Siðbundna Skechers Performance Nýggjárshálvmaraton 2025 verður runnið leygardagin 4. januar 2025.
Tað eru Roysnið og Skósølan við Gøtugjógv, sum skipa fyri hesi kappingini, sum vanliga er fyrsta rennikappingin í nýggja árinum.
Í 2025 verður runnið sama veg sum í 2023 og 2024, t.v.s. frá brandstøðini á Skála kring Skálafjørðin og út á Toftir.
Byrjað verður við brandstøðina á Skála, norðast í bygdini, kl. 11. Málið er niðanfyri ráðhúsið á Toftum.
Tey, ið eru yvir 16 ár (fødd í 2008 ella fyrr), eru vælkomin at luttaka. Kappast verður í hesum bólkum:
-Menn & Kvinnur (1980-2008)
-Menn & kvinnur veteranar (1970-1979)
-Menn & kvinnur superveteranar (-1969)
Tilmelding fer fram á heimasíðuni hjá Frælsum Ítrótti Føroya, www.fif.fo, ella við startin undan kappingini. Startnumrini verða heintaði á brandstøðini á Skála.
Til ber at skifta á brandstøðini á Skála undan startinum, og skift verður í skúlanum á Toftum, tá komið er á mál. Har verður eisini drekkamunnur og heiðursmerkjahandan.
Veðrið hava vit onga ávirkan á, og tí kunnu broytingar koma í skránna vegna veður/hálku.
Aftur fimm hálv í 2025
Í 2024 royndu vit á fyrsta sinni at lata heiðursmerki til teirra, ið vóru komin á mál í øllum teimum 5 hálvmarathon ella marathon kappingunum, sum vórðu fyriskipaðar í Føroyum í 2024.
Kappingarnar vóru
-Nýggjárshálvmarathon á Skálafjørðinum
-FM Hálvmarathon í Klaksvík
-Tórshavn Marathon og hálvmarathon
-Føroya Sunnasta hálvmarathon
-Føroya Vakrasta hálvmarathon
Eini hálvthundrað rennarar megnaðu hetta bragdið í 2024. Sí myndina ovast.
Um tú hevur hug at royna at røkka hesum málinum í 2025, er eitt at gera, tað er at melda teg til first kappingina, sum verður longu 4. januar 2015.
