{"id":8278,"date":"2020-01-26T01:04:20","date_gmt":"2020-01-26T01:04:20","guid":{"rendered":"https:\/\/www.athletics.fo\/?p=8278"},"modified":"2026-10-29T17:35:52","modified_gmt":"2026-10-29T17:35:52","slug":"foroyskt-met-a-200-m-og-vann-vk4","status":"publish","type":"post","link":"https:\/\/www.athletics.fo\/?p=8278","title":{"rendered":"F\u00f8royskt met \u00e1 200 m og vann VK4 \u00ed S\u00f8rv\u00e1gi"},"content":{"rendered":"

Fyri seks d\u00f8gum s\u00ed\u00f0ani setti hon n\u00fdtt f\u00f8royskt innanduramet \u00e1 200 metrum. Turrsk\u00f8dd \u00ed snotuligu fr\u00e6lsah\u00f8llini \u00ed Reykjav\u00edk seinasta sunnudag t\u00f3k Maria Biskopst\u00f8 \u00far Treysti meti\u00f0 \u00ed 200 m innandura. (27,20 sek – gamla var 27,25 sek)<\/p>\n

\"\"<\/a>
\nSigurss\u00e6la l\u00f8tan, t\u00e1 Maria Biskopst\u00f8 rennur oyl-bronsuna heim fyri F\u00f8royar \u00e1 4x400m. Maria er kr\u00fatsterk b\u00e6\u00f0i \u00e1 breytini og \u00e1 landavegnum. (mynd: Jens Kristian Vang)<\/em><\/p>\n

\u00cd dag var ikki hugsingur um at vera turrsk\u00f8dd, men tankin um sigur er sj\u00e1ldan langt burturi, t\u00e1 Maria Biskopst\u00f8 ger seg til rei\u00f0ar at renna kapp. Maria var ikki vi\u00f0 \u00ed fyrsta umfari av Vetrarkappingini, men vann b\u00e6\u00f0i VK2 og VK3. Men kvinnukappingin er sterkt manna\u00f0 \u00ed \u00e1r vi\u00f0 Rigmor N. Arge, Maritu Andrasard\u00f3ttir og Sarah Vallin, so spenningur er undan hv\u00f8rjari kapping.<\/p>\n

\u00cd dag leg\u00f0i Maria seg \u00e1 odda st\u00f3rt s\u00e6\u00f0 beinanvegin, me\u00f0an Rigmor og Marita fylgdust. Men \u00e1 heimlei\u00f0ini fekk Marita veruliga fer\u00f0 \u00e1, og vann seg inn aftur \u00e1 Mariu, sum t\u00f3 hev\u00f0i n\u00f3g miki\u00f0 av fer\u00f0 og kreftum eftir til at sl\u00e1a sigurin fastan vi\u00f0 einum g\u00f3\u00f0um endaspurti. Rigmor kom tri\u00f0ja \u00e1 m\u00e1li\u00f0 vi\u00f0 Sarah stutt aftanfyri. Bert g\u00f3\u00f0ur h\u00e1lvur minuttur var fr\u00e1 Mariu til Sarah \u00e1 fj\u00f3r\u00f0apl\u00e1ssi, so ta\u00f0 er ey\u00f0s\u00e6\u00f0, at vit gle\u00f0a okkum til fleiri spennandi kappingar millum hesar f\u00fdra.<\/p>\n

\"\"<\/a>
\nMarita Andrasard\u00f3ttir og Rigmor N. Arge finna s\u00e6r l\u00edvd og lata John Egholm taka \u00fatsynningin. John gj\u00f8rdist nr. tvey av superveteranunum. Hesi tr\u00fd umbo\u00f0a \u00f8ll Hvirluna. (mynd: VP)<\/em><\/p>\n

Bestu kvinnurnar \u00ed dag:<\/strong>
\n1. Maria Biskopst\u00f8, Treysti 42.00
\n2. Marita Andrasard\u00f3ttir, Hvirlan 42.02
\n3. Rigmor N. Arge, Hvirlan 42.25
\n4. Sarah Vallin, Bragdi\u00f0 42.33
\n5. Ann-Mari av Skar\u00f0i, Bragdi\u00f0 46.05
\n6. Hallbj\u00f8rg Danielsen, Roysni\u00f0 47.32
\n7. Astrid Joensen, Roysni\u00f0 48.27
\n8. Kristin Baldvinsd\u00f3ttir, Bragdi\u00f0 51.21
\n9. Marita Hansen, Bragdi\u00f0 51.22
\n10. Heidi J\u00f3gvansd\u00f3ttir, Bragdi\u00f0 51.40<\/p>\n

