{"id":8109,"date":"2018-03-24T14:42:00","date_gmt":"2018-03-24T14:42:00","guid":{"rendered":"https:\/\/www.athletics.fo\/?p=8109"},"modified":"2026-10-29T10:57:45","modified_gmt":"2026-10-29T10:57:45","slug":"evropameistari-til-foroya","status":"publish","type":"post","link":"https:\/\/www.athletics.fo\/?p=8109","title":{"rendered":"Evropameistari til F\u00f8roya"},"content":{"rendered":"

Um p\u00e1skirnar f\u00e1a vit sera spennandi vitjan \u00far Sv\u00f8r\u00edki. Ta\u00f0 ver\u00f0a teir b\u00e1\u00f0ir Mattias Sunneborn og Jorma Jaaskelainen av Gotlandi, sum koma til F\u00f8roya at hava nakrar venjingar. F\u00cdF hevur leingi havt \u00ed umb\u00fana at bj\u00f3\u00f0a hesum dugnaligu venjarunum heim til F\u00f8roya, og n\u00fa er hetta so langt um leingi veruleiki.<\/p>\n

Mattias og Jorma hava n\u00f3gv \u00e1r \u00e1 baki \u00ed fr\u00e6lsum \u00edtr\u00f3tti. \u00c1 oyggjaleikunum \u00ed F\u00f8royum \u00ed 1989 v\u00f3ru teir b\u00e1\u00f0ir vi\u00f0. Her vann Jorma gull \u00ed tr\u00edst\u00f8kki, me\u00f0an Mattias, sum t\u00e1 bara var 18 \u00e1ra gamal, vann silvur \u00e1 400m, gull \u00ed 110m rimarenning og 400m rimarenning umframt gull \u00ed 4x100m og silvur \u00ed 4x400m. S\u00ed\u00f0ani t\u00e1 hevur Mattias luttiki\u00f0 \u00e1 \u00f8llum leikunum, og hevur tilsamans vunni\u00f0 tri\u00f0flest hei\u00f0ursmerki av \u00f8llum oyggjaleikaluttakarum.<\/p>\n

\"Sunneborn
\n<\/a>Mattias hoyrdi \u00ed fleiri \u00e1r til heimselituna \u00ed longdarlopi, og hevur eisini vunni\u00f0 Evropameistaraheiti\u00f0 innandura<\/em><\/p>\n

Mattias Sunneborn hevur eisini vunni\u00f0 flest hei\u00f0ursmerki til svensk meistaraheiti uttan- og innandura. Meti\u00f0 fekk hann so seint sum \u00ed fj\u00f8r. Hann kappast framvegis \u00e1 h\u00f8gum stigi. Til EM og HM fyri veteranar vinnur hann gull \u00ed n\u00f3gvum kappingum, og er sostatt kanska heimsins besti \u00ed\u00f0kari, sum er yvir 45 \u00e1r.<\/p>\n

1995\/96 var besta t\u00ed\u00f0arskei\u00f0i\u00f0 hj\u00e1 Sunneborn. \u00cd 1995 vann hann silvur til heimsmeistaraheiti\u00f0 innandura og \u00e1ri\u00f0 eftir gj\u00f8rdist hann evropameistari \u00ed longdarlopi innandura. \u00cd august 1996 var hann vi\u00f0 \u00e1 olympisku leikunum \u00ed Atalanta, har hann gj\u00f8rdist nummar 8 \u00ed finaluni. Mattias var aftur \u00e1 olympisku leikunum \u00ed Athen \u00ed 2000, men t\u00e1 leyp hann ikki v\u00e6l. Besta lopi\u00f0 hj\u00e1 Mattiasi nakrant\u00ed\u00f0 var 8,21 metrar og var hetta eisini nor\u00f0urlendskt met \u00ed n\u00f3gv \u00e1r, til ta\u00f0 var\u00f0 tiki\u00f0 fyri kortum.<\/p>\n

Jorma Jaaskelainen hevur eisini veri\u00f0 vi\u00f0 til allar oyggjaleikirnar. N\u00f3gv tey seinnu \u00e1rini t\u00f3 sum venjari og lei\u00f0ari. Hann hevur veri\u00f0 venjari og samskipari av Gotlenska oyl-h\u00f3pinum \u00ed n\u00f3gv \u00e1r. Dagliga arbei\u00f0ir hann sum \u00edtr\u00f3ttarl\u00e6rari \u00ed Visby og t\u00e1 hann f\u00e6r fr\u00ed, fer hann beint \u00fat \u00e1 Gutavallan, har oyggjaleikirnir v\u00f3ru \u00ed summar, og heldur fram vi\u00f0 venjing \u00ed fr\u00e6lsum \u00edtr\u00f3tti.<\/p>\n

