Vikuskiftið 12.–14. september verður FM í frælsum ítrótti á breyt á Tórsbreyt.
FM í ár verður nú aftur skipað sum eitt felags FM fyri ung og seniorar.
Kappingin verður løgd soleiðis til rættis, at tað verður kappast um:
-
Ungdómsmeistaraheitið í aldursbólkum upp til og við 17 ár
-
Seniormeistaraheitið frá 18 árum og upp
Undantøk gera seg galdandi í nøkrum greinum:
-
110m rimarenning: her kappast U20 í aldursbólki, tí rimahæddin ikki er full
-
Klingra hjá monnum: her kappast U20 í aldursbólki, fyri at kappast í aldurssvarandi vekt
-
Hamarkast hjá monnum: her kappast U20 í aldursbólki, fyri at kappast í aldurssvarandi vekt
Um ein yngri íðkari ynskir at kappast um seniormeistaraheitið, er tað møguligt. Í teknisku greinunum verður tó kappast við amboðum í fullari vekt, og í rimarenningini við fullari hædd. Ein skal fylla minst 15 ár í kalendaraárinum, fyri at kunna luttaka í kappingini um seniormeistaraheitið.
Vit byrja á Tórsbreyt fríggjadagin 12. september kl. 17.00, halda fram leygardagin 13. september kl. 10.00 og sunnudagin 14. september kl. 13.00.
👉 Tilmelding fer fram her.
Freistin at melda til er týskvøldið 9. september kl. 23.59.
⚠️ Vit vilja staðiliga viðmæla øllum íðkarum, bert at melda seg til tær greinar, tey veruliga ætla at luttaka í. Hetta ger kappingina greiðari og betri.
Fyribils_tíðarætlan sæst her. Gevið gætur, at broytingar kunnu verða gjørdar og mest sannlíkt, verða aldursbólkar lagdir saman. Tíðarætlanin í Roster verður til eina og hvørja tíð galdandi.
Øll úrslitini verða løgd í skipanina Roster, sum kann takast niður sum app.