Hj\u00e1 monnunum hevur Eirikur Hansen veri\u00f0 \u00ed serflokki \u00ed vetur og hevur vunni\u00f0 nakrar grei\u00f0ar sigrar. Sigurin \u00ed dag bleiv eisini grei\u00f0ur, men ta\u00f0 var ikki fyrr enn hann kom vestur til B\u00edggjar, at hann ordiliga tra\u00f0ka\u00f0i \u00e1 spitaran. Hann hev\u00f0i t\u00e1 havt Hanus \u00ed Horni Nielsen og R\u00f3gva K\u00e1rason upp\u00e1 sleip \u00ed m\u00f3tvindinum. Longu t\u00e1 vent var\u00f0 vi\u00f0 rulluportri\u00f0 tyktist sum Eirikur hev\u00f0i avgj\u00f8rt alt, og hann enda\u00f0i eisini fremstur g\u00f3\u00f0an minutt framman fyri n\u00e6sta rennaran.<\/p>\n

\"\"<\/a>
\nEingin skalar Eirik \u00ed vetur. Hann hevur fult stigatal eftir f\u00fdra umf\u00f8r \u00ed Vetrarkappingini. (mynd: VP)<\/em><\/p>\n

Ta\u00f0 var leingi spenningur um anna\u00f0pl\u00e1ssi\u00f0 hj\u00e1 monnunum. R\u00f3gvi royndi at sleppa undan Hanusi \u00ed m\u00f3tbrekkuni og m\u00f3tvindinum, men hetta eydna\u00f0ist ikki. Teir v\u00f3ru javnir t\u00e1 teir vendu og l\u00edka til ta\u00f0 resta\u00f0u sm\u00e1ir tr\u00edggir kilometrar. T\u00e1 t\u00f3k Hanus veruliga dik \u00e1 seg. Hann fann n\u00fdggjar kreftir og rann sera v\u00e6l seinasta strekki\u00f0, og t\u00ed var ta\u00f0 R\u00f3gvi, sum m\u00e1tti taka til takkar vi\u00f0 bronsuna.<\/p>\n

Bestu menninir \u00ed dag:
\n<\/strong>1. Eirikur Hansen, Bragdi\u00f0 35.16
\n2. Hanus \u00ed Horni Nielsen, Fr\u00e6lsi 36.27
\n3. R\u00f3gvi K\u00e1rason, Bragdi\u00f0 37.10
\n4. Hallur Holm, Bragdi\u00f0 38.13
\n5. Hjalmar Sj\u00f3var\u00e1, Bragdi\u00f0 39.39
\n6. D\u00e1njal Dahl Lj\u00f3sheim, Hvirlan 40.17
\n7. Lau Jensen, Roysni\u00f0 40.32
\n8. Heri Christophersen, Fr\u00e6lsi 41.19
\n9. Bjarki Johannesen 41.31
\n10. Uni Joensen, Fr\u00e6lsi 41.43<\/p>\n

\u00d8ll \u00farslitini eru her.<\/a><\/p>\n

Samla\u00f0a st\u00f8\u00f0an \u00ed BETRI Vetrarkappingin 2019-20 eftir VK4 er her.<\/a><\/p>\n

Myndir hj\u00e1 V\u00e1gaportalinum eru her<\/a><\/p>\n

Ta\u00f0 var gott at s\u00edggja teir n\u00f3gvu rennararnar \u00ed brandgulum kl\u00e6\u00f0um \u00ed dag, sum umbo\u00f0a\u00f0u lokala felagi\u00f0 Fr\u00e6lsi. Og \u00farlsitini sm\u00e6ddust heldur ikki. Tvey hei\u00f0ursmerki komu til h\u00f8ldar, og menninir \u00e1ttu rennarar nr. 2, 8, 10 12!<\/p>\n

Fr\u00e6lsi skuldi eisini fingi\u00f0 hei\u00f0ursmerki fyri g\u00f3\u00f0a heita suppu vi\u00f0 kj\u00f8tbollum og pastaskr\u00favum umframt kaffi og k\u00f8kur. Manga takk!<\/p>\n

\"\"<\/a>
\nHallbj\u00f8rg Danielsen bleiv nr. 3 hj\u00e1 veterankvinnunum. Kvinnurnar \u00far Roysninum str\u00ed\u00f0ast, og eru v\u00e6l vi\u00f0 \u00ed li\u00f0kappingini. (mynd: VP)<\/em><\/p>\n

\"\"<\/a>
\nJ\u00f3hanna Vang \u00far Bragdinum hevur tiki\u00f0 seg n\u00f3gv fram, og \u00ed dag vann hon hj\u00e1 superveteranunum. (mynd: VP)<\/em><\/p>\n

\"\"<\/a>
\nVeteranarnir Hjalmar Sj\u00f3var\u00e1, Bragdi\u00f0 og Lau Jensen, Roysni\u00f0, hava gj\u00f8rt ein sandwich vi\u00f0 unglinganum D\u00e1njali Dahl Lj\u00f3sheim \u00far Hvirluni \u00edmillum. Hjalmar vann silvur og Lau bronsu \u00ed veterankappingini, me\u00f0an ta\u00f0 bleiv gull til D\u00e1njal \u00ed unglingab\u00f3lkinum (mynd: VP)<\/em><\/p>\n

 <\/p>\n

<\/p>\n

Myndir<\/h3>\n