Á sumri 2027 verða oyggjaleikirnir aftur í Føroyum – størsta og mest spennandi ítróttatiltakið, vit hava havt her heima.
Leikirnir verða ein framsýning av okkara føroyska samfelagi, ítrótti og felagsskapi, og longu nú eru fyrireikingarnar fult í gongd.
Frælsur Ítróttur er ein av stóru ítróttagreinunum á leikunum, og fara vit at hýsa bæði føroyskum og útlendskum íðkarum á høgum stigi. Vit arbeiða longu við at leggja til rættis kappingarnar, tryggja góðar karmar og skapa eina uppliving, sum bæði íðkarar og áskoðarar fara at minnast.
Og fyri at fáa alt at ganga so væl sum gjørligt, hava vit tørv á nógvum eldhugaðum sjálvbodnum.
Vit fara at hava brúk fyri fólki til allar hugsandi uppgávur, og ØLL kunnu verða við!
Hevur tú hug at vera við og gera mun?
So kanst tú melda teg sum sjálvboðin á heimasíðuni hjá Betri Oyggjaleikum 2027.
