Tað var av fagrasta veðri leygardagin 3. desember, tá annað umfar av Vetrarkappingini skuldi renast í Havn. Tíverri bar tó ikki til at renna kapp hendan dagin vegna nógva kavan/ísin/kræpan/ – ja har var eitt sindur av hvørjum. Kappingarnevndin hevur flutt kappingina til 14. januar kl. 12.00.
GEVIÐ GÆTUR, at nýggj tilmelding er løgd út, og skulu øll tí melda til av nýggjum. Seinastu mongu kappingarnar hava verið leygarmorgnar kl. 11.00, men fyri at suðuroyingar eisini kunnu renna við uttan at liggja nátt í Havn, verður kappingin leygardagin kl. 12.00. Annars er alt óbroytt.
