Mikukvøldið 18. juli verður annað umfar av Grand Prix fyri børn og ung á Svangaskarði. Hesaferð kappast tey yngstu á 100 m og tey elstu á 200 m á spurt-teininum. Tey yngstu kappast á 800 m, tey eldru á 1000 m og tey eldstu á 1500 m í miðteinarenningini. Aftur hesaferð verður kappast í kúlustoyt í øllum aldursbólkum.
Byrjað verður kl. 19.30 við spurt teina renning og kúlustoyt. Miðteina renning byrjar, tá spurteina renningin er liðug. Seinasta kapping er liðug umleið kl. 20.45.
Tilmeldingin er á heimasíðuni www.athletics.fo, og annars á staðnum minst ½ tíma undan kappingini.
Hesar ásetingar eru fyri kappingina:
– Tilmelding fer fram umvegis heimasíðuna www.athletics.fo ella í seinasta lagi hálvan tíma áðrenn kappingin byrjar.
– Um nógvir luttakarar eru á miðteininum, verða bólkarnir býttir sundur.
– Um fáir luttakarar eru, so kappast tveir bólkar saman, tó einans sama kyn.
– Spurtir verða runnir eina ferð. Tvs. ongin semifinala ella finala.
– Stig verða givin fyri tíð ella longd, og ikki eftir plasering.
– Í kúlu fáa luttakararnir 3 royndir hvør.
– Allar kappingar byrja stundisliga, og skulu tey íðkandi tí verða á startinum minst
10 min áðrenn greinin byrjar.
– Fyri at fáa stig í Grand Prix kappingini fyri børn og ung, skal ein verða limur í felag undir FÍF.
– Kappingin verður umsitin av kappingarnevndini hjá FÍF (Frælsur Ítróttur Føroya).
– Øll børn og ung í aldrinum 10-17 ár (1990-1997) eru vælkomin at luttaka.
– Grand Prix kappingin fyri børn og ung er grundarlag fyri úttøku til talentbólk undir FÍF.
