Undir kappingini Randers Indoor 2026 seinasta leygardag setti Oddvør Josephsen ikki minni enn tvey føroysk met í renning innandura.
Á 60 metrum betraði hon sítt egna føroyska met frá 7,86 sek., sum hon setti í Odense 16.02.24, niður á 7,83 sek.
Góðan hálvan annan tíma seinni betraði Oddvør føroyska metið á 200 m. Tað metið átti hon eisini sjálv. Tað var 26,10 sek, sum hon setti í Randers 10.02.24. Nýggja føroyska metið hjá Oddvør er 25,92 sek., og er hon sostatt fyrsta føroyska kvinna undir 26 sek. innandura.
Oddvør umboðar Aalborg AM niðri, men er annars úr Treysti.
Úrslitini frá kappingini eru at finna her.
https://meets.rosterathletics.com/public/competitions/details/schedule?id=27099
Hjartaliga tillukku við metunum, Oddvør.
