FM fyri vaksin verður næsta vikuskifti

Leygar- og sunnudagin 22. og 23. august verður FM fyri vaksin hildið á Tórsbreyt. Kappast verður í øllum greinum uttan í stangarlopi og 10.000 m.

FM er í ár opin kapping, og FÍF vónar, at síggja øll “tey vanligu” umframt nógv nýggj andlit, sum hava hug at royna síni evni. Einast treyt fyri luttøku er at man er føddur í 2005 ella fyrr.

Kappingargreinar leygardagin:

• 100 m
• 400 m
• 800 m
• 5.000 m
• 400 m rimarenning
• longdarlop
• klingrukast
• sleggjuvarp
• 4×100 m boðrenning

Kappingargreinar sunnudagin:

• 200 m
• 1.500 m
• 100/110 m rimarenning
• 3.000 m forðarenning
• hæddarlop
• trístøkk
• spjótkast
• kúluvarp
• 4×400 m boðrenning

Báðar dagarnar verður kappast frá klokkan 13.00 til umleið 16.30.

Tilmeldingarsíðan er beint her. Freistin at melda til er í týskvøldið  18. august á miðnátt.