{"id":7994,"date":"2017-06-27T22:17:43","date_gmt":"2017-06-27T21:17:43","guid":{"rendered":"https:\/\/www.athletics.fo\/?p=7994"},"modified":"2026-10-29T17:35:28","modified_gmt":"2026-10-29T17:35:28","slug":"rebekka-vann-bronsu-i-sonnum-gysara","status":"publish","type":"post","link":"https:\/\/www.athletics.fo\/?p=7994","title":{"rendered":"Rebekka vann bronsu \u00ed sonnum gysara"},"content":{"rendered":"

…men fyrst skulu vit bo\u00f0a fr\u00e1, at kvinnuli\u00f0i\u00f0 \u00e1 4×100 er komi\u00f0 \u00ed finaluna. Hetta t\u00ed at kvinnurnar av Cayman Islands seinni eru kolld\u00f8mdar vegna \u00f3reglusemi.<\/p>\n

Aftur til Rebekku, sum alt v\u00e1r og summar hevur v\u00edst g\u00f3\u00f0an form, og hevur hugsavna\u00f0 seg so n\u00f3gv um kappingarnar \u00e1 oyggjaleikunum. \u00cd 2015 vann hon s\u00edtt fyrsta oyl-hei\u00f0ursmerki \u00e1 s\u00ednum fj\u00f3r\u00f0u leikum, t\u00e1 hon vann silvur \u00e1 800 metrum.<\/p>\n

Mi\u00f0teinarenningarnar hj\u00e1 kvinnum hava veri\u00f0 sera sterkar seinnu leikirnar, og n\u00fa var enn ein sterkur rennari av Orknoyggjum lagstur afturat, og hendan Anna Tait var favorittur at vinna dagsins kapping \u00e1 1.500 metrum.<\/p>\n

\"DSC04207\"
\n<\/a>Rebekka er bert ein av fleiri st\u00f3rrennarum, kl\u00e1rar til har\u00f0a kapping \u00e1 1.500 m<\/em><\/p>\n

Ta\u00f0 var einki fjas \u00ed dagsins kapping. Anna Tait leg\u00f0i seg beinanvegin \u00e1 odda, og t\u00e6r sterku kvinnurnar l\u00f8gdu aftan\u00e1. Fer\u00f0in var r\u00e6ttiliga n\u00f3gv, og t\u00e1 Anna fekk eitt l\u00edti\u00f0 hol, vistu hinar, at ta\u00f0 var silvur og bronsa, sum t\u00e6r kappa\u00f0ust um.<\/p>\n

Rebekka var v\u00e6l vi\u00f0 \u00ed hesi kappingini, og s\u00e1 eisini l\u00e6ttrennandi \u00fat. T\u00e6r gj\u00f8rdust f\u00fdra, sum komu at str\u00ed\u00f0ast um silvur og bronsu. T\u00e1 300 metrar v\u00f3ru eftir, t\u00f3k Rebekka dik \u00e1 seg, og royndi at renna fr\u00e1 hinum. Hon kom naka\u00f0 burtur fr\u00e1, men munurin byrja\u00f0i aftur at t\u00f3dna, og vinnarin fr\u00e1 2015, Rachel Franklin, t\u00f3k seg aftur fram um Rebekku, sum n\u00fa m\u00e1tti str\u00ed\u00f0ast almiki\u00f0 fyri at hava fer\u00f0 \u00ed beinunum.<\/p>\n

\"DSC04209_b\"
\n<\/a>Rebekka hevur skr\u00e6tt seg leysa \u00ed kappingini um silvuri\u00f0. Hetta gj\u00f8rdust hennara l\u00edvs har\u00f0astu 250 metrar<\/em><\/p>\n

So hv\u00f8rt hon rann oman m\u00f3ti m\u00e1lstrikuni st\u00edvna\u00f0u beinini alt meira og meira, og \u00e1 \u00e1sko\u00f0arapl\u00e1ssunum \u00f3tta\u00f0ust vit fyri, at hon skuldi missa bronsuna \u00e1 stokkinum. T\u00edbetur var Gemma Dawkins \u00e1 fj\u00f3r\u00f0apl\u00e1ssi\u00f0 l\u00edka st\u00edvbeint og gj\u00f8gnumsyra\u00f0 sum Rebekka var, og sigursbr\u00f8lini fr\u00e1 f\u00f8roysku \u00e1sko\u00f0arunum v\u00f3ru \u00f8gilig, t\u00e1 vit s\u00f3u Rebekku fara um m\u00e1lstrikuna sum tann tri\u00f0ja.<\/p>\n

Hetta var ein fantastiska spennandi kapping, har vit v\u00f3r\u00f0u drigin gj\u00f8gnum alt kensluregistari\u00f0. Men ta\u00f0 var ikki li\u00f0ugt enn. T\u00ed mundi hetta vera f\u00f8royskt met? Ta\u00f0 var \u00ed \u00f8llum f\u00f8rum n\u00e6r vi\u00f0. \u00cd spenningi b\u00ed\u00f0a\u00f0u vit eftir endaliga \u00farslitinum. Og ta\u00f0 var n\u00fdtt f\u00f8royskt met. 4.30,20 var eitt h\u00e1lvt sekund skj\u00f3tari enn t\u00ed\u00f0in hj\u00e1 henni til VU-spelen \u00ed fj\u00f8r.<\/p>\n

\"DSC04210\"
\n<\/a>Vi\u00f0 spenningi ver\u00f0ur se\u00f0ilin granska\u00f0ur. Se\u00f0ilin ber bo\u00f0 um at m\u00f8ta til hei\u00f0ursmerkjahandan<\/em><\/p>\n

Longu \u00ed morgin \u00e1 middegi skal Rebekka \u00ed gongd aftur, t\u00e1 hon skal renna innlei\u00f0andi umfar \u00e1 800 metrum. Vit v\u00f3na at Rebekka f\u00e6r hv\u00edlt seg so miki\u00f0 v\u00e6l, at hon kann renna seg \u00ed finaluna.<\/p>\n

Vit ynskja Rebekku hjartaliga tillukku vi\u00f0 bronsuni og ynskja henni og Oddv\u00f8r alla eydnu \u00e1 800 metrum \u00ed morgin.<\/p>\n

\"DSC04216\"Rachel Franklin, Anna Tait, Rebekka Fugl\u00f8 og \u00f8ll mannam\u00fagvan lurtar eftir orknoyiska tj\u00f3\u00f0sanginum<\/em><\/p>\n

<\/p>\n

Myndir<\/h3>\n