Úrval
Málrættað menning – betri úrslit
Úrvalsarbeiðið hevur til endamáls at skapa bestu karmarnar fyri føroyskar íðkarar í frælsum ítrótti, sum arbeiða miðvíst fram ímóti altjóða kappingarstøði. Gjøgnum skipaða menning, stuðul og gott samstarv millum íðkarar, venjarar og feløg, arbeiðir FÍF fyri at menna føroyskan frælsan ítrótt á hægsta støði.
Her finnur tú alla kunning um okkara úrvalsætlan, upptøkutreytir, stuðulsskipanir, samlingar og umsókn um upptøku í úrvalsskipanina.
Um Úrval
Ein skipan við greiðum treytum
Úrvalsskipanin hjá Frælsum Ítrótti Føroya er ætlað íðkarum, sum hava viljan og fortreytirnar at menna seg til altjóða kappingarstøði.
Skipanin byggir á greiðar og gjøgnumskygdar treytir, har bæði ítróttarligt støði, arbeiðsorka, hugburður og samstarv telja við í einari heildarmeting. Endamálið er ikki bara at skapa góð úrslit í dag, men eisini at menna eitt sterkt og burðardygt úrvalsumhvørvi, har íðkarar fáa bestu møguleikar at mennast yvir tíð.
Gjøgnum úrvalsskipanina arbeiðir FÍF fyri at:
- menna føroyskar íðkarar til altjóða kappingarstøði
- skapa greiðar karmar og væntanir
- stuðla føroyskum íðkarum í Føroyum og uttanlands
- styrkja samstarvið millum FÍF, feløg, venjarar og íðkarar
- leggja lunnar undir framtíðar úrslit fyri føroyskan frælsan ítrótt
Úrvalsætlan
Grundarlagið undir øllum úrvalsarbeiðinum
Skipanin fevnir um tríggjar bólkar av íðkarum og verður fíggjað við játtan frá Úrval/ÍSF og avsetingum hjá Frælsum Ítrótti Føroya. Umfangið av skipanini er treytað av teimum fíggjarligu karmunum, sum til eina hvørja tíð eru tøkir. Við at arbeiða eftir somu meginreglum verður tryggjað, at allir íðkarar verða mettir eftir somu fortreytum.
Visión
FÍF skal skapa eitt skipað og mennandi úrvalsumhvørvi, har føroyskir íðkarar í frælsum ítrótti fáa bestu møguleikar at mennast og kappast á altjóða støði.
Endamál
- menna føroyskar íðkarar til altjóða kappingarstøði
- skapa greiðar karmar og væntanir fyri úrvalsíðkarar
- stuðla íðkarum bæði í Føroyum og uttanlands
- tryggja eina skipaða og rættvísa skipan fyri stuðli og menning
- styrkja samstarvið millum FÍF, lokalfeløg, venjarar og íðkarar
Íðkaramenning
- Fleiri føroyskir íðkarar skulu røkka altjóða støði
- Fleiri íðkarar skulu kvalifisera seg til altjóða kappingar
- Fleiri ung skulu halda fram í skipaðari venjing eftir ungdómsárini
Upptøkutreytir
Hvør er úrvalsíðkari?
Úttøka til úrval byggir á eina heildarmeting av:
- World Athletics stigum seinastu 2 árini
- venjingaraktiviteti
- hugburði og arbeiðstreysti
- samstarvi og samskifti
- virðing fyri felags ætlanum
Stigaskipan
Støði verður tikið í stigaskipanini hjá World Athletics.
| Bólkur | WA stig | Stuðul |
|---|---|---|
| Úrval A | 1000+ | ÍSF úrval / FÍF |
| Úrval B | 930 – 999 | Áramálsett pulja hjá FÍF |
| Menning | 880 – 929 | Áramálsett pulja hjá FÍF |
Flyting millum bólkar
- Endalig meting verður gjørd eina ferð árliga
- Vanliga aftaná uttandurasesongina
- FÍF kann tó gera serligar tillagingar eftir tørvi
Samlað meting
Upptøka í úrvalsskipanina byggir á eina samlaða meting. World Athletics-stig eru eitt týðandi grundarlag, men upptøka verður eisini mett út frá venjingarvirksemi, arbeiðsorku, hugburði, samstarvi og menningarmøguleikum. Endalig avgerð verður altíð tikin eftir einari heildarmeting.
Roknari
Rokna tíni WA stig
Ein einfaldur roknari er at finna her — rokna tíni stig niðanfyri og síggj, hvar tú stendur í mun til bólkarnar í stigaskipanini.
