v\u00edsa m\u00e6r \u00e1 h\u00f3skandi myndir til hesa greinina. Stuttligari ver\u00f0ur t\u00e1 at leita aftur\u00e1 aftur seinni.<\/p>\n

Hallur<\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

<\/p>\n

Myndir<\/h3>\n