Hetta vikuskiftið hava innandura danmarksmeistaraheitini í frælsum ítrótti verið í Thorvald Ellegaards Arena í Odense og hava fleiri av okkara ungu íðkarum verið við.
Av teimum kláraði Tórur Mortensen seg framúr – hann fekk silvur heiðursmerki í longdarlopi, har hann leyp 7,54m, bert 2 cm aftanfyri vinnaran og danska meistaran, Andreas Trajkovski.
Hetta er eisini føroykst innanduramet. Tórur átti sjálvur gamla metið á 7,48m, sum hann setti í januar í ár.
Vit ynskja Tóri hjartaliga tillukku.
