Flest øllum kunnugt verður Tórsbreyt høvuðsumvæld í løtuni. Stórkapping 1 og 2 eru tí í Klaksvík, meðan Stórkapping 3 eftir ætlan er í Havn í august mánað, tá Tórsbreyt er liðug.
Hetta hevur við sær, at býtast má um uppá kastini í Stórkapping 2 og 3. Eftir ætlan skuldu diskur og sleggja vera í Stórkapping 2 og spjót í Stórkapping 3.
Ístaðin verður nú spjótkast í Stórkapping 2 á Guttabreyt 20. juni. Kastað verður við spjótum við gummitøppum á endanum. Diskur og sleggja eru flutt til Stórkapping 3 á Tórsbreyt 15. august.
Broytingar eru gjørdar í Roster og í kappingarreglunum á heimasíðuni samsvarandi hesum.
