Melda til her!
Tilmelding og gjald
Tilmelding kann gerast beinleiðis á heimasíðuni www.athletics.fo ella við at útskriva tilmeldingarseðilin og senda henda til Bragdið. Eisini er møguligt at melda til umvegis Kunningarstovuna í Havn. Tilmeldingarskjøl verða eisini at fáa á ymiskum støðum. Luttøkugjaldið skal flytast á kontu í Føroya Banka 6460-166.239.4.
Tilmeldingarfreistin er 14. juli, og vit heita á allar luttakarar um at melda til í góðari tíð, soleiðis at fyrireikarnir betri kunnu fyrireika tiltakið.
Heintan av startnr.
Allir rennarar mugu heinta startnr., T-shirt o.a. í Høllini á Hálsi fríggjakvøldið tann 18. juli millum kl. 19-22. Eisini verður møguligt at heinta startnr. í miðbýnum leygardag fyrrapart.
Pastaparty
Fríggjakvøldið millum kl. 19-22 er pastaparty fyri marathonluttakarunum í kantinuni á Hálsi í sambandi við útflýggjan av startnummari.
Heiðran
Allir luttakararnir, sum koma á mál, fáa marathon heiðursmerki. Serligir vinningar verða til nr. 1, 2 og 3 hjá kvinnum og monnum í marathon. Luttakast verður millum allar luttakararnar um serligar vinningar. Heiðursmerki verður latið til nr. 1, 2, og 3 í øllum bólkum. Nærri verður lýst um vinningarnar seinni.
Drykkjuvørur og 1. hjálp
Á rutuni ber til at fáa vatn og saft fyri hvørjar 5 km. Eisini verða 1. hjálparar til reiðar á rutuni. Í máløkinum verða eisini drykkjuvørur og annað gott at fáa.
Bólkar
Fyrsta Tórshavn Marathon
Bragdið bjóðar rennarum úr Føroyum og útlondum til Tórshavn Marathon leygardagin 19. juli 2003.
Hetta er fyrsta marathon-renningin nakrantíð í Havn, men aðru ferð at hesin teinurin verður runnin í Føroyum. Fyrstu ferð, marathon varð runnið í Føroyum, var í samband við Oyggjaleikirnar í 1989.
Eisini stuttleikarenning
Eisini verður møguligt at luttaka í hálvmarathon og stuttleikarenning fyri vaksin og børn, ávikavist 5 km og 3 km.
Við stuttleikarenningini er ætlanin at fáa flest møgulig út at røra seg hendan dagin uttan at seta serlig krøv til skjótleika ella tíðir. Endamálið er at hava tað stuttligt og at seta ein serliga dám á miðbýin henda dagin!
Marathon tiltakið í ár er ein roynd av sínum slag hjá Bragdinum, og ætlanin er, at hetta skal verða eitt afturvendandi tiltak á hvørjum ári. Nakrir útlendingar koma at luttaka í ár, men komandi árini rokna vit við lutfalsliga stórari luttøku úr útlondum.
Jan Christiansen, borgarstjóri í Havn, setur marathon tiltakið og letur startskotið ganga.
FM-kapping
Marathon renningin er samstundis kapping um FM heitið, og teir rennarar, sum kappast um hetta heiti, skulu verða limir í einum av feløgunum fyri frælsan ítrótt í Føroyum.
Start og mál
Marathon og hálvmarathon byrja kl. 14.00 í Kaldbak og enda í miðbýnum. Stuttleikarenningin fyri vaksin og børn byrjar lítla løtu seinni. Hon byrjar og endar í miðbýnum.
Rutan
Endaliga rutan til allar teinarnar verður nærri lýst innan 15. juni. Eisini verður eitt kort yvir rutuna lagt á heimasíðuna www.athletics.fo .
Luttøkutreytir
Fyri at renna marathon skal ein hava fylt ella fylla 18 ár í ár, og fyri hálvmarathon er markið 16 ár, samstundis er miðvís marathonvenjing sjálvandi eisini ein fortreyt. Stuttleikarenningin er fyri øll og er býtt í tveir bólkar, upp til 12 ár renna 3 km, 13 ár og eldri renna 5 km.
Luttøkugjøld
Marathon luttøkugjaldið er 250 kr., 1/2 marathon 200 kr., stuttleikarenning 5 km 100 kr. og stuttleikarenning 3 km fyri børn 50 kr.
T-shirt
Íroknað luttøkugjaldið í øllum bólkum er ein T-shirt og ymiskt at drekka og eta á rutuni og í máløkinum.
Marathon Menn
1. Bólkur
18-39
Føddir 1964-1985
2. Bólkur
40-49
Føddir 1954-1963
3. Bólkur
50+
Føddir til og við 1953
Marathon Kvinnur
1. Bólkur
18-39
Føddar 1964-1985
2. Bólkur
40+
Føddar til og við 1963
Hálvmarathon Menn
1. Bólkur
18-39
Føddir 1964-1987
2. Bólkur
40+
Føddir til og við 1963
Hálvmarathon Kvinnur
1. Bólkur
18-39
Føddar 1964-1987
2. Bólkur
40+
Føddar til og við 1963
5 km Menn
Ein Bólkur
13+
Føddir til og við 1990
5 km Kvinnur
Ein Bólkur
13+
Føddar til og við 1990
3 km Dreingir
Ein Bólkur
-12
Føddir í 1991 ella seinni
Mælt verður til, at foreldur renna við børnum, ið eru yngri enn 7 ár.
3 km Gentur
Ein Bólkur
-12
Føddar í 1991 ella seinni
Mælt verður til, at foreldur renna við børnum, ið eru yngri enn 7 ár.
