MBM Vetrarkappingin í renning 2025-2026 fór av bakkastokki í dag.
Komandi mánaðirnar verða 8 umfør runnin kring landið. Talan er um stigakapping fyri einstaklingar og lið.
Annað umfar av kappingini verður sunnudagin 9. november í Vági. Tá skipar Hvistan fyri.
Íalt 51 luttakarar – 21 kvinnur og 30 menn – luttóku í fyrsta umfarinum, sum varð runnið á Sandi. Kappingin varð fyriskipað í felag av Bragdinum og nýstovnaða felagnum Tindar, sum heldur til í Sandoynni.
Kappast varð sum vant í ymsum bólkum.
Í opna bólkinum hjá kvinnum vann Maria Chun Nielsdóttir við tíðini 39,10 min. frammanfyri Bjørk Herup Olsen (39,57 min.) og Ann Thomsen (40,36 min.) Tær umboða allar tríggjar Bragdið.
Í opna bólkinum hjá monnum vann Torbjørn Hentze, Bragdið, við tíðini 32,04 min., frammanfyri Boga Hjalt, Bragdið, við 32,39 min. og Mattias í Lambanum, Roysnið, við 33,02 min.
Úr rúgvuni av úrslitum er kanska áhugavert at nevna, at nýggja felagið, Tindar, hevði ein rennara við í dag – Ísak Kolden, sum gjørdist nummar 6 í opna bólkinum hjá monnum, og nummar trý hjá mansunglingum.
Øll úrslitini eru at finna á My Race Result her.
Úrslitini eru eisini at finna sum pdf her.
Myndir frá kappingini eru at síggja á Facebook-vanganum hjá Bragdinum her.
Úrslitini og myndir av vinnarunum ymsu bólkunum síggjast niðanfyri.
Kvinnur opin bólkur
Menn opin bólkur
Mansunglingar
Kvinnur veteranar
Menn veteranar
Kvinnur superveteranar
Menn superveteranar
Menn Ultraveteranar