\"Jorma\"
\n<\/a>Jorma sum vit kenna hann. \u00c1 Gutavallan, har hann er venjari, og frammanfyri sk\u00falan, har hann undirv\u00edsir \u00ed \u00edtr\u00f3tti.<\/em><\/p>\n

Vit fara at hava f\u00fdra venjingar saman vi\u00f0 Jorma og Mattias. Venjingarnar eru fyri \u00f8ll, sum hava \u00e1huga, og vit v\u00f3na sj\u00e1lvandi at flest m\u00f8guligt koma vi\u00f0. Eisini okkara venjarar, sum v\u00f3nandi kunnu finna eitt sindur av inspirati\u00f3n hesar dagarnar. T\u00ed venjingarnar ver\u00f0a skipa\u00f0ar solei\u00f0is, at eisini venjararnir skulu kunnu f\u00e1a sum mest burtur\u00far.<\/p>\n

Leygardagin 31. mars
\n<\/strong>Kl. 11.00 – 13.00 \u00e1 T\u00f3rsbreyt – spurtvenjing<\/p>\n

P\u00e1skadagur 1. apr\u00edl
\n<\/strong>Kl. 14.00 – 16.00 Barnavenjing, har dentur ver\u00f0ur lagdur \u00e1 sp\u00e6l.
\n\u00d8ll b\u00f8rn kunnu vera vi\u00f0 – eisini tey vaksnu b\u00f8rnini.
\nVit vera \u00ed Sk\u00falanum vi\u00f0 L\u00f8gmannabreyt<\/p>\n

2. p\u00e1skadagur 2. apr\u00edl<\/strong>
\nKl. 14.00 – 16.00 lopvenjing
\nVer\u00f0ur gott ve\u00f0ur, ver\u00f0ur venjingin \u00e1 T\u00f3rsbreyt. Vi\u00f0rar illa, ver\u00f0a vit \u00ed Sk\u00falanum vi\u00f0 L\u00f8gmannabreyt<\/p>\n

T\u00fdsdagur 3. apr\u00edl\u00a0<\/strong>
\nKl. 17.00 \u00e1 T\u00f3rsbreyt
\nPower-venjing fyri moti\u00f3nsrennarar<\/p>\n

T\u00fdskv\u00f8ld 3. apr\u00edl<\/strong>
\nSuicide Zero – fyrilestur \u00ed salinum hj\u00e1 Starvsmannafelagnum kl. 19.30<\/p>\n

Suicide Zero<\/strong>
\nEina viku \u00e1\u00f0renn Mattias Sunneborn byrja\u00f0i \u00ed studentask\u00fala, t\u00f3k p\u00e1pi hansara br\u00e1dliga l\u00edvi\u00f0 av s\u00e6r. Hetta var ein ovurst\u00f3rur skelkur fyri Mattias, og hevur sett dj\u00fap spor \u00ed l\u00edv hansara. \u00cd n\u00f3gv \u00e1r v\u00f3ru fleiri kv\u00f8ld, har hann gr\u00e6t seg \u00ed sv\u00f8vn. Men skommin um p\u00e1pan gj\u00f8rdi, at hann ikki vildi tosa um hetta.<\/p>\n

\u00cd dag er Mattias ambassad\u00f8rur fyri svenska felagsskapin Suicide Zero, sum arbei\u00f0ir fyri at avmarka sj\u00e1lvmor\u00f0tilbur\u00f0ir. \u00cd Sv\u00f8r\u00edki eru \u00ed mi\u00f0al f\u00fdra f\u00f3lk um dagin, sum taka l\u00edvi\u00f0 av s\u00e6r.<\/p>\n

\"Sunneborng
\n<\/a>Mattias er kanska kendasti umbo\u00f0sma\u00f0ur hj\u00e1 Suicide Zero felagsskapinum, og ger eitt ovurst\u00f3rt arbei\u00f0i fyri at avmarka sj\u00e1lvmor\u00f0stilbur\u00f0ir<\/em><\/p>\n

N\u00fa Mattias er her \u00ed F\u00f8royum, fer hann at hava ein fyrilestur um hetta vi\u00f0kv\u00e6ma evni. Hann fer at grei\u00f0a fr\u00e1, hvussu \u00edtr\u00f3ttur kann fyribyrgja sj\u00e1lvmor\u00f0i og hvussu \u00edtr\u00f3tturin hevur hj\u00e1lpt honum v\u00ed\u00f0ari \u00ed l\u00edvinum.<\/p>\n

Vit v\u00f3na sj\u00e1lvandi at n\u00f3gv f\u00f3lk koma til fyrilesturin, sum ver\u00f0ur \u00f3keypis.<\/p>\n