Leygardagin 22. februar kl. 11.00 skipar Treysti fyri 6. umfari í RASKA Vetrarkappingini, sum í ár verður fyriskipað í Klaksvík.
Kappast verður í ymiskum bólkum og byrja allir bólkar samstundis kl. 11.00.
– Kvinnur / Menn opin bólkur (f. -2008) – umleið 8 km
– Kvinnur / Menn Veteranar (f. 1970-1979) – umleið 8 km
– Kvinnur / Menn Superveteranar (f. 1960-1969 ella fyrr) – umleið 8 km
– Kvinnur / Menn Ultraveteranar (f. 1959 ella fyrr) – umleið 8 km
– Kvinnuunglingar / Mansunglingar (f. 2004-2008) – umleið 8 km
– Gentur / Dreingir (f. 2009-2013) – umleið 3,3 km
Í ár renna vit frá Guttabreyt út í Oyrar, rutan er á leið 8 km
Orsakað av byggivirksemi hjá Tekniska Skúla verður rutan eitt sindur annarleiðis enn seinasta ár. Kunna verður nærri um rutanina fyrst í komandi viku.
Í sambandi við renningina verða heiðursmerkir latin til nummar eitt, tvey og trý í øllum bólkunum. Sum vanligt er, so fer tilmelding fram á tilmeldingarsíðuni hjá FÍF.
Freistin er fríggjakvøldið 21. februar kl. 24.00. Luttøkugjaldið er sum tað plagar, tvs. kr. 50 fyri vaksin og kr. 30 fyri børn. Eisini kann meldast til á staðnum hálvan tíma áðrenn start.
Luttakararnir verða bidnir um at møta á Guttabreyt frá kl. 10.00.
Startnummarið skal vera avheintað í seinasta lagi kl. 10.45. Í Badmintonhøllini er møguleiki fyri skifting og brúsubað. Eftir renningina verður ábit og heiðursmerkjahandan í hølunum hjá Treysti við Guttabreyt.
Treysti vónar at nógvir luttakarar verða við.
