Rúni og Rebekka trygt víðari

Í kvøld hava okkara sterku miðteinarennarar Rúni Seloy og Rebekka Fuglø verið í kapping. Rúni var ein av 19 rennarum, sum skuldi royna at renna seg í hálvfinaluna, sum longu verður mánamorgunin.

Tveir teir fremstu í hvørjum av teimum fýra riðilunum, umframt fýra tær bestu tíðirnar komu víðari. Rúni rann í triðja riðili, har vit undan renningini mettu hann til næststerkasta rennaran í riðilinum. Rúni helt eisini annað-plássið alla kappingina, og rann seg rættiliga trygt í hálvfinaluna. Bert einu løtuna var plássið hótt, men við 100 metrum á mál, tók Rúni veruliga dik á seg, og seglaði hálvfinaluplássið. Tíðin hjá Rúna gjørdist 2.02,46 min.

Rúni rann seg víðari til semifinalurnar, sum verða avgreiddar fyrrapartin í morgin

Á 1.500 metrum hjá kvinnum vóru 13 kvinnur í tveimum riðlum. Hetta talið skulid so skerast niður til níggju kvinnur, sum skulu renna finaluna týskvøldið. Tríggjar tær fremstu komu beinleiðis víðari. Kappingin hjá Rebekku gekk júst sum hon skuldi. Hon var ein av trimum, sum eftir umleið hálvan tein slitu seg leysar. Tær øktu spakuliga fjarstøðuna frá hinum, og runnu seg allar trygt og róliga í finaluna. Tíðin hjá Rebekku var 4.43,60

Natalie Whitty  (119), Rebekka og Rachael Franklin (132) runnu seg lættliga í finaluna

 

Athletics

800m Men

Myndir