Fyrsta Raska Stórkapping

Leygardagin 18. mai verður ársins fyrsta Raska Stórkapping á breyt.

Kappingin er skipað í trimum umførum. Tvey á Tórsbreyt og eitt umfar á Guttabreyt í Klaksvík.
Til hvørja kapping, er møgulleiki at luttaka í sprint, miðteini, lop og kast.
Eftir 3. stórkapping, verða heiðursmerki handað.

Samlaða einstaklingakappingin verður avgjørd eftir, hvør íðkari hevur flest stig eftir øll trý umførini. Tvs. øll trý umførini telja við. Fyri at fáa heiðursmerki, skal íðkarin hava luttikið í minst tveimum Raska Stórkappingum.

Heiðursmerkir verða latin til trý tey fremstu samanlagt í hvørjum aldursbólki í hvørji høvuðsgrein. Harumframt verður steyp latið gentu og dreingi, íð hevur savnað flest stig tilsamans í einum aldursbólki í bólkunum 8-9 ár, 10-11 ár, 12-13 ár og 14-15 ár, og tá telja allar kappingarnar við.

Tað er FíF sum skipar kappingarnar saman við lokalfeløgunum.
Kappast verður hesar dagar, við vertsfelagi í klombrum:

Leygardagin 18. mai (Bragdið)
Leygardagin 1. juni (Treysti/Roysni)
Leygardagin 22. juni (Hvirlan)

Roknast skal tó við, at felagið við høvuðsábyrgdini, kann hava tørv á hjálp frá hinum feløgunum.

Greinarnar, ið kappast verður í leygardagin 18. maj eru :

-7 ár: bóltkast
8-9 ár: 60 m, 600 m, bóltkast, longdarlop
10-11 ár: 100 m, 600 m, bóltkast, longdarlop
12-13 ár: 100 m, 600 m, diskuskast, hæddarlop
14-15 ár: 100 m, 1000 m, diskuskast, hæddarlop
16-17 ár: 100 m, 1000 m, hamarkast, longdarlop
18-19 ár: 100 m, 1000 m, hamarkast, longdarlop
vaksin: 100 m, 1000 m, hamarkast, longdarlop 

Meldast skal til her : https://meets.rosterathletics.com/public/competitions/details/registration?id=24835, seinast týskvøldið 14. mai á midnátt.

HER ber til at hyggja eftir hvussu kappingargreinarnar og kappingarreglurnar eru.