{"id":8066,"date":"2018-01-07T00:26:39","date_gmt":"2018-01-07T00:26:39","guid":{"rendered":"https:\/\/www.athletics.fo\/?p=8066"},"modified":"2026-10-29T17:41:17","modified_gmt":"2026-10-29T17:41:17","slug":"duruta-av-lofti-vann-skechers-nyggjarshalvmaraton","status":"publish","type":"post","link":"https:\/\/www.athletics.fo\/?p=8066","title":{"rendered":"Duruta R. \u00e1 Lofti vann Skechers N\u00fdggj\u00e1rsh\u00e1lvmaraton"},"content":{"rendered":"

So var \u00e1rsins fyrsta rennikapping avgreidd, og fyrstu vinnararnir funnir. Umlei\u00f0 90 rennarar gj\u00f8rdu seg til rei\u00f0ar \u00ed Funningsfir\u00f0i og lagi\u00f0 var av t\u00ed besta \u00ed vakra, kalda og kl\u00e1ra degnum. N\u00f3gvur spenningur l\u00e1 \u00ed luftini um hv\u00f8r mundi fara at sigra av kinnunum. Valborg Heinesen er so sm\u00e1tt farin spj\u00e1lka aftur, og ta\u00f0 sama er Rigmor N. Arge, sum ikki hevur havt startnummar \u00e1 bringuni seinasta \u00e1ri\u00f0. Umframt t\u00e6r v\u00f3ru eisini stinnu Bragdarkvinnurnar Duruta R. \u00e1 Lofti og Ann Thomsen.<\/p>\n

Kappingin kom at standa millum Durutu og Valborg, sum fylgdust ta\u00f0 mesta av teininum, og sum eisini gj\u00f8rdust sera t\u00e6ttar \u00e1 m\u00e1linum. Komnar ni\u00f0an Byrgisbrekkuna eftir 16-17 km koyrdi Durutu n\u00f3gva fer\u00f0 \u00e1, og solei\u00f0is str\u00edddut t\u00e6r einar tveir kilometrar, til eitt l\u00edti\u00f0 hol byrja\u00f0i at koma millum t\u00e6r. Men ta\u00f0 slapp ikki at vaksa skj\u00f3tt. Heldur ikki n\u00f3gv. M\u00f3ti endanum royndi Valborg at spurta seg fram \u00e1 Durutu aftur, men ta\u00f0 var ov seint, og Duruta vann ein flottan sigur \u00ed \u00e1rsins fyrstu kapping. Hetta var hennara fyrsti sigur \u00ed hesi kappingini.<\/p>\n

\"N\u00fdggj\u00e1r
\nSo stutt var millum Durutu og Valborg eftir 21,1 km. Duruta kempa\u00f0i og sigra\u00f0i vi\u00f0 n\u00fdggjum pers\u00f3nligum meti<\/em><\/p>\n

Ikki so langt aftanfyri kom ein vandur sigursharri fr\u00e1 n\u00fdggj\u00e1rsh\u00e1lvmaraton tri\u00f0ja \u00e1 m\u00e1l. Rigmor N. Arge var sera v\u00e6l n\u00f8gd vi\u00f0 s\u00edna renning \u00ed dag. At byrja vi\u00f0 var hon aftanfyri Ann Thomsen, men f\u00f3r fram vi\u00f0 henni \u00ed Sk\u00e1labotni. Ann rann eisini v\u00e6l \u00ed dag, og enda\u00f0i \u00e1 fj\u00f3r\u00f0a pl\u00e1ssi ikki so langt aftanfyri Rigmor.<\/p>\n

Ta\u00f0 blivu tr\u00fd sett av hei\u00f0ursmerkjum b\u00fdtt \u00fat til hv\u00f8rt kyni\u00f0. Tey yngru, veteranarnar og superveteranarnar.<\/p>\n

Kvinnur (f. 1973-2001)
\n<\/strong>1. Valborg Heinesen, Bragdi\u00f0, 1.33.08
\n2. Lydia Jacobsen, Roysni\u00f0, 1.42.11
\n3. Ann-Mari av Skar\u00f0i, Bragdi\u00f0 1.43.44<\/p>\n

Kvinnur veternar (f. 1963-1972)
\n<\/strong>1. Duruta R. \u00e1 Lofti, Bragi\u00f0, 1.33.07
\n2. Rigmor N. Arge, Hvirlan, 1.34.31
\n3. Ann Thomsen, Bragdi\u00f0, 1.36.<\/p>\n

Kvinnur superveteranar (f. – 1962)
\n<\/strong>1. Ruth Johannesen, Treysti, 2.01,29
\n2. Elisabeth Rasmussen, Bragdi\u00f0, 2.09.24
\n3. Anna Sof\u00eda Kristiansen, Bragdi\u00f0, 2.13.39<\/p>\n

H\u00f3ast Andrias Hansen \u00far Bragdinum hevur skr\u00fava\u00f0 n\u00f3gv ni\u00f0ur fyri\u00a0 ikki hevur vant ta\u00f0 st\u00f3ra s\u00ed\u00f0ani hann rann maraton \u00ed Valencia \u00ed oktober, mundi hann kortini vera avgj\u00f8rdur favorittur til dagsins kapping. Hann kom eisini at renna einsamallur \u00e1 odda st\u00f3rt s\u00e6\u00f0 allan vegin, og hann vann eisini ein tryggan sigur. Men talan gj\u00f8rdist t\u00f3 als ikki um nakran st\u00f3rsigur. Til ta\u00f0 var Cecil Weihe ov stinnur og st\u00fattur. Fjarst\u00f8\u00f0an, sum Andrias t\u00f3k fyrstu l\u00f8turnar, broyttist ikki st\u00f3rvegis og \u00e1 m\u00e1linum var munurin ikki meira enn 43 sekund.<\/p>\n

