Mannfólkarenningin verður leygardagin

Triðja árið á rað skipar Hvirlan fyri ársins Mannfólkarenning. Kappingin verður leygardagin 11. apríl klokkan 13. Startur og mál verður við hjá Wenzel, sum nú eisini er høvuðsstuðul hjá Hvirluni.

Runnið verður í trimum bólkum:

• Menn føddir í 1970 og seinni
• Menn føddir í 1960 – 1969
• Menn føddir í 1959 ella fyrr

Og so er eisini spennandi liðkapping, har kappast verður um eitt av Føroya størstu steypum. Á hvørjum liði eru tríggir rennarar.

Mannfólkarenningin verður runnin á vegnum, á gøtum, í áum, á sandi og aðra staðni við. Ein bæði stuttlig, øðrvísi og avbjóðandi teinur, sum er umleið 6 km til longdar.

Kostnaður fyri renningina er 150 kr. Teir fyrstu 200 at melda til fáa eina blusu. Tilmelding á www.hvirlan.f0