Stuðul
Stuðul til úrvalsíðkarar
Gjøgnum úrvalsskipanina kunnu íðkarar fáa stuðul til m.a.:
- ferðir og ferðastuðul
- kappingargjøld
- venjingarlegur og samlingar
- testir og heilsufakligan stuðul
- altjóða venjarasamstarv
- stuðul til altjóða lokalfeløg
Soleiðis verður stuðul latin
Stuðul verður latin eftir einari heildarmeting og teimum fíggjarligu kørmum, sum eru tøkir. Upptøka í úrvalsskipanina gevur tí ikki sjálvvirkandi rætt til fíggjarligan stuðul. Endalig avgerð verður tikin sambært galdandi stuðulsreglum.
FÍF arbeiðir fyri
- greiðari býti av stuðli
- langtíðarætlanum hjá hvørjum íðkara
- betri samstarvi við útlendsk feløg og venjarar
Kappingarstuðul
FÍF veitir stuðul sambært galdandi treytum til hesar kappingar:
- DM/DMU inni
- DM/DMU úti
- Pallas Spelen (Växjö fyri kastarar)
- VU-Spelen
Umframt hesar kappingar kann ein íðkari søkja um stuðul frá FÍF til í mesta lagi tríggjar aðrar kappingar árliga.
Treyt fyri stuðli til hesar kappingar er, at talan er um kapping, har úrslitið kann geva World Athletics-stig.
Stuðul verður latin eftir umsókn og meting og innan teir fíggjarligu karmar, sum FÍF hevur ásett.
Árshjól
Úrvalsárið í fimm tíðarskeiðum
Árshjólið gevur eitt yvirlit yvir høvuðsvirksemið í úrvalsarbeiðinum gjøgnum árið. Virksemið kann tillagast eftir kappingarskrá, altjóða kappingum og øðrum viðurskiftum.
Jan – Mars
- innandurakappingar
- vetrarsamling
- áseting av stuðli og málum
- uppfylging av menningarætlanum
Apríl – Juni
- uttandurasesong byrjar
- fyrireiking til altjóða kappingar
- landsliðsvirksemi
- samstarv við feløg
Juli – Aug
- FM og aðrar kappingar
- fleiri stórar kappingar heima og altjóða
Sep – Okt
- eftirmeting av kappingarári
- endurskoðan av bólkabýti
- samrøður við íðkarar og venjarar
Nov – Des
- vetrarvenjing
- menningararbeiði
- komandi ár verður lagt til rættis
- frágreiðing til ÍSF
Samlingar og venjingarlegur
Felags menning
Ein týdningarmikil partur av úrvalsarbeiðinum eru felags samlingar og venjingarlegur.
Endamálið
- menna íðkarar
- styrkja felagsskapin
- deila vitan
- skapa samstarv millum venjarar og íðkarar
Á hvørjum ári
- vetrarsamling
- summarsamling
- venjingarlegur eftir tørvi
- menningartiltøk
FÍF arbeiðir fyri
- tveimum árligum samlingum í Føroyum
- regluligum felags virksemi
- venjingarlegu annaðhvørt ár ella eftir tørvi
Her verða eisini komandi tiltøk lýst.
Úrvalsíðkarar
Íðkararnir í skipanini
Her verða úrvalsíðkararnir í hvørjum bólki kunngjørdir, tá ið upptøkan er avgreidd.
Skipanin
Samskipan, samstarv og ábyrgd
Úrvalssamskipan
Úrvalsarbeiðið verður samskipað av úrvalssamskiparanum hjá Frælsum Ítrótti Føroya. Arbeiðsuppgávur og ábyrgd eru lýstar í arbeiðslýsingini fyri úrvalssamskiparan.
Samstarv og ábyrgd
- gott samstarv við lokalfeløg
- virðing millum íðkarar, venjarar og FÍF
- greiðar væntanir og ábyrgdarbýti
- realisma í mun til arbeiðsorku og fíggjarligar karmar
Endurskoðan
Úrvalsætlanin verður endurskoðað regluliga og kann tillagast eftir tørvi. Endaliga ábyrgdin fyri úrvalsarbeiðinum liggur hjá starvsnevndini í Frælsum Ítrótti Føroya.
Umsókn
Søk um upptøku í úrvalsskipanini
Fyri at gerast partur av úrvalsskipanini hjá FÍF, er neyðugt, at hvør einstakur íðkari søkir um upptøku.
Umsóknin verður mett út frá:
Hevur tú onkran spurning um FÍF Úrval?
