469
Næstseinasta vikuskiftið í mai vóru tær báðar, Maria Biskopstø og Oddvør Josephsen í Brússel, Belgia og kappaðust.
Oddvør í 200m og Maria í 400m rimarenning.
Hetta var kappingin WACT Bronze EA, ið varð hildin á King Baudouin Stadion i Brússel, stórsta stadion í Belgia og hýsir hetta stadion einum umfari av Diamond Leage, Memorial Van Damme.
Tað hilnaðist so mikið væl hjá teimum báðum, at báðar settu førsoysk met.
Oddvør á 200 metrum, ið hon rann uppá 25.53 sek. Gamla metið átti Margit Weihe Fríðmundsdóttir, ið var 25,68 sek.
Og Maria á 400 rimarenning. Hon rann teinin uppá 1.02.64 min. Gamla metið átti hon sjálv og var tað 1.02,74 min.
Vit ynksja Oddvør og Mariu hjartaliga tillukku við flottu úrslitunum og føroysku metunum.
