Leygardagin 13. mai verður ársins fyrsta Raska Stórkapping á breyt.
Kappingin er skipað í trimum umførum. Tvey á Tórsbreyt og sum nakað nýtt, verður eitt umfar í ár skipað á Guttabreyt í Klaksvík.
Til hvørja kapping, er møgulleiki at luttaka í sprint, miðteini, lop og kast.
Eftir 3. stórkapping, verður endað við einum hugnaligum afterparty, har heiðursmerki verða handað og okkurt gott verður til góman.
Tað er FíF sum skipar kappingarnar saman við lokalfeløgunum.
Kappast verður hesar dagar, við vertsfelagi í klombrum:
Leygardagin 13. mai (Bragdið)
Leygardagin 27. mai (Treysti/Roysni)
Leygardagin 17. juni (Hvirlan)
Roknast skal tó við, at felagið við høvuðsábyrgdini, kann hava tørv á hjálp frá hinum feløgunum.
Greinarnar, ið kappast verður í leygardagin 13. maj eru :
– 60m (8-9 ár)
– 100m (10 ár-vaksin)
– 600m (8-13 ár)
– 1000m (14 ár-vaksin)
– bóltkast (børn og 8-11 ár)
– diskus (12 ár – 17 ár)
– sleggja (18 ár – vaksin)
– longdarlop (8-11 ár og 16 ár-vaksin)
– hæddarlop (12-15 ár)
Meldast skal til her, seinast týskvøldið 9. mai á midnátt.