\"N\u00fdggj\u00e1r
\n<\/a>Andrias t\u00f3kist sera v\u00e6l h\u00fdrdur allan vegin. Og hv\u00ed skuldi hann ikki ta\u00f0? Ta\u00f0 er alt\u00ed\u00f0 stuttligt at vera best!<\/em><\/p>\n

Tr\u00edggir minuttir v\u00f3ru s\u00ed\u00f0an aftur til kamphanarnar, sum dysta\u00f0ust um tri\u00f0japl\u00e1ssi\u00f0. Her bleiv sera javnt millum Bragdarrennararnar Hjalmar Sj\u00f3var\u00e1 og Niels Poulsen. Hjalmar bleiv tann fyrri, bara 11 sekund frammanfyri Niels.<\/p>\n

\"N\u00fdggj\u00e1r<\/a>
\nIkki j\u00fast pinkulingar longur. Men framvegis n\u00f3g ungir at gerast nummar tvey og tr\u00fd \u00ed n\u00fdggj\u00e1rsh\u00e1lvmaraton. Cecil Weihe \u00ed gulum var\u00a0 tr\u00edggjar minuttir undan Hjalmari Sj\u00f3var\u00e1 \u00e1 m\u00e1linum<\/em><\/p>\n

Hei\u00f0ursmerkjab\u00fdti\u00f0 hj\u00e1 monnunum gj\u00f8rdist hetta:<\/p>\n

Menn (f. 1973 – 2001)
\n<\/strong>1. Andrias Hansen, Bragdi\u00f0 1.23.19
\n2. Regin Thomsen, Roysni\u00f0, 1.29.35
\n3. Anton H\u00f8jgaard, Roysni\u00f0, 1.30.24<\/p>\n

Menn veteranar (f. 1963 – 1972)
\n<\/strong>1. Cecil Weihe, Bragdi\u00f0, 1.24.02
\n2. Hjalmar Sj\u00f3var\u00e1, Bragdi\u00f0, 1.27.01
\n3. Niels Poulsen, Bragdi\u00f0, 1.27.12<\/p>\n

Menn superveteranar (f. – 1962)
\n<\/strong>1. Jens R. Weihe, Fr\u00e6lsi, 1.32.55
\n2. Borgar Biskopst\u00f8, Treysti, 1.42.05
\n3. K\u00e1ri Simonsen, Bragdi\u00f0, 1.43.42<\/p>\n

\u00d8ll \u00farslitini s\u00edggjast her<\/a> (finnast eisini \u00e1 roysnid.com)<\/p>\n

Sl\u00f3\u00f0 til myndir av Skechers H\u00e1lvmaraton 2018<\/a>, sum J\u00f3annes N. Poulsen t\u00f3k. (her n\u00f8kur d\u00f8mi)<\/p>\n

\"N\u00fdggj\u00e1r
\n<\/a>Kl\u00e6dnam\u00f3tan fyri 2018 v\u00edstu Lars Muller og Sebastian Pingel. Ikki so ofta vit hava f\u00f3tb\u00f3ltsleikarar vi\u00f0 \u00ed rennikapping. \u00cd dag h\u00f8vdu vit umframt Sebastian, eisini f\u00f3tb\u00f3ltsvenjararnar J\u00f3gvan Martin Olsen av Toftum og Paula Poulsen av Sk\u00e1la. Og so var Sigrun Kallsoy Kristiansen \u00far EB\/Streymi vi\u00f0. Men hana s\u00f3u vit j\u00fa eisini alla vetrarkappingina \u00ed fj\u00f8r.\u00a0<\/em><\/p>\n

\"N\u00fdggj\u00e1r
\n<\/a>Henny m\u00e1tti lata bronsumerki\u00f0 fr\u00e1 s\u00e6r, sum av misg\u00e1um var\u00f0 givi\u00f0 henni. \u00cdsta\u00f0in sleppur hendan raska kvinnan vi\u00f0 \u00ed hesa myndakavalkaduna.<\/em><\/p>\n

\"N\u00fdggj\u00e1r<\/a>
\nSj\u00f3ma\u00f0urin og advokaturin n\u00e6rum hond \u00ed hond. Sj\u00f3ma\u00f0urin Ey\u00f0un Simonsen rann t\u00f3 naka\u00f0 v\u00e6l undan advokatinum \u00d3la J\u00e1kupi Muller.<\/em><\/p>\n

\"N\u00fdggj\u00e1r
\n<\/a>Her kemur fyrrverandi b\u00f3ndin \u00e1 Kv\u00edggjarhamri \u00ed Saksun. N\u00fa hann ikki hevur sey\u00f0in at renna eftir, rennir Magnus Pauli Dahl-Olsen eftir vegnum. Her saman vi\u00f0 Top Run +40 vinnaranum Petru Weihe Mikkelsen<\/em><\/p>\n

<\/p>\n

Myndir<\/h3>\n