Hetta vikuskiftið skipar ÍSF aftur fyri venjaraskeiðinum “Venjari 1”. Skeiði er fyri venjarar, hjálparfólk og leiðarar hjá børnum og ungum, øllum sum hava áhuga í og ábyrgd av børnum og ungum, sum luttaka í ítrótti.
Á skeiðinum lærir tú um fysiska, psykiska og samfelagsliga menning hjá børnum. Tú lærir námsfrøði og fært ítøkilig hugskot til spøl og venjing. Tú fært grundleggjandi vitan um venjing og fysiologi og góða vitan um fyribyrging av skaðum og eisini um uppvenjing av skaðum.
Skeiðið kostar 650 kr., og skal gjaldast við tilmelding á heimasíðuni hjá ÍSF. Tey, sum eru í útbúgvingarskipanini hjá FÍF fáa peningin endurgoldnan frá FÍF. “Venjari 1” er supplerandi partur til svensku venjaraútbúgvingina hjá FÍF, og skal hetta skeiðið takast fyri at fáa endaliga venjaraprógvið.
Annars skipar ÍSF eisini fyri “Venjari 2” , sum umfatar trý vikuskifti og byrjar í mars. FÍF fer eisini saman við Randi Kúrberg og Hera Ziska at skipa fyri venjarskeiðinum “Børn 10-12 ár” Meira um hetta heilt skjótt.
Lesið her um “Venjari 1” á heimasíðu ÍSF’s: http://www.isf.fo/?p=2669
