Á ársaðalfundinum hjá FÍF, sum bleiv hildin í ÍSF-húsinum í gjárkvøldið, var semja um at nýta hesar leiðbeiningarreglur tá kapping verður fráboðað:
Leiðbeining tá kapping verður fráboðað
Allar kappingar skulu fráboðast á heimasíðuni hjá FÍF
Kappingarnevndin hjá FÍF fráboðar øll meistaraskap, og tær kappingar, sum FÍF skipar fyri. Tá kapping verður fráboða, skal hetta kunngerast:
Navn á kapping, hvar og nær
Kappingarslag
Kappingarbólkar (árg.)
Kappingargreinar
Kappingarinnbjóðan (ikki kravt)
Kappingartilmeldan (hvar og nær tilmelding fer fram)
Kappingarskrá (nær tær ymsu greinarnar byrja)
Kappingarheimasíða við meiri kunning (ikki kravt)
Tað kunnu ganga upp til tríggir yrkadagar, frá fráboðan er móttikin hjá FÍF, til kappingin sást á heimasíðuni.
Fráboða kappingar so tíðliga sum møguligt og í seinasta lagi eina viku áðrenn kappingin fer fram. Tvs. er kapping mikudag, skal hon fráboðast mikudagin frammanundan.
Kappingar sum ikki lúka hesar treytir, verða ikki góðkendar í FÍF høpi.
