Í vikuskiftinum hevur Hallur Holm gjørt eitt megnar avrik í Sæby, tá ið hann luttók í 24-tíma ultrarennikappingini, ’24 timer ved havet’.
Hetta er eitt meistaraheiti, fyriskipað undir Dansk Atletik Forbund, DAF.
Renningin byrjaði kl. 12.00, leygardagin 3. juni og yvir fylgjandi 24 tímarnar, rann Hallur 223,565 km.
Hallur bleiv samlað nr 3 av 30 monnum og í aldursbólkinum 55-59 ár vóru 4 menn, har Hallur rann drúgvasta teinin.
Tað manglaður bert 66m í, at Hallur setti nýtt danskt met fyri árgang 55+.
Eisini er hetta nýtt føroykst met í 24-tíma-renning, við heili 37 km.
Pól Sundskarð átti gamla metið.
Hallur sigur, at hetta helst var ein tann sterkasta kappingin av sínum slagi nakrantíð í Danmark, við 5 landsliðsrennarum, umframt einum backyardrennara við +400 km.
So feltið var krútsterkt.
Fyri at fáa eitt sindur av føling við, hvussu stórt avrikið er, er kravið, at sleppa á danska 24-tíma ultralandsliðið, at klára at renna minst 220 km, uppá 24 tímar.
Heimsmeistaraskapið verður í Taiwan í desember í ár og er Hallur tískil spentur, um hann fær landsliðsboð til ta uppgávuna.
Renningin hjá Halli sæst her.
Hjartaliga tillukku við avrikinum, Hallur.
Myndirnar eigur Jákup Jacobsen.
