Maria rann 800 m í kappingini Nordenkampan í Karlstad í Svøríki í gjár. Har megnaði hon at seta enn eitt Føroyskt met innandura. Nordenkampen er landsdystur milum norðurlond.
Maria rann í einum sera sterkum felti, har ferðin var høg frá byrjan. Maria legði varliga út og rann sína egnu renning har hon ikki lat seg ríva við høgu ferðini, sum varð løgd frá byrjan. Við eini væl disponeraðari renning kom hon á mál við tíðini 2.12,61.
Maria hevur longu fleiri ferðir í ár betrað sítt persónliga met á 800 m, og hesa ferð rakk tað til nýtt Føroyskt innandura met. Gamla metið átti Rebekka Fuglø, tað var 2.12,95, sum hon rann í Skive 18.02.17
Andreas Bjarnastein Antoft luttók í 60 m rimarenning, og setti hann ársbestu tíð við 8,55 sek.
Sí øll úrslitini frá Nordenkampen her.
Tekstur/mynd: treysti.fo/Rutt Hjelm Gregersen
#raskambm
