Maria og Rógvi vunnu í Vági

Maria Chun Nielsdóttir endurtók bragdið og vann eisini annað umfar av MBM Vetrarkappingini. Hjá monnum var Rógvi Kárason á klettunum aftur, og hann vann opna bólkin hjá monnum.

37 rennarar høvdu leitað sær suður til Vágs til kappingina, sum varð runnin sunnudagin 9. november.

Byrjað varð við Vágs skúla, og síðani helt leiðin til Porkeris og aftur – íalt einar 8,2 km.

MBM Vetrarkappingin telur, sum vant, 8 umfør, og eitt umfar verður runnið aftrat í hesum árinum. Tað er siðbundni teinurin Runt Agnið, sum byrjar og endar á Toftum. VK3 verður á Toftum leygardagin 22. november kl. 11.

Sí øll úrslitini frá MBM VK2 í Vági her.

Samlaða støðan í MBM Vetrarkappingini eftir tvey umfør er at finna á hesi sera greiðu og snotuliga síðu, sum Ólavur Ellefsen hevur gjørt til endamálið.

Myndir frá kappingini eru at síggja á Facebook-vanganum hjá Bragdinum her.

Úrslitini og myndir av vinnarunum í ymsu bólkunum síggjast niðanfyri.