Leygardagarnar 22. oktober og 12. november, skipar FÍF fyri skeiði í frælsum ítróttum fyri tey, ið venja ella kundu hugsað sær at vant børn og ung í aldrinum 7-10 og 10-12 ár.
Skeiðið er fyri øll áhugað og er bæði verkligt og ástøðiligt.
Vit umrøða og arbeiða við grundleggjandi førleikum hjá okkum sum venjarum og hjá børnunum, sum vit taka ímóti.
Hvørji krøv seta vit til menning, og hvat vilja vit, at børnini skula duga og uppliva, tá ið tey íðka frælsar ítróttir ?
Hvussu skal innihaldið vera?
Hvør venjing er hóskandi?
Nevndu spurningar eru okkurt av tí, ið vit fara at arbeiða við, eins og vit royna okkum í venjaraleiklutinum.
Møtið fjølment, soleiðis at vit kunna menna og styrkja venjarahópin fyri okkara íðkarar.
Randi Kúrberg
P.S. Venjaraskeiðið er leygardagar, soleiðis at suðuroyingar kunnu koma norður seint fríggjakvøld og sleppa suður aftur seinnapart leygardag. FíF hjálpir við innivist.
Melda til á athletics@athletics.fo áðrenn 12 oktober.
