Um vikuskiftið verður skipað fyri dómaraskeiði í ÍSF-húsinum í Havn. Tað verða instruktørar frá DAF, sum koma at standa fyri skeiðinum. Tað verða 14 luttakarar og harvið 14 nýggir føroyingar, sum ætla at ogna sær dómaraprógvið í frælsum ítrótti.
Hvirlan, Treysti og Bragdið møta øll við 4 umboðum, meðan kappingarnevndin hevur tvey umboð.
Byrjað verður fríggjadagin kl. 15.00 og hildið á til kl. 22.00 á kvøldið. Leygarmorgunin byrja vit aftur kl. 9.00 og gevast kl. 17.00.
Skeiðsluttakararnir verða bidnir um eisini at hava heit klæðir við, tí ein partur av frálæruni verður á Tórsbreyt. Matur og drekkamuður verður latið av fyrireikarunum.
Vit fara at hava eina frásøgn um dómaraskeiðið í næstu viku.
