Fyri knøppum tveimum vikum síðani luttóku heili 78 rennarar í fyrstu RASKA vetrarkappingini Runt Agnið.
Rutt Gregersen úr Treystinum og Rógvi Kárason úr Bragdinum vunnu hjá ávikavist kvinnum og monnum.
Øll úrslitini frá VK1 Runt Agnið eru at finna her.
Nú leygardagin 16. November kl. 10 verður næsta umfar av RASKA vetrarkappingini runnið í Havnardali. Hvirlan skipar fyri.
Sjálv kappingin byrjar við Spíran í Havnadali kl.10.00. Til ber at heinta startnummur frá kl. 9.
Tiltakið er fyri øll – familjur við børnum, eldri og yngri, rennarar og gongufólk.
Eingi heiðursmerki verða latin til kappingina, men okkurt gott til góman verður at fáa, og myndir verða tiknar av vinnarunum.
Til ber at tekna seg til kappingina á tilmeldingarsíðuni.